സുൽത്വാൻ 6 [ജിബ്രീൽ] 431

“ഞാനൊരു സർട്ടിഫികെറ്റിനു വേണ്ടി അവിടുത്തെ കോളേജിലെ ക്ലാസിനു പോവുന്നുണ്ട് ”

“കോളേജിലേക്കോ …… ” ജിത്തു അശ്ചര്യ സ്വരത്തിൽ ചോദിച്ചു

ഷാനു അതെയെന്ന് തലയാട്ടി

“എന്നാ വാ ,വണ്ടി ഇവിടുത്തെ ഒരു വർക്ക് ഷാപ്പിൽ വിളിച്ചു പറഞ്ഞാൽ ശരിയാക്കി കൊണ്ടു വന്നു തന്നോളും ”

ഷാനു തന്റെ ബാഗെടുത്ത് കാറിലേക്കു കയറി

♦♦♦♦♦♦♦♦♦♦♦♦♦♦♦♦

ശവശരീരങ്ങൾ നിറഞ്ഞ ഒരു യുദ്ധ കളം അവിടെ അൻപതോളം വരുന്ന സർവായുധ വിഭൂഷണരായ പടയാളികളോട് ഒരാൾ ഒറ്റക്ക് യുദ്ധം ചെയ്യുകയാണ് അവന്റെ പാദങ്ങൾ നിലത്തുറക്കുന്നുണ്ടായിരുന്നില്ല അവന്റെ കയ്യിൽ ഒരു വാളു മാത്രെമെയൊള്ളു

അവൻ തല തിരിച്ചു അവന്റെ മുഖത്തു വീണു കിടന്ന മുടിയിഴകൾക്കിടയിലെ മുഖം ഷാനുവിന്റെയായിരുന്നു

പെട്ടന്നൊരു അമ്പ് വന്നവന്റെ നെഞ്ചിൽ തറച്ചു

ഷാനൂ ……….. ഒരു ഞെട്ടലോടെ റാഹി എഴുന്നേറ്റിരുന്നു

മുഖത്തെ വെള്ളത്തിന്റെ നനവ് തൊട്ടു നോക്കിയപ്പോഴാണ് അവൾക്ക് താൻ കരയുകയാണെന്നു മനസ്സിലായത്

അവളുടെ മനസ്സിൽ കാരണമില്ലാത്ത ഭയം നിറയുന്നതവളറിയുന്നുണ്ടായിരുന്നു

അവൾ ഷാനുവിനു വിളിക്കാൻ വേണ്ടി വെപ്രാളത്തോടെ ഫോണെടുത്തു. അപ്പോഴാ ണവളോർത്തത് തന്റെ കയ്യിൽ അവന്റെ നമ്പറില്ല എന്ന കാര്യം

പെട്ടന്നു തന്നെയവൾ മാളുവിനെ വിളിച്ചു

ഫോണെടുത്ത മാളുവന് ഹലോന്നു പറയാൻ പോലും സമയം കൊടുക്കാതെയവൾ പറഞ്ഞു