⚓️OCEAN WORLD🔱- ദേവാസുരൻ. EP-1 [Ɒ𝝽ᙢ⚈Ƞ Ҡ𝖏𝞜𝙜 ] 2241

11.

എന്നാൽ മഹാറാണി അറ്റ്ലാന ഇതിൽ നിന്നെല്ലാം മാറി നിന്നു…..
അവൾക്ക് അവനിൽ യാതൊരുവിധ അടുപ്പവും പുലർത്താൻ താൽപ്പര്യം ഇല്ലായിരുന്നു…..

എന്നാൽ അവന്റെ സാമിപ്യം ഇപ്പോളും അവളെ വല്ലാതെ അനുരാഗ മായയിൽ മുക്കുന്നു…..

ഇപ്പോൾ ഓടിന്റെ മുറിവുകൾക്കെല്ലാം ഏറെ മാറ്റങ്ങൾ ഉണ്ടായിരുന്നു…..

അറ്റ്ലാന ദിനവും ചെയ്യുന്നത് പോലെ അവരുടെ ലോകത്തെ കുഞ്ഞു പെഹീസ് പെൺകുഞ്ഞുങ്ങളെ ആയുധ അഭ്യാസം പരിശീലിപ്പിക്കുവാൻ പോവുകയായിരുന്നു……

അപ്പോളാണ് അവളത് കാണുവാൻ ഇടയായത്…….

പരിശീലന ശാലക്ക് മുന്നിൽ കുറച്ച് സ്ത്രീകൾ കൂടി നിൽക്കുന്നു….

എന്തെന്ന് അറിയാതെ അറ്റ്ലാന അവിടേക്ക് ചലിച്ചു……
അവളുടെ വരവ്  കണ്ടതും  വഴിയിൽ കൂടി നിന്നിരുന്ന സ്ത്രീകൾ വഴിമാറി ബഹുമാനം കാണിച്ചു……

അവരെയെല്ലാം താണ്ടി മുന്നിൽ എത്തിയ അറ്റ്ലാന ആ കാഴ്ച കാണുവാനിടയായി…..

ഒരു ട്രിഡന്റ് പിടിച്ച് കുട്ടികൾക്ക് ആയുധ പരിശീലനം നൽകുന്ന ഓടിൻ…….
അത് കൗതുകത്തോടെ കണ്ട് പഠിക്കാൻ ശ്രമിക്കുന്ന കുട്ടികൾ…….

പിന്നെ ഇതെല്ലാം ചുറ്റും കൂടി നിന്ന് ആസ്വദിക്കുന്ന ആ ലോകത്തെ പ്രജകൾ……

അറ്റ്ലാനയുടെ ഉള്ളിൽ ക്രോധത്തിന്റെ ഒരു അഗ്നി പർവതം പൊട്ടുകയായിരുന്നു ഈ സമയം…….

ഒരു സിംഹത്തെ പോലെ അറ്റ്ലാന അവനു നേരെ ഉറക്കെ അലറി…….

അറ്റ്ലാനയുടെ ഉള്ളിൽ ക്രോധത്തിന്റെ ഒരു അഗ്നി പർവതം പൊട്ടുകയായിരുന്നു ഈ സമയം…….

ഒരു സിംഹത്തെ പോലെ അറ്റ്ലാന അവനു നേരെ ഉറക്കെ അലറി…….

“‘”” ‘””.   ഏയ്‌.,..,,.,.,.,.,………. “‘”‘ ‘””

പെട്ടെന്ന് എല്ലാവരുടെയും ശ്രദ്ധ അറ്റലാനയിൽ പതിച്ചു…… ഓടിനും പരിശീലനം നിർത്തി വച്ച് അവളെ നോക്കി…..

ഈ സമയം ക്രോധത്തിന്റെ പരമൊന്നതിയിൽ എത്തിയിരുന്നു അറ്റ്ലാന….

അവൾ വേഗത്തിൽ തന്റെ കണ്ണുകൾ അടച്ച് ഇരു കയ്യും ഉയർത്തി വൃത്താകൃതിയിൽ കറക്കി….

പെട്ടെന്ന് അവളുടെ കയ്യിലൂടെ ഒരു ജല ഇലെക്ട്രിക്കൽ വലയം  ഉയർന്ന് വന്നു…..

അത് വൃത്താകൃതിയിൽ നീല നിറത്തിൽ ആയിരുന്നു കാണപ്പെട്ടത്….

ഓടിൻ എന്തെന്ന് മനസ്സിലാവാതെ അറ്റലാനയെ നോക്കി…..
ചുറ്റും നിന്നവർ അൽപ്പം ഭയത്തോടെയും….

അറ്റ്ലാന ശരവേഗത്തിൽ തന്റെ കയ്യിലെ ആ ഇലക്ട്രിക് ജല ഗോളം ഓടിന് നേരെ വീശി…..

അത് കൊടും കാറ്റിന്റെ വേഗതയിൽ  മുന്നിൽ ഉള്ള ജല കണങ്ങളെ നീക്കം ചെയ്ത് ഓടിന് നേരെ പാഞ്ഞു……

അതിൽ നിന്ന് ഒഴിഞ്ഞു മാറുവാൻ ഓടിന് സാധിച്ചിരുന്നില്ല ……
അതവന്റെ  നെഞ്ചിൽ തന്നെ  ശക്തിയിൽ പതിച്ചു….

