സുൽത്വാൻ 6 [ജിബ്രീൽ] 441

” നിനെക്കെന്താണ് അവനെ പറ്റി അറിയാനിത്ര ത്വര നിന്റെ ജീവൻ രക്ഷിച്ചതുകൊണ്ടാണോ .. ”

” അവന്റെ മുഖത്ത് കാണുന്ന സങ്കടത്തിന്റെ കാരണമറിഞ്ഞ് അത് പരിഹരിക്കണമെന്ന് മാത്രമേ എനിക്കൊള്ളു ” അവളുടെ സ്വരം ശാന്തമായിരുന്നു

“അതിന്റെ കാരണം എനിക്കുമറിയില്ല …..” ജിത്തു പറഞ്ഞു

റാഹി സംശയത്തോടെ അവനെ നോക്കി

“പക്ഷേ അവനെന്നോട് ഒരിക്കൽ പറയും ഇപ്പോ പറയാത്തതിന് എന്തെങ്കിലും കാരണമുണ്ടാകും ” ജിത്തു റാഹിയോട് കാര്യം വ്യക്തമാക്കി

റാഹി മറുപടിയൊന്നും പറഞ്ഞില്ല അവൾ വണ്ടിയിൽ ശ്രദ്ധ കേന്ദ്രീകരിച്ചു

♦♦♦♦♦♦♦♦♦♦♦♦♦♦♦♦

മരങ്ങൾ നിറഞ്ഞ ഒരു വനം അവിടെ പ്രകാശിക്കുന്ന സൂര്യനു ഒരു ഇളം ചുവപ്പു നിറമായിരുന്നു

അവിടെ ഒരു വലിയ മരത്തിന്റെ കീഴിൽ കരിങ്കല്ലു കൊണ്ട് കെട്ടിയ തറയിൽ രണ്ടു വാളുകൾ തലങ്ങു വിലങ്ങും കുത്തിവെച്ചിട്ടുണ്ട് അതിന്റെ പുറകിലായി ഒരു ഉറുമി മരത്തിൽ തൂക്കിയിട്ടിട്ടുണ്ട്

അതിൽ വന്നു പതിക്കുന്ന ചുവന്ന പ്രകാശത്തിൽ വാളും ഉറുമിയും വെട്ടി തിളങ്ങുന്നുണ്ടായിരുന്നു

അതിൻറെ ചുറ്റും കണ്ണടച്ചു കൈകൾ മുകളിലേക്കുഉയർത്തി പ്രാർഥിച്ചു നിൽക്കുന്ന നൂറുകണക്കിന് ആളുകൾ . അവരുടെ പ്രാർഥനക്കിടയിലേക്ക് ഒരു പുൽപായയിൽ പൊതിഞ്ഞ ശവ ശരീരമായി കുറച്ചുപേർ കടന്നുവന്ന് ആ ശരീരം കൽതറയുടെ ചുവട്ടിൽ വെച്ചു

ശബ്ദം കേട്ട് എല്ലാവരും കണ്ണുകൾ തുറന്നു

കൽതറയുടെ അടുത്തു നിന്നിരുന്ന അർധ നഗ്നനായ ഒരാൾ ആ പായയുടെ കെട്ടഴിച്ചു
അതിനുള്ളിലെ ശരീരം കണ്ടതും പെട്ടന്നയാൾ മുഖം തിരിച്ചു
പതിനഞ്ചു വയസ്സു പ്രായമുള്ള ഒരു കുട്ടിയുടെ കണ്ണുകൾ ച്ചുഴ്‌ന്നെടുത്ത് തല ഉടലിൽ നിന്നും മുറിച്ചു മാറ്റി വെച്ചിരിക്കുന്നു

“എന്റെ മോനേ …..”എന്നരൊലർച്ചയോടെ ഒരാൾ ആ മൃതദേഹത്തിൽ വന്നു വീണു
ആ ശരീരം വാരിയെടുത്തയാൾ അലറി കരഞ്ഞു.