⚓️OCEAN WORLD🔱- ദേവാസുരൻ. EP-1 [Ɒ𝝽ᙢ⚈Ƞ Ҡ𝖏𝞜𝙜 ] 2241

15.

,,,,,, എന്താണ് ഒരു രാജാവെന്ന് പറഞ്ഞാൽ……
എന്താണ് ഒരു റാണി എന്ന് പറഞ്ഞാൽ…..

കൊല്ലുവാൻ ആർക്കും എളുപ്പം സാധിക്കും…..
രക്ഷിക്കുവാനാണ് പാട്……

1000 പേരെ കൊല്ലുന്നവൻ അവന്റെ രാജ്യത്ത് ലക്ഷം പേരുടെ കണ്ണിൽ ധീരൻ ആയി മാറാം….

പക്ഷെ തന്റെ പ്രജയുടെ സന്തോഷം കാണുവാനും കണ്ണുനീർ ഒപ്പുവാനും പഠിച്ചാൽ…..
അവനാണ് ഈശ്വരൻ…..

ഇന്നങ്ങക്ക് മുന്നിൽ ഞാൻ യുദ്ധം ചെയ്തത് പോലും എന്റെ യോഗ്യത തെളിയിക്കുവാൻ മാത്രമാണ്……
എങ്ങനെ വിജയിച്ചു എന്നൊന്നും എനിക്ക് അറിയില്ല….ഞാൻ വീരൻ ആണോ എന്നും അറിയില്ല…..
പക്ഷെ എന്റെ മുന്നിൽ ആരും കരഞ്ഞിട്ടില്ല… ആരും വേദനിച്ചിട്ടില്ല…. എല്ലാവർക്കും ഞാൻ നൽകിയത് സന്തോഷം മാത്രമാണ്…..

ഇത്രയും കഴിവുകൾ മതിയല്ലോ ഒരു നല്ല രാജാവോ റാണിയോ ആവാൻ……

അങ്ങേക്കും അതിന് സാധിക്കും…..'””

ഓടിൻ അത്രമാത്രം പറഞ്ഞു നിർത്തി…..
ശേഷം പുറകിലേക്ക് മലർന്ന് കിടന്ന് കണ്ണുകൾ അടച്ചു…..

അറ്റ്ലാനക്ക് അവൻ പകർന്ന് നൽകിയത് ഒരു പുതു പാഠം ആയിരുന്നു…..
അവന്റെ തേജസ്സ് നിറഞ്ഞ ആ മുഖം അവൾ ഒരു നോക്ക് നോക്കി….

ശേഷം അവന്റെ അടുത്ത് തന്നെ അവളും മലർന്ന് കിടന്ന് കണ്ണുകൾ അടച്ചു…..

ദേഹത്തെ ചതവും മുറിവും കാരണം ഇരുവരും വേഗത്തിൽ മയങ്ങിപ്പോയി…..
അവിടുള്ള പരിചാരകർ അവരെ എടുത്ത് വൈദ്യ ചികിത്സക്ക് ഖലീസിയുടെ പാർപ്പിടത്തേക്ക് കൊണ്ടുപോയി…..

——– പെൻസിമാ ജല ലോകം ———-

ആദത്തിന്റെ വാഴ്ച തുടങ്ങിയിട്ട് ഇപ്പോൾ നാളുകൾ ഏറെയായി…..

ഇതുവരെ അവൻ ജനങ്ങൾക്ക് നൽകിയത് വെറും കണ്ണുനീർ മാത്രമായിരുന്നു…..

എന്നിരുന്നാലും അവിടുള്ള ജനങ്ങൾ രാജാവിന്റെ കല്പനകൾ അനുസരിച്ചു നിന്നു….

ഇന്ന് അവിടെ ഉത്സവമാണ്…..
ആഹ്ലാദത്തിന്റെയും ആനന്ദത്തിന്റെയും നാൾ….

എന്നാൽ ഇത്തവണ ജനങ്ങളുടെ മനസ്സിൽ അത് ഉണ്ടായിരുന്നില്ല…. അവരത് വെളിയിൽ കാണിച്ചതുമില്ലായിരുന്നു…..

ആ നാട്ടിലെ ആദത്തിന്റെ കൂട്ടാളികളായ ആട്ടിൻ തോലിട്ട ചെന്നായ്ക്കൾ മദ്യസേവയും സ്ത്രീ ഭോഗവും നടത്തി അർമ്മാതിച്ചു…..