അവൻ പുറകിലേക്ക് തെറിച്ച് അവിടെ ഉണ്ടായിരുന്ന ഒരു പാറയിൽ പതിച്ചു……

അവന്റെ ശരീരം നന്നേ വിറകൊണ്ടിരുന്നു…..
കാരണം ദേഹം മുഴുവൻ അവളിൽ നിന്നും ഏറ്റ ആ ഷോക്കിന്റെ ശക്തി ആയിരുന്നു…….

,,,,,, അറ്റ്ലാന…………

കാണികൾക്കിടയിൽ നിന്നിരുന്ന ഖലീസി അവൾക്ക് ഉച്ചത്തിൽ വിളിച്ചു……

എന്നാൽ അറ്റ്ലാനയുടെ മറുപടി ഒരു ദഹിപ്പിക്കുന്ന നോട്ടം ആയിരുന്നു…..

അവൾ ഖലീസിക്ക് നേരെ വിരൽ ഉയർത്തി മൗനം പാലിക്കാൻ ഉത്തരവ് നൽകി…..

ആ ഉത്തരവിന് മുന്നിൽ ഖലീസിക്ക് തല കുനിക്കേണ്ടതായി വന്നു….
അവിടെ നിന്നിരുന്ന പെഹീസ് വംശ പെൺകുഞ്ഞുങ്ങൾ പേടിയോടെയും അതിലേറെ വിഷമത്തോടെയും ഇതെല്ലാം കണ്ട് നിന്നു…

ഈ സമയം ഓടിൻ എഴുന്നേറ്റിരുന്നു….
അവന്റെ ശരീരവും പൂർവ്വ സ്ഥിതിയിൽ എത്തിയിരുന്നു….

മുഖത്ത് യാതൊരു സങ്കോചവും ഉണ്ടായിരുന്നില്ല….
വെറുമൊരു പുഞ്ചിരി മാത്രം….

അവൻ മഹാറാണി അറ്റ്ലാനയെ നോക്കി…..

ആ മുഖത്ത് വീറും വാശിയും നിറഞ്ഞിരുന്ന ഒരു പെണ്ണിന്റെ എല്ലാ ഭാവവും നിറഞ്ഞിരുന്നു…..

,,,,, കൊല്ലാൻ ആണെങ്കിൽ രക്ഷിക്കേണ്ടതിന്റെ ആവശ്യകത എന്തായിരുന്നു മഹാറാണി………

ഓടിൻ അവളെ നോക്കി ചോദിച്ചു…..
ആ ഒരു നിമിഷം ആവളിലെ ആ  വാശിയേറിയ പെണ്ണ് ഒന്ന് അടങ്ങി…..

അവന്റെ വാക്കുകൾ അവളിലെ ഹൃദയത്തെ ചെറിയ നോവ് ഉണർത്തികൊണ്ടിരുന്നു…..

എന്നാൽ ആ കുറ്റബോധത്തിന് അധിക നേരത്തെ ആയുസ്സ് ഇല്ലായിരുന്നു….

അവളുടെ മുഖം വീണ്ടും ക്രോധത്താൽ ചുവന്നു……..

,,,,, എത്ര ധൈര്യമുണ്ടായിട്ടാണ് നീ ഇത് ചെയ്തത് …….
പെഹീസ് വംശജർക്ക് ആയുധ പരിശീലനം നൽകുവാൻ എന്ത് യോഗ്യതയാണ് നിനക്കുള്ളത്…………..?!

അറ്റ്ലാന അലറിയാണ് ആ ചോദ്യം ചോദിച്ചത്……

,,,,, അറിയുന്ന വിദ്യ ഒരാൾക്ക് പകർന്ന് നൽകുന്നതിൽ എന്താണ് മഹാറാണി തെറ്റ്……'”

ഓടിൻ അതേ വേഗതയിൽ തിരിച്ച് ചോദിച്ചു……
അത് അറ്റ്ലാനയിൽ വാശിയുടെ അളവ് വർധിപ്പിക്കുകയാണ് ചെയ്തത്…..

,,,,,, നീ ഇവർക്ക് പരിശീലനം നൽകാനോ…..
ഹും……
അതിന് ആരാണ് നീ……….
നിന്റെ ശക്തികൊണ്ട് ആ കുഞ്ഞു കുട്ടികളെ പോലും തോൽപ്പിക്കുവാൻ സാധിക്കില്ല……
ആ അവരെ നീ പരിശീലിക്കുന്നുവോ…..'””

അറ്റ്ലാന പുച്ഛത്തോടെ ചോദിച്ചു…….
ആ വാക്കുകൾ ഓടിനിൽ അടങ്ങാത്ത കലിയാണ് ഉണ്ടാക്കിയത്…..
അവന്റെ സൗമ്യ ഭാവം മാറി വന്യമായി തുടങ്ങിയിരുന്നു….

,,,, എന്റെ ശക്തിയും യോഗ്യതയും അങ്ങേക്ക് എങ്ങനെ കണക്ക് കൂട്ടുവാൻ സാധിക്കും…….
എന്റെ പോരാട്ടം അങ്ങ് നേരിൽ കണ്ടിട്ടുണ്ടോ…..

ഓടിൻ ചോദിച്ചില്ല……

അറ്റ്ലാന വേഗത്തിൽ ഒരു ട്രിഡന്റ്(ത്രിശൂലം ) എടുത്ത് ഓടിന് നേരെ എറിഞ്ഞു……

അവനത് കയ്യിൽ ഏന്തി….