♥️മഴപക്ഷികളുടെ പാട്ട് ♥️ (പ്രവാസി) 1831

“ഇല്ല്യാടീ  ചെയ്തില്ല്യ…. കളിക്കാമ്പോയി…”

അങ്ങനെ ഒരു മടിയന് കൊടുക്കണ്ട എന്നാണ് അവൾക്ക് തോന്നിയത്…..

“അന്നട്ട് എട്ക്കാൻ ഇന്നുമ്മറന്നാ??? ന്നാ ഞാന്തരൂല്ല്യ…. ഇങ്ങനെ മറക്കാൻ ആണങ്യെ ടീച്ചറ്ന്റെ കയ്യീന്ന് അടി വാങ്ങിക്ക്!!!”

അവൻ എന്തോ അല്പ നേരം നിശ്ശബ്ദനായിരുന്നു…  തന്റേന്ന് വാങ്ങും. വേണം എന്നിട്ട് വല്യ വെയിറ്റാ…. എന്നാണ് അവൾക്ക് അപ്പോൾ തോന്നിയത്…. പക്ഷേ അവനെ തിരിഞ്ഞു നോക്കുമ്പോൾ ആ കണ്ണുകൾ നിറയും പോലെ…..

“ബോക്സ് വാങ്ങീട്ടില്യ… അതാ… അടുത്താഴ്ച കാശ് കിട്ടുമ്പോ വാങ്ങാന്നാ അമ്മ പറഞ്ഞേ….”

അവൾക്ക് അത് കേട്ട് വിഷമം തോന്നി…. അവളും ഓർത്തു അവന്റെ കയ്യിൽ ഇത് വരെയും ബോക്സ് കണ്ടിട്ടില്ല….

“ബോക്സ് ഞാന്തരാം… പക്ഷേ ഞാനൊരു  കാര്യഞ്ചോയ്ച്ചാ സത്യമ്പറയോ???”

“ചോയ്ക്ക്…”

“അമ്മ സത്യം പറയണട്ട…. നീ എന്റെ ബോക്സീന്ന് എന്തേലും  എട്ത്താ???”

അവൻ നിശബ്ദത പാലിച്ചേ ഒള്ളു… അപ്പോൾ അവൾക്ക് ഉറപ്പായി അവൻ എടുത്തുവെന്ന്…..

“ഡാ….”

“ഞാൻ ചോറുമ്പാത്രം എടുക്കാന് മറന്നുപോയി… എട്ക്കാമ്പോട്ടെ…”

അവനതും പറഞ്ഞു അവൾ മറുപടി  പറയും മുൻപ് ക്ലാസ്സിൽ നിന്നു പുറത്തേക്ക് പോയി….

അവൻ പോയപ്പോൾ അവൾ അവന്റെ ടേബിളിലേക്ക് ശ്രദ്ധിച്ചു….. അവന്റെ നോട്ട് ബുക്കിനു ചട്ട പോലുമില്ല….

ഇത്രയും ശ്രദ്ധ ഇല്ലാത്ത പയ്യൻ ആണോ അവൻ എന്ന് ഏതാനും നിമിഷത്തേക്ക് അവൾ ചിന്തിച്ചു….. അപ്പോളേക്കും അവളുടെ സൂക്ഷ്മ ദൃഷ്ടികൾ ആ നോട്ട് ബുക്കിലേക്ക് തന്നെ ചെന്നു വീണു…

അത് ശരിക്കും ഒരു നോട്ട് ബുക്ക് പോലുമല്ല…. പഴയ ഏതൊക്കെയോ ബുക്കുകളിൽ നിന്നും അടർത്തി എടുത്തു ഒരുമിച്ച് തുന്നി ചേർത്തു വച്ചതാണ്….

അവൾക്ക് പാവം തോന്നി….

അവളവന്റെ ബാഗ് കയ്യിലെടുത്തു….