മുൻ രാജാവ് മെക്രോസ് ഇതെല്ലാം കണ്ട് കണ്ണടച്ച് നിൽക്കുകയും ചെയ്തു….

അദ്ദേഹത്തിന് ഇപ്പോൾ ഇതെല്ലാം ഒരു പതിവ് കാഴ്ചയായി മാറിയിരുന്നു……

ഉത്സവം പുരോഗമിച്ചു…..

മത്സ്യ കന്യകമാരുടെ ഗന്ധർവ നൃത്തവും മനോഹര ഗാനവും….
കൂടാതെ പരസ്പ്പരമുള്ള ട്രിഡന്റ് യുദ്ധ മത്സരങ്ങളും എല്ലാം കണ്ട് മഹാ രാജാവ് ആദം ആസ്വദിച്ചിരുന്ന് മദ്യം സേവിച്ചു…..

അൽപ്പ നേരത്തിനു ശേഷം ആദം തന്റെ സിൽവർ ട്രിഡന്റ് ഉപയോഗിച്ച് നിലത്തേക്ക് കുത്തി…….

അതിൽ നിന്നും വളരെ വലിയൊരു ശബ്ദമാണ് വെളിയിൽ വന്നത്……

ആ  ശബ്ദം കേട്ടതോടെ ചുറ്റുപാടും നടന്നിരുന്ന ട്രിഡന്റ് പോർ മത്സരങ്ങളും നൃത്തവും സംഗീതവുമെല്ലാം നിർത്തി വച്ചു…….

പ്രജകളുടെ മുഴുവൻ ശ്രദ്ധയും മഹാരാജാവ് ആദത്തിന്റെ മേലിൽ ആയി……
അവൻ പറയാൻ പോകുന്ന വാക്കുകളിൻ മേൽ ആയി……

ആദം പതിയെ സിംഹാസനത്തിൽ നിന്നും ഉയർന്ന് പൊങ്ങി…….
മദ്യത്തിന്റെ ലഹരി അവന്റെ മുഖത്ത് നല്ല രീതിയിൽ കാണാൻ സാധിച്ചിരുന്നു……

എല്ലാവരെയും ആദം ഒരു നോക്ക് നോക്കിയ ശേഷം തന്റെ പ്രസംഗം തുടങ്ങി……

,,,,, എൻ പ്രിയ അടിമകളെ………………
ഈ ആഘോഷ സുദിനത്തിൽ നിങ്ങളെ ഞാനൊരു കാര്യം ഏൽപ്പിക്കുവാൻ പോകുന്നു……

ഇത് നമ്മുടെ എല്ലാവരുടെയും നന്മക്കാണ്……
പെൻസിമാ ജല ലോകത്തിന്റെ വളർച്ചക്കാണ്…….””””

ആദം പറഞ്ഞത് എന്തെന്ന് മനസ്സിലാവാതെ എല്ലാവരും അവനെ നോക്കി……

,,,,,, അപ്പൊ ഞാൻ പറഞ്ഞു വന്നത് എന്തെന്നാൽ…………
നമ്മൾ ഒട്ടും വൈകാതെ തന്നെ കരയിൽ ജീവിക്കുന്ന മനുഷ്യരെ ആക്രമിക്കുവാൻ പോകുന്നു……
ഭൂമിയുടെ അവശേഷിക്കുന്ന 30 ശതമാനം ഭാഗത്തും  കടൽ ജലത്താൽ വിഴുങ്ങുവാൻ പോകുന്നു…………'””

ആദം പറഞ്ഞു നിർത്തി….
ആ വാക്കുകൾ എല്ലാവർക്കും ഒരു ഞെട്ടൽ ആയിരുന്നു….
പ്രകൃതിവിരുദ്ധമായ കാര്യം …..

,,,,,,  ആദം……….

പെട്ടെന്ന് അവിടെ മെക്രോസിന്റെ ശബ്ദം ഉയർന്നു……
എല്ലാവരും പ്രതീക്ഷ എന്നൊന്നും അദ്ദേഹത്തെ നോക്കി….
ഒപ്പം ആദവും വലിയ ബഹുമാനം നൽകാതെ അദ്ദേഹത്തെ നോക്കി…….

,,,,,, മുൻ പെൻസിമാ മഹാരാജാവിന് എന്തെങ്കിലും പറയാൻ ഉണ്ടോ……

ആദം ഒരു പുച്ഛത്തോടെ ചോദിച്ചു…..

