സുൽത്വാൻ 6 [ജിബ്രീൽ] 441

“എൻറെ ബാത്റൂംമിൽ കേറാൻ അവനാരാ അനുവാദം കൊടുത്തേ . അതെനിക്കിഷ്ടമല്ലന്ന് നിനക്കറിയില്ലേ….”

“എനിക്കറിയാം ……പക്ഷേ അവനറിയില്ലല്ലോ”

ഷാനു അവളെ സമാധാനിപ്പിക്കാൻ നോക്കി

“അപ്പോൾ നിനക്ക് അവൻ കേറുമ്പോ അവനെ തടഞ്ഞു കൂടായിരുന്നോ ”മാളുവിന്റെ ചൂടിന് ഒരു കുറവുമില്ല

“ഞാൻ കണ്ടില്ല അവൻ കേറുന്നത് ” ഷാനു തൻ്റെ നിരപരാധിത്വം വ്യക്തമാക്കി

അവരുടെ സംസാരത്തിനിടക്കാണ് ജിത്തു പുറത്തിറങ്ങിയത്

“എന്താടാ… ഇവിടെ ഒരു ബഹളം” ജിത്തു തല തുവർത്തിക്കൊണ്ടു ച്ചോദിച്ചു

ഒന്നുല്ല ഞങ്ങൾ കോളേജിലെ കാര്യങ്ങൾ പറയുകയായിരുന്നു ഷാനു മറുപടി പറയാൻ തുടങ്ങുന്നതിനു മുമ്പ് മാളു ചാടിക്കേറി പറഞ്ഞു

ഇത് കേട്ട ഷാനു ഞെട്ടിത്തിരിഞ്ഞ് അവളഞ നോക്കിയപ്പോൾ കാണുന്നത് ജിത്തുവിന്റെ മുഖത്ത് നോക്കി കവിളു തടവിയിരിക്കുന്ന അവളെയാണ് അവളുടെ മുഖത്ത് പ്രേതത്തെ കണ്ട ഒരു ഭാവമായിരുന്നു

തലതോർത്തി കഴിഞ്ഞ ജിത്തു അവളോടൊന്നു പുഞ്ചിരിച്ചു

അവളും ഒരു വളിഞ്ഞ ചിരി പാസാക്കി
♦♦♦♦♦♦♦♦♦♦♦♦♦♦♦♦

ഹാളിലെ സോഫയിൽ ഇരിക്കുകയായിരുന്നു റാഹിയും നിസാമും . അവർക്കിടയിലേക്കാണ് ജിത്തു ഒരു ചിരിയോടെ ഹലോ പറഞ്ഞു വന്നത്. നിസാം ജിത്തുവിനോട് തിരിച്ചും ചിരിച്ചു കൊടുത്തു
പക്ഷേ റാഹി ജിത്തുവിനെ കണ്ടു സ്തംഭിച്ചു നിൽക്കുകയാണ്

“ഹുദൈഫ് …….”അവളുടെ ചുണ്ടുകൾ ആശ്ചര്യത്തോടെ ഉരുവിട്ടു

അവരുടെ ഇടയിലേക്ക് വന്ന ഷാനു കാണുന്നത് തലക്കടി കിട്ടിയ പോലെ ഇരിക്കുന്ന റാഹിയെയും ചിരിച്ചുകൊണ്ട് സംസാരിച്ചുകൊണ്ടിരിക്കുന്ന നിസാമിനെയുമാണ്
റാഹിയുടെ മുഖത്ത് അമ്പരപ്പിന്റെ കാരണമവനു മനസ്സിലായില്ല
മാളുവിന് ജിത്തുവിനെ കണ്ടിട്ട് പേടിയാണെങ്കിൽ ഇവൾക്കമ്പരപ്പാണ്

ജിത്തുവാണെങ്കിൽ ഇവരെ രണ്ടുപേരെ കണ്ട പരിചയം കാണിക്കുന്നില്ല ഷാനു ചിന്തിച്ചു