സുൽത്വാൻ 6 [ജിബ്രീൽ] 431

ഷാനുവിനെന്താണ് പ്രശനമെന്ന് മനസ്സിലായില്ലെങ്കിലും അവളുടെ ശബ്ദം കേട്ടതും പ്രക്ഷുബ്ധമായ മനസ്സ് ശാന്തമാവുന്നതവനറിയുന്നുണ്ടായിരുന്നു

“അരാടാ അത് ” ഫോൺ കട്ടാക്കി വീണ്ടും കണ്ണടച്ച ഷാനുവിനോട് ജിത്തു ചോദിച്ചു

“എന്റ ഒപ്പം പഠിക്കുന്ന കുട്ടിയാണ് ”

“മാനസികമായി പ്രശ്നം വല്ലതുമുള്ള കുട്ടിയാണോ ” ജിത്തു കാര്യമായി തന്നെ ചോദിച്ചു

കലിപ്പിച്ചുള്ള ഒരു നോട്ടമായിരുന്നു ഷാനുവിന്റെ മറുപടി

“നീ എന്തിനാ എന്നെ നോക്കി പേടിപ്പിക്കുന്നത് കുറച്ചെങ്കിലും സ്വബോധമുള്ള ആരെങ്കിലും പാതിരാത്രി വിളിച്ചു ഇങ്ങനെയൊക്കെ പറയോ ……..”

“അവളെന്തോ സ്വപ്നം കണ്ടു പേടിച്ചതാ ” ഷാനു അവളെ കുറിച്ചുള്ള സംസാരം നിർത്താൻ വേണ്ടി തിടുക്കെപെട്ടു പറഞ്ഞു

“എന്തായാലും നിന്നോട് ഭയങ്കര സ്നേഹമാണല്ലോ. എനിക്ക് തോനുന്നത് നിന്നോടു അവൾക്ക് മറ്റേതാണെന്നാ ”

“എന്ത് ” ഷാനു സംശയതോടയവനെ നോക്കി

“മൊഹബത് കാതൽ പ്യാർ …… ” എന്നു പറഞ്ഞ് ജിത്തു ചിരിച്ചു

പ്രണയത്തെ കുറിച്ച് കേട്ടതും ഷാനുവിന്റെ മുഖം മ്ലാനമായത് ജിത്തു ശ്രദ്ധിച്ചിരുന്നു .

അവന്റെ സങ്കടങ്ങളെന്തായാലും അവൻ തന്നോടു പറയുമെന്നവനറിയാമായിരുന്നു അതുവരെ അതിനകുറിച്ചവനോടൊന്നും ചോദിക്കാതിരിക്കാനവൻ തീരുമാനിച്ചു

♦♦♦♦♦♦♦♦♦♦♦♦♦♦♦♦

വരുന്ന വഴിയിൽ ഒരു മരം വീണുകിടക്കുന്നതുകൊണ്ട് ജിത്തു വണ്ടി ഇടത്തേ വശത്തെ ചെറിയ റോഡിലേക്കു കയറ്റി . കുറച്ചു മുന്നോട്ടു പോയവൻ വണ്ടി സഡൻ ബ്രേക്കിട്ടു