⚓️OCEAN WORLD?- ദേവാസുരൻ. EP-1 [Ɒ?ᙢ⚈Ƞ Ҡ??? ] 2241

40.

പിന്നീട് അവർക്കത് ആഹ്ലാദമായി……
ആർപ്പ് വിളികളായി……..
എല്ലാവരും ഓടിന്റെ പേര് ഉച്ചരിച്ചുകൊണ്ട് ആർപ്പു വിളിക്കുവാൻ തുടങ്ങി….

കൂട്ടത്തിൽ രാജ ഭടന്മാർ ചങ്ങലയിൽ ബന്ധിയായിരിക്കുന്ന മെക്രോസിനെ മോചിതനാക്കി…….
ഒപ്പം അവർ അദ്ദേഹത്തിന്റെ കാലിൽ വീഴുവാനും മറന്നിരുന്നില്ല……

രാജ കല്പ്പന ആയിരുന്നെങ്കിൽ കൂടി അവർ ചെയ്തത് തെറ്റാണെന്നതിൽ പൂർണ്ണ ബോധ്യം ഉണ്ടായിരുന്നു…..

മെക്രോസ് യാതൊരു വിദ്വേഷവും ഇല്ലാതെ അവരെ എഴുന്നേൽപ്പിച്ച് ഒരു പുഞ്ചിരിയാൽ മാപ്പ് നൽകി….

ശേഷം ഓടിന്റെ പക്കലേക്ക് ചലിച്ചു….
ഓടിൻ അദ്ദേഹത്തിന്റെ പക്കലേക്കും….

ഇരുവരും പരസ്പരം കെട്ടിപ്പുണർന്നു…..

,,,,,, ഓടിൻ……….
എന്റെ മകനേ..……..

ഓടിൻ തേങ്ങി കൊണ്ട് വിളിച്ചു…..

,,,,,, പിതാവേ…….

,,,,,,, നീ മരിച്ചു പോയി എന്ന് കരുതി……
അന്ന് ഞാൻ നിസഹായൻ ആയിരുന്നു……

,,,,, എല്ലാം അറിയാം പിതാവേ……
എനിക്കൊന്നും പറ്റിയില്ലല്ലോ…..'””

ഓടിൻ പറഞ്ഞു…..

മെക്രോസ് നിറഞ്ഞ പുഞ്ചിരിയോടെ അവന്റെ മുടിയിഴകളിൽ തഴുകി……

,,,,,,,,ഓടിൻ……'””

പെട്ടെന്ന് അവിടെ ഒരു ദുർബലമായ സ്വരം ഉയർന്നു……

ആ ശബ്ദം ഓടിന്റെ ഹൃദയത്തിൽ സന്തോഷത്തിന്റെ പുതു നോവ് സൃഷ്ടിച്ചു…..

അവൻ വേഗം ആ ദിശയിലേക്ക് നോക്കി……

ബന്ധിയായി കിടന്നിരുന്ന സാര എന്ന തന്റെ മാതാവിനെ ചില ജല മനുഷ്യ സ്ത്രീകൾ കൈ പിടിച്ചു കൊണ്ടുവരുന്നു….

അവരുടെ ആ വേഷവും അവസ്ഥയും കണ്ടതും ഓടിനിൽ അടങ്ങാത്ത കലിയും സങ്കടവും അണപൊട്ടി……

സാര കാരാഗ്രഹത്തിൽ കിടന്നതിന്റെ എല്ലാ സൂചനകളും അവളുടെ ദേഹത്ത് കാണാമായിരുന്നു…..

മുമ്പുള്ള ആ മുഖത്തെ തേജ്ജസ് ഇന്ന് കാണുവാൻ സാധിക്കുന്നില്ല…..

മുഖത്തും ധരിച്ചിരിക്കുന്ന വസ്ത്രത്തിലുമെല്ലാം അഴുക്ക് പതിഞ്ഞിരുന്നു……

,,,,,,, അമ്മേ……'”

അവൻ ചുണ്ടുകൾ പതിഞ്ഞ സ്വരത്തിൽ ഒരു ഇടർച്ചയുടെ മുഴക്കത്തോട് കൂടെ വിളിച്ചു….

സ്വന്തം മാതാവിന് ഒന്ന് നൊന്താൽ ഏത് ദൈവവും ഒന്ന് കരഞ്ഞുപോകും……
സകല സമുദ്രത്തിന്റെയും അധിപതിയായ ഓടിന്റെ കണ്ണുകൾ നിറഞ്ഞൊഴുകുകയായിരുന്നു…..

