സുൽത്വാൻ 6 [ജിബ്രീൽ] 441

റാഹി അവനെ കൊണ്ടുവിടാൻ സമ്മദിച്ചത് ജിത്തുവിനെ ഒറ്റയ്ക്ക് കിട്ടുന്ന സമയം അവനോട് ഷാനുവിനെ കുറിച്ച് ചോദിച്ചു മനസ്സിലാക്കാം എന്ന കാര്യം മനസ്സിൽ വെച്ച് കൊണ്ടാണ് ചോലക്കാട്ടുകാരോടുള്ള ദേശ്യം ഷാനുവിനെ കുറിച്ച് അറിയാനുള്ള ജിജ്ഞാസയെക്കാൾ അവൾക്കു വലുതായിരുന്നില്ല

പക്ഷേ വണ്ടിയിൽ കയറിയതു മുതൽ ജിത്തു പുറത്തേക്ക് നോക്കിയിരിക്കുകയാണ്.

“നീയും ഷാനുവും ഭയങ്കര ക്ലോസാണല്ലേ …..” അവൾ സംസാരത്തിനു തുടക്കമിട്ടു

മ്മ്…. അവനൊന്നു മൂളി

“നിങ്ങളെത്ര കാലമായുള്ള പരിചയമാണ് ”

“കുറച്ചായി ……” ജിത്തു മറുപടി ചുരുക്കി

“കുറെച്ചെന്നു പറഞ്ഞാൽ ” റാഹി ചോദ്യം തുടർന്നു

“കുറെച്ചെന്നു പറഞ്ഞാൽ കുറച്ച് ” അതുവരെ പുറത്തേക്കു നോക്കിയിരുന്നിരുന്ന ജിത്തു അവളുടെ മുഖത്ത് നോക്കി പറഞ്ഞ് വീണ്ടും പുറത്തേക്കു ശ്രദ്ധ തിരിച്ചു

“അവൻ ശരിക്കും ആരാ ……” അവളുടെ ശബ്ദത്തിൽ ശരിക്കും അഗ്രഹവും സങ്കടവും നിഴലിച്ചിരുന്നു

അത് മനസ്സിലാക്കിയ ജിത്തു അവളോടു ചോദിച്ചു “നിനക്കവനോടിത് ചോദിച്ചു കൂടെ ”

“അവനൊന്നും പറയുന്നില്ലല്ലേ …. ” റാഹിയുടെ അടുത്തു നിന്നും മറുപടിയൊന്നും ലഭിക്കാത്തതു കൊണ്ട് ജിത്തു പിന്നെയും ചോദിച്ചു

അവളുടെ മറുപടി പിന്നെയും മൗനമായിരുന്നു

“അവനൊരു രാജകുമാരനാണെന്നു ഞാൻ പറഞ്ഞാൽ നീ വിശ്വസിക്കുമോ …” സീറ്റിലേക്ക് ചാരി കിടന്ന് ജിത്തു ചോദിച്ചു

ഇത് കേട്ട് റാഹി ഞ്ഞെട്ടി തിരിഞവനെ നോക്കി

അവളുടെ മുഖത്തെ ഭാവം മാറ്റം കണ്ട ജിത്തു
പൊട്ടിചിരിച്ചു പോയി

അവന്റെ ചിരി കണ്ടവൾക്കതവൻ വെറുതെ പറഞ്ഞതാണെന്ന് മനസ്സിലാക്കി