സുൽത്വാൻ 6 [ജിബ്രീൽ] 439

അവൻ വാൾ വലതു കൈയ്യിൽ നിന്നിടതു കൈയ്യിലേക്കു മാറ്റി

ഷൂരികൻ തറച്ചിട്ടും അവന്റെ അടുത്തു നിന്നു വേദനയുടെ ശബ്ദം പുറത്തു വരാത്തത് ബാക്കിയുള്ള രണ്ടു നിഞ്ചകളെയും അത്ഭുതപെടുത്തി

മുറിവേറ്റയവനെ പെട്ടന്നു കൊല്ലാൻ വേണ്ടി അവർ രണ്ടു പേരും ഒരുമിച്ചവന്റെ അടുത്തേക്കു ചെന്നു

ഇതേ സമയം ഷാനുവിനു നേരെ വന്ന മൂന്നു പേരിൽ അദ്യം വന്നവന്റെ തല ലക്ഷ്യമാക്കിയുള്ള വീശി വെട്ടലിൽ നിന്നും കുനിഞ്ഞു മാറിയവൻ കുനിഞ്ഞു മാറലിൽ തന്നെ ആ വീശിയവന്റെ കഴുത്തിൽ ഒരു കുനായ് കത്തി കുത്തിയിറക്കി

അവൻ നിലം പതിക്കുന്നതിന് മുമ്പ് തന്നെ അവൻറെ കയ്യിലുള്ള കട്ന പിടിച്ചെടുത്തു

കൂട്ടുകാരൻ മരിച്ചതുകണ്ടയവർ ഒരുമിച്ചു ഷാനുവിനെ അക്രമിച്ചു ഷാനു പ്രതിരോധിക്കുന്നതിനു പകരം തിരിച്ചാക്രമിച്ചു

അവന്റെ അക്രമണത്തിന്റെ വേഗം തടുക്കാൻ കഴിയാത്ത നിഞ്ചകൾ പുറകോട്ടു നീങ്ങികൊണ്ടിരുന്നു

പെട്ടന്നവൻ തന്റെ ഇടതു കൈയിലെ വാൾ വലതു കൈയ്യിലേക്കു വളരെ വേഗം മാറ്റി ഇടതു ഭാഗത്തുള്ളവന്റെ വയറ്റിൽ കുത്തിയിറക്കി

അതേ നിമിഷം തന്നെ വട്ടത്തിൽ തിരിഞ്ഞു മറ്റവന്റെ നെഞ്ചിൽ ചവിട്ടി

ചവിട്ടു കൊണ്ടവൻ വളരെ വേഗം എഴുന്നേറ്റു ഷാനുവിനുനേരെ കുതിച്ചു

അവന്റെ വെട്ട് കട്ന വെച്ചു തടഞ്ഞ ഷാനു പെട്ടന്നു തന്നെ അവന്റെ കൈഞരമ്പ് കുനായ് കത്തികൊണ്ടു മുറിച്ചു മുറിവിൽ നിന്നു രക്തം വരുന്നതിനൊപ്പം അവന്റെ കയ്യിൽ നിന്നും കട്ന നിലത്തുവീണു.

അവന്റെ അടുത്തേകെത്തിയ ഷാനുവിനെയവൻ ഇടിക്കാൻ ശ്രമിച്ചെങ്കിലും അതു പിടിച്ചു വെച്ച് ഷാനു അവനെ തിരിച്ചു നിർത്തി കഴുത്തിൽ കുനായ് കത്തി വെച്ച് ജിത്തുവിനെ നോക്കി

അപ്പോഴാണ് ജിത്തുവിന്റെ തോളിൽ പതിച്ച ഷൂരികനും അവന്റെ നേരെ നടന്നടുക്കുന്ന രണ്ട് നിഞ്ചകളെയും കാണുന്നത്

ജിത്തുവിന്റെ ദേഹത്തെ ചോരയും അവന്റെ മുഖത്തെ വേദനയും കണ്ട ഷാനുവിന്റെ കണ്ണുകൾ നീലനിറമാർജിച്ചു