അവൻ വേഗത്തിൽ സാരയുടെ അടുക്കലേക്ക് പാഞ്ഞു…..
ശേഷം അവരെ തന്റെ നെഞ്ചിലേക്ക് ഇറുക്കെ പുണർന്നു……
അനുഭവിച്ച വിഷമങ്ങളും വേദനകളും സാര അവന്റെ നെഞ്ചിൽ കിടന്ന് കരഞ്ഞു തീർക്കുകയായിരുന്നു….

,,,,,,, അമ്മേ…….'”

,,,,,. മോനെ……
നീ മരിച്ചു പോയെന്ന് കരുതി…….'”

,,,,, എനിക്ക് ഒന്നുല്ല അമ്മേ……'”

അവർ പരസ്പ്പരം ആശ്വാസ വാക്കുകൾ പറഞ്ഞുകൊണ്ടിരുന്നു……

41.

,,,,,, എവടെ ആയിരുന്നു മോനെ നീ….

,,,, അത് അമ്മേ……
ഞാൻ വേറൊരു ലോകത്ത് ആയിരുന്നു….'””

,,,,, വേറെ ലോകമോ…….

,,,, അതെല്ലാം ഞാൻ അമ്മയോട് വിശദമായി പിന്നീട് പറഞ്ഞുതരാം…….'””

ഓടിൻ പറഞ്ഞു….
സാര അവിടെ നിൽക്കുന്ന പെഹീസ് പെൺ സമൂഹത്തെ നോക്കി……
അവരുടെ  ലോകത്തുള്ളവരിൽ നിന്നും തീർത്തും വ്യത്യസ്തരായവർ…..
ശക്തരായവർ……

സാര ഓടിന്റെ മുഖത്തേക്ക് നോക്കി…..

,,,,, ഓടിൻ……

,,,, എന്താ അമ്മേ….

,,,,,,, ഇത്……..
ഈ പെണ്ണുങ്ങൾ ഒക്കെ ഏതാണ്……
ഇതിന് മുമ്പ് നമ്മുടെ ലോകത്ത് കണ്ടിട്ടില്ലല്ലോ…..'””

സാര ചോദിച്ചു……
ഓടിൻ ആദ്യമേ സാരയുടെ മുഖത്തേക്ക് നോക്കി പുഞ്ചിരിച്ചു……
ശേഷം അമ്മയെ ചേർത്ത് പിടിച്ച് പെഹീസ് പെൺ സമൂഹത്തിന് നേരെ നോക്കി…..

,,,,,,, അറ്റ്ലാന………'””

ഓടിൻ ഉറക്കെ വിളിച്ചു…..

ആ വിളി കേട്ടപ്പോൾ തന്നെ അവൾ ആ കുട്ടത്തിന്റെ ഉള്ളിൽ നിന്നും മുന്നോട്ട് വന്നു…..

അവളുടെ ആ സൗന്ദര്യത്തിൽ ജല ലോകം തന്നെ ഒരു നിമിഷം വീണുപോയി…..

അറ്റ്ലാന വന്ന് സാര നിൽക്കുന്നതിന്റെ മറു ഭാഗത്തായി അവനോട് ചേർന്നു നിന്നു…..

സാരക്ക് ഇവിടെന്താണ് നടക്കുന്നത് എന്നത് മനസ്സിലായില്ല എന്നതാണ് സത്യം…..
അവൾ ചോദ്യ ഭാവേന ഓടിനെ നോക്കി….
അവൻ സാരയെ നോക്കി ഒന്ന് ചിരിച്ച ശേഷം അറ്റ്ലാനയെ നോക്കി…..

,,,,,, അറ്റ്ലാന………

,,,,,, ഹ്മ്മ്……?

,,,,, ഞാൻ തന്നോട് പറഞ്ഞിരുന്നില്ലേ…..
ഒരു അമ്മയെ പറ്റി……

,,,,,, ഹ്മ്മ്…..

,,,,,, അതാണ് ഇത്……
എങ്ങനെ ഉണ്ട്….. കൊള്ളാമോ……'””

ഓടിൻ ചോദിച്ചു……
അറ്റ്ലാന സാരയെ ഒരു നോക്ക് നോക്കി…..
ആ മുഖത്ത് അളവിൽ കവിഞ്ഞ വാത്സല്യം ഒളിഞ്ഞിരിക്കുന്നത് അവൾ കണ്ടു…..

അവൾ ഓടിനെ നോക്കി ഇഷ്ട്ടമായെന്ന് തലയാട്ടി കാണിച്ചു…..
അവനും അത് സന്തോഷമായി…..

പെട്ടെന്ന് ഓടിന്റെ ചെവിയിൽ സാരയുടെ കൈ വീണു……'”

,,,,,, ഹാവൂ…….
അമ്മേ….. വിട്….. വേദനിക്കുന്നു…….'””

