സുൽത്വാൻ 6 [ജിബ്രീൽ] 441

പിടിച്ചു വെച്ചവന്റ കഴുത്തിൽ കത്തികൊണ്ടു വരഞ ശേഷം അവൻ ജിത്തുവിന്റെ അടുത്തേക്കു നടന്നു

നിഞ്ചകൾ രണ്ടു പേരും ജിത്തുവിന്റ അടുത്തെത്തിയതും ഒരുമിച്ചവനെ വെട്ടി ഇടത്തെ കൈകൊണ്ടവനതു വളരെ പ്രയാസപെട്ടു തടഞ്ഞെങ്കിലും അവന്റെ കൈയ്യിൽ നിന്നും വാൾ തെറിച്ചു പോയി

കൈകളിൽ നിന്നും വാൾ തെറിച്ചു പോയ അവനെ കണ്ട അവരുടെ കണ്ണുകളിലെ പുഞ്ചിരി ജിത്തുവിനു കാണാമായിരുന്നു അവർ ഒരുമിച്ചവന്റെ തല ലക്ഷ്യമാക്കി വാൾ വീശി

പക്ഷേ ….. അതു ലക്ഷ്യസ്ഥാനത്ത് എത്തുന്നതിനു മുമ്പു തന്നെ ഷാനുവിന്റെ കട്ന അതിനെ തടുത്തിരുന്നു

നിഞ്ചകൾ വാളിൽ ബലം കൊടുത്ത് ഷാനുവിനെ പുറകോട്ടു തള്ളാൻ ശ്രമിച്ചുകൊണ്ടെയിരിക്കുകയാണ്

എന്നാലവന്റെ കൈയ്യൊന്നു അനങ്ങുക പോലും ചെയ്യുന്നില്ല

പെട്ടന്ന് ഷാനു അവരെ പുറകോട്ടു വാളു കൊണ്ട് തള്ളി എന്നിട്ട് ജിത്തുവിന്റെ കയ്യിൽ നിന്നു വീണുകിടന്ന വാളെടുത്തു കയ്യിൽ പിടിച്ചു

ഇരു കൈയ്യിലും വാളും നീല കണ്ണുകളിൽ ക്രോധവുമായി നിൽക്കുന്ന ഷാനുവിനെ കണ്ട ജിത്തുവിന്റെ ചൊടികളിൽ പുഞ്ചിരി വിരിഞ്ഞു

കുറച്ചു പുറകോട്ടു പോയ നിഞ്ചകളുടെ അടുത്തേക്ക് അവൻ വാളുകൾ ചുഴറ്റി നടന്നടുത്തു അവരുടെ അടുത്തെത്തിയതും നിഞ്ചകളിലൊരുത്തൻ അവനെ വെട്ടാൻ വാളോങ്ങി

വാളോങ്ങിയവൻ വായയിൽ രക്തത്തിന്റെ രുചി അനുഭവപ്പെട്ടപ്പോഴാണ് താഴോട്ടു നോക്കിയത് അവന്റെ നെഞ്ചിൽ ഷാനു മിന്നൽ വേഗത്തിൽ വലതു കയ്യിലെ വാളിറക്കിയിരുന്നു

ബാക്കിയുണ്ടായിരുന്നവൻ പെട്ടന്ന് വെട്ടി

അതു ഇടതു കൈ കൊണ്ടതു തടഞ്ഞ ഷാനു ഞൊടിയിടയിൽ വലതു കൈയ്യിലെ വാൾ വലിച്ചൂരി അവന്റെ കൈപ്പത്തി ചേദിച്ചു .

കൈ മുറിഞ്ഞതിന്റെ വേദനയുടെയലർച്ചയവൻ മുഴുവനാക്കുന്നതിനു മുമ്പ് അവന്റെ കഴുത്തിലൂടെ ഷാനു വാൾ പായിച്ചിരുന്നു

അവസാനത്തെ ആളെയും വിഴ്ത്തിയ ഷാനു മുമ്പിലെ ചുവന്ന മുഖംമൂടിയെ നോക്കി

പെട്ടന്നാണയാൾ അവന്റെ നേരെ ഷൂരികൻ എറിഞ്ഞത്

വായു വേഗത്തിൽ വന്ന ആ രണ്ടു ഷൂരിക്കനും അവൻ നിഷ്പ്രയാസം വാളുകൊണ്ട് തട്ടിമാറ്റി