♥️മഴപക്ഷികളുടെ പാട്ട് ♥️ (പ്രവാസി) 1830

“ഞാൻ ടീച്ചറോട് പറയണ???”

“ങ്ഊഹു…..”

“ന്നാ പറ….”

“കാണാന്തോന്നീട്ട….”

“അപ്പൊ ഈ റിബ്ബണും കാണാന്തന്ന്യാ??? റിബ്ബണ് കാണാനുമ്മാത്രം എന്തൂറ്റാ ഒള്ളെ???”

“ഞാമ്പോണൂ….”

അവൻ പോകാൻ എഴുനേറ്റു…. പക്ഷേ…..

പെട്ടന്ന് അവൾ വീണ്ടും അവന്റെ കയ്യിൽ കയറിപ്പിടിച്ചു…. ഇത്തവണ ഷോള്ഡറിന്  തൊട്ട് താഴെ  അവന്റെ ഷർട്ടിന്റെ കൈ അല്പം മുകളിലേക്ക് ഉയർന്ന് അവിടെയാണ് അവളുടെ കൈ അമർന്നത്….

തന്റെ കാലുകൾക്ക് താഴെ ഭൂമി ഉണ്ടൊ എന്ന് അവനു സംശയം തോന്നിയോ എന്തോ….. വീണ്ടും അവളെ നോക്കാതെ അവൻ താഴോട്ടു തന്നെ നോക്കി….

അവൾ അവന്റെ കൈ പിടിച്ചു ഉയർത്തി…. ഒപ്പം അവളുടെ മുഖം താഴ്ന്നു…. അവന്റെ കൈത്തണ്ടയിലേക്ക്…..

ചുംബനത്തേക്കാൾ മധുരം സമ്മാനിച്ചുകൊണ്ട് അവളുടെ കിന്നരിപ്പല്ലുകൾ അവന്റെ കൈത്തണ്ടയിൽ ആഴ്ന്നിറങ്ങി…

പെട്ടന്ന് പന്തം കണ്ട പെരുചാഴിയെ പോലെ അവനവളെ തലയുയർത്തി നോക്കി….

സൗമ്യ  ആണെങ്കിൽ വായിൽ 32 പല്ലുമുണ്ട് ദേ നോക്കിക്കോ എന്ന മട്ടിൽ മൊത്തം പല്ലും കാണിച്ചു അവനെ നോക്കി ചിരിച്ചോണ്ടാണ് നിൽപ്പ്….

“ഇനി പറഞ്ഞേഡാ എന്തിനാ ഫോട്ടോ എട്ത്തേന്ന്….”

“ഇഷ്ടന്തോന്നീട്ട്….”

“എന്നാ ഇന്നാ… എട്ത്തൊ… ആര്ക്കും
കൊട്ക്കാമ്പാടില്യാട്ട…..”

“നിന്ക്ക് വേണ്ടേ????”

“നിന്റെ ഇഷ്ടങ്കഴ്ഞ്ഞാ  ഈയ്യെന്റെ ഫോട്ടം  തിരിച്ചു തന്നാ മതി….”

ഇനിയെന്ത് എന്ന് അറിയാത്ത ഇളംപൈതൽ ബിജുവിനോട് അങ്ങനെ മൊഴിഞ്ഞുകൊണ്ട് സൗമ്യ ഫ്രം 6B എണീറ്റ് പുറത്തേക്ക് നടന്നു….

നാല് കണ്ണുകൾ ഈ നടന്നത് തങ്ങളുടെ അവകാശികളായ രണ്ട് തലച്ചോറിലേക്ക് ഈ വിവരം കൈമാറിയത് പുറത്തേക്ക് നടന്ന സൗമ്യ കണ്ടില്ല….