,,,,,, ഒന്ന് പോടാ……
ആരാ അത് എന്ന് ചോദിക്കുമ്പോൾ ഗോഷ്ടി കാണിക്കുന്നോ……'””

,,,,, ദേ അമ്മേ…..
ഞാൻ ഇപ്പൊ ദൈവം ആണ്……'”

,,,,, അതൊക്കെ ഇവർക്ക്……
എനിക്ക് നീ എന്റെ മോൻ മാത്രമാണ്…..
കുടുത്തക്കേട് കാണിച്ചാൽ ഇനിയും വാങ്ങും നീ…..'””

,,,,, ശരി….. എല്ലാം ഞാൻ സാവധാനം പറയാം…..
ഇപ്പൊ എന്നെ വിട്….. ഞാൻ പാവം അല്ലെ അമ്മേ……'””

42.

ഓടിൻ കൊഞ്ചിക്കൊണ്ട് പറഞ്ഞു…..
അവൻ ശരിക്കും കുട്ടി ആവുകയായിരുന്നു…..
സാര അവന്റെ ചെവിയിൽ നിന്നും കയ്യെടുത്തു….

എന്നാൽ ഈ കാഴ്ച അറ്റ്ലാന അടക്കം എല്ലാ പെഹീസ് പെണ്ണുങ്ങൾക്കും പുതുമ ആയിരുന്നു….

അറ്റ്ലാന വായും പൊളിച്ച് സാരയെ തന്നെ നോക്കി നിന്നു…..

പെട്ടെന്ന് സാര മുന്നോട്ട് വന്ന് അറ്റ്ലാനയുടെ കയ്യിൽ പിടിച്ചു……

,,,,,, മോൾടെ പേരെന്താ…….?

,,,,, അറ്റ്ലാന……

,,,, നല്ല പേര്……
ഇവനെ നന്നായി നോക്കില്ലേ നീ…..'””

ആ ചോദ്യം കേട്ട് റിലേ പോയത് ഓടിന്റെ ആയിരുന്നു….. അവൻ സാരയെ  കണ്ണും മിഴിച്ചു നോക്കി…..

,,,,,, എന്താടാ ഇങ്ങനെ നോക്കുന്നെ…..

,,,, അമ്മക്ക് എങ്ങനെ….?

,,,,, ഹാ…. ചില കാര്യങ്ങൾ പറയാതെ തന്നെ മനസ്സിലാക്കാം…..
എന്തായാലും ഈ കുട്ടി കൊള്ളാം…..
ഇത്ര സുന്ദരിയെ ഞാനെന്റെ ജീവിതത്തിൽ കണ്ടിട്ടില്ല…….'””

സാര പറഞ്ഞു…..
ആ വാക്കുകൾ അവളിൽ നാണമാണ് ഉണ്ടാക്കിയത്…..

അറ്റ്ലാന അവന്റെ നെഞ്ചോട് ചേർന്ന് നിന്ന് നഖം കൊണ്ട് വരയുവാൻ തുടങ്ങി….
ചെറിയ കുട്ടിയെ പോലെ….
അത് കണ്ടപ്പോ സാരക്കും ആ ജനങ്ങൾക്കും ചിരിയാണ് വന്നത്……

,,,,, മോനെ…..
ഇത്രക്ക് പാവം പെണ്ണിനെ എവിടുന്ന് സംഘടിപ്പിച്ചടാ……

സാര ഓടിനോട് ചോദിച്ചു…..

ഓടിൻ അറ്റ്ലാനയെ ഒരു നോക്ക് നോക്കി….
പിന്നെ സാരയെയും…..

,,,, അമ്മേ….

,,,,, എന്താടാ…….

,,,,, അത്രക്ക് പാവമൊന്നും അല്ല……'”

അത് കേട്ടതും അറ്റ്ലാന അവന്റെ നെഞ്ചിലേക്ക് ഒരു കുത്ത് കൊടുത്തു…..
നിമിഷങ്ങൾ കൊണ്ട് അവിടെ ആനന്ദമാവുകയായിരുന്നു….

,,,,, സമുദ്ര ലോക രാജാവ് നീണാൽ വാഴട്ടെ…..
അങ്ങയുടെ വരവിനാണ് ഞങ്ങൾ കാത്തിരുന്നത് പ്രഭോ…….,'””

അധീര അവന്റെ അടുക്കലേക്ക് വന്നുകൊണ്ട് പറഞ്ഞു……
ഓടിൻ അയാളെ നോക്കി വെറുതെയൊന്ന് ചിരിച്ചു….. ബാക്കി ഉള്ളവരിൽ കോപം ആയിരുന്നു……

,,,,, രാജ ഗുരു…….

ഓടിൻ വിളിച്ചു….