,,,,,,, ആദം………
നിന്റെ അരോചക വാഴ്ച വർധിച്ചിരിക്കുന്നു…..
ഇപ്പോൾ നീ ഒരു പ്രകൃതി വിരുദ്ധ കാര്യവും ഉത്തരവിട്ടിരിക്കുന്നു……
ഇതിന്റെ എല്ലാം അർഥം എന്താണ്……….””‘

മെക്രോസ് ദേഷ്യത്തോടെ ചോദിച്ചു…..

,,,,, ഇതിൽ എന്ത് പ്രകൃതി വിരുദ്ധമാണ് ഉള്ളത് പിതാവേ…..
ഒരു രാജ്യത്തെ ആക്രമിക്കുന്നതും അത് സ്വന്തമാക്കുന്നതും കാലാകാലങ്ങളായി നടക്കുന്ന ഒന്നല്ലേ….
അതിൽ എന്താണ് തെറ്റ്…….
എന്റെ ഈ തീരുമാനം പെൻസിമാ ലോകത്തെ പതിൻ മടങ്ങ് വലുതാക്കി മാറ്റും….
King of ocean എന്ന ഞാൻ ഈ ലോകത്തിന് മുഴുവൻ രാജാവായി മാറും……'””

ആദം ഒരു അട്ടഹാസത്തോടെ പറഞ്ഞു…..

,,,,, ആദം…….
ഇത് ഒരിക്കലും നടക്കില്ല….
നമ്മുടെ ലോകം ഇവിടെ മാത്രമായിരിക്കും….
അത് ഓർമയിൽ വക്കുക…….

മെക്രോസ് ഉറച്ച ശബ്ദത്തോടെ പറഞ്ഞു……

,,,,,, പിതാവേ……….
അങ്ങ് രാജ കല്പനയെ എതിർക്കുവാൻ ശ്രമിക്കുകയാണോ…….'”

,,,,, ഹും….. രാജ കല്പ്പന……
നിനക്ക് ഒരു രാജാവാകാൻ എന്ത് അർഹത ഉണ്ട് ആദം……..
മത്സര ശേഷം എന്റെ മകൻ ഓടിനെ നീ കൊന്നു…..
നിനക്ക് പാലൂട്ടി വളർത്തിയ അമ്മയെ തടവറയിൽ ആക്കി…..
നമ്മുടെ പ്രജകളെ കണ്ണീർ കുടിപ്പിച്ചു….
നീ രാജാവ് അല്ല ആദം…..
ചതിയനാണ്……
വെറും ചതിയൻ……'”

മെക്രോസിന്റെ ആ വാക്കുകൾ കേൾക്കുമ്പോൾ ആദത്തിന്റെ കോപത്താൽ മുഖം വലിഞ്ഞു മുറുകുകയായിരുന്നു…..പിന്നെ അത് ഒരു പുഞ്ചിരിയായി മാറി….
ആ പുഞ്ചിരി ഒരു അട്ടഹാസമായി മാറി….

‘” ,,,,,, ഹ ഹ ഹ ഹ ഹ ഹ ഹ……………..
അങ്ങ് എന്താണ് പിതാവേ പറഞ്ഞത്…….
ചതിയനോ……….
ഹ ഹ ഹ ഹ ഹ………..
ഇത് ചതിയല്ല……..

തന്ത്രം……….. രാജ തന്ത്രം………

അങ്ങയുടെ മകൻ തോറ്റു എന്നാണോ കരുതിയത്……..

അല്ല……..

ഞാൻ തോൽപ്പിച്ചു……
ഈ രാജ തന്ത്രം കൊണ്ട്…..

പിന്നെ പാലൂട്ടിയ മാതാവ്…….

അത് എന്റെ മാതാവ് തന്നെ ആണോ പിതാവേ……
തുഫ്………

എന്റെ മാതാവ് മരിച്ചിട്ട് നാൾ ഏറെ ആയി…..
അവൾ എന്റെ മാതാവ് അല്ല….. “”””

ആദത്തിന്റെ ആ ക്രൂര വാക്കുകൾ അവിടം മുഴുവൻ പ്രതിധ്വാനിച്ചു……

,,,,, ആദം……………

മെക്രോസ് ക്രോധത്താൽ ഉറക്കെ അലറി……