സുൽത്വാൻ 6 [ജിബ്രീൽ] 439

വെള്ള ബെൻസ് കാറിൽ നിന്നും കറുപ്പ് ടി ഷർട്ടും നീല ജീൻസും ട്രിമ്മുചെയ്ത് ചെറുതാക്കിയ താടിയും വെട്ടി ചെറുതാക്കിയ മുടിയുമായി ഇറങ്ങിയ ഷാനുവിനെ കണ്ട് അവർ മൂന്നുപേരും അന്തം വിട്ടുനിൽക്കുകയാണ്

തങ്ങളുടെ മുമ്പിൽ നിൽക്കുന്നത് വേറൊരാളാണെന്ന് തോന്നിയവർക്ക്

ഡോറടക്കുന്ന ശബ്ദമാണ് അവരുടെ അമ്പരപ്പ് മാറ്റിയത്.

അപ്പുറത്തെ വശത്തുനിന്നിറങിയ മുഖത്തു കരടിയെ പോലെ മേക്കപ്പ് ചെയ്ത ജിത്തുവിനെ കണ്ടവർ മൂന്നും സംശയത്തോടെ നോക്കി

പൂമുഖത്തേക്കു കയറിയ ഷാനുവിനോടും ജിത്തുവിനോടും പുഞ്ചിരിച്ച് നിസാം കണ്ണുകൊണ്ട് ഷാനുവിനോട് ജിത്തുവിനെചൂണ്ടി ആരാണെന്ന് ചോദിച്ചു

“ഇതെൻ്റൊരു സുഹൃത്താണ് വണ്ടി വഴിയിൽ പഞ്ചറായപ്പോൾ ഇവനാണ് ലിഫ്റ്റ് തന്നത് ”

“അതെയ് ….. ഞാനീ മുഖമൊന്നു കഴുകിയിട്ടു വിശദമായി പരിചയപ്പെടാം . വരുന്ന വഴി റോഡ്സൈഡിലെ ഒരു ഫാൻസിഡ്രസ്സ് പാർട്ടിക്കു കേറി അവൻമാരാണ് ഇങ്ങനെയാക്കിയത് ”എന്നു പറഞ്ഞു ജിത്തു അകത്തേക്കു കേറി പോയി

“നിനക്കിങ്ങനെയൊരു മുഖമൊക്കെയുണ്ടായിരുന്നോ ഷാനു …….” നിസാം ആശ്ചര്യത്തിൽ തന്നെ ചോദിച്ചു

“എന്തായാലും മൊഞ്ചനായിട്ടുണ്ട് ” മാളുവിന്റെയാണ് കമന്റ്

അവരോട് രണ്ടുപേരോടും പുഞ്ചിരിച്ച ഷാനു റാഹിയെ നോക്കി അവളുടെ മുഖത്തെ അത്ഭുതവും ആശ്വാസം നിറഞ്ഞ ഭാവം അവനു മനസ്സിലായില്ലെങ്കിലും അവളോടും ഒന്ന് പുഞ്ചിരിച്ച ശേഷം അവൻ അവളുടെ മറുപടിക്ക് പോലും കാത്തുനിൽക്കാതെ അകത്തേക്ക് കയറിപ്പോയി

“മനുഷ്യനിവിടെ ഇന്നലെ രാത്രി മുതൽ ഒരു മനസമാധാനമില്ല എന്നിട്ടാ നാറി എന്നോട് സംസാരിക്ക പോലും ചെയ്യാതെ പോയേക്കുന്നു ….” അവൾ പിറുപുറുത്തുകൊണ്ട് അവനെ അനുഗമിച്ചു

♦♦♦♦♦♦♦♦♦♦♦♦♦♦♦♦

ഷാനു തൻറെ റൂമിലെത്തിയപ്പോഴാണ് അപ്പുറത്തെ മാളുവിന്റെ റൂമിൽ നിന്നും ആരോ കുളിക്കുന്ന ശബ്ദം കേട്ടത്

അവന്റെ തലയിലൂടെ ഒരു സൈറൺ പാഞ്ഞു പോയി

അവൻ പെട്ടെന്ന് തന്നെ ഓടി മാളുവിന്റെ റൂമിൽ എത്തി. ബാത്റൂമിൽ മുട്ടാൻ വേണ്ടി കൈയ്യുയർത്തിയപ്പോഴാണ് അവിടേക്ക് മാളു ഓടിപ്പിടിച്ചുവരുന്നത്

മാളു നാഗവല്ലിയായി മാറുന്ന അപൂർവ്വം ചില സമയങ്ങളിൽ ഒന്നാണ് അവളുടെ ബാത്റൂം ആരെങ്കിലും ഉപയോഗിക്കുന്നത്