സുൽത്വാൻ

കഴിഞ്ഞ പാർട്ടിൽ ഇതുവരെയുള്ള കഥയുടെ ഒരു ചെറിയ വിവരണം കൊടുത്തിട്ടുണ്ടായിരുന്നു ഈ പാർട്ടിൽ അതൊഴുവാക്കിയിട്ടുണ്ട്. അതുകൊണ്ട് നിങ്ങൾ സമയമുണ്ടെങ്കിൽ അതൊന്നു വയിക്കുക

ഇനിയുള്ള ഒരോ പാർട്ടുകളിലും അതുവരെയുള്ള കഥയുടെ വിവരണം കൊടുക്കുന്നതിനെ കുറിച്ചുള്ള നിങ്ങളുടെ അഭിപ്രായങ്ങളും പ്രധീക്ഷിക്കുന്നു

♦♦♦♦♦♦♦♦♦♦♦♦♦♦♦♦

കുറച്ചു നേരെത്തെ യാത്രക്കു ശേഷം പെട്ടന്നവന്റെ വണ്ടി പാളി ഒരു വിധം ബ്രേക്കിട്ട നിർത്തിയവനു തന്റെ .ടയർ ഒരു കമ്പി കയറി പഞ്ചറായെന്നു മനസ്സിലായി അങ്ങനെ അവിടെ നിൽക്കുമ്പോഴാണു ഒരു ബെൻസ് കാർ അവനെ കടന്നു പോയത് അൽപം മുന്നോട്ടു പോയ കാർ പതിയെ റിവേഴ്സെറുടുത്തു

അതിൽ നിന്നിറങ്ങിയ ആളെ കണ്ട ഷാനുവിന്റെ കണ്ണുകൾ വിടർന്നു

“ജിത്തു…………… “ അവന്റെ ചുണ്ടുകൽഭുതത്തോടെ ഉരുവിട്ടു

ഹുദൈഫിന്റെ അവസ്ഥയും ഭിന്നമായിരുന്നില്ല താടിയും മുടിയും നീട്ടിവളർത്തിയ അവനെ അവൻ സുക്ഷിച്ചു നോക്കി പക്ഷേ ആ കാപ്പി മിഴികളിൽ അവനുള്ള ഉത്തരമുണ്ടായിരുന്നു

“ഷാനു ………………” ഷാനുവിനെ അൽഭുതത്തോടെ വിളിച്ചവൻ ഓടിചെന്നവനെ കെട്ടി പിടിച്ചു

രണ്ടു പേരുടെയും കണ്ണിൽ നിന്നും കണ്ണീർ ഒഴുകി ഇറങ്ങി

തുടരുന്നു

അല്പസമയത്തിനകം അവർ അകന്നു മാറിയെങ്കിലും അവർക്കിടയിലും നിശബ്ദത കുറച്ചുനേരം കൂടി നീണ്ടുനിന്നു

“എവിടെയായിരുന്നു …………….” ഷാനുവാണ് സംസാരത്തിനു തുടക്കമിട്ടത്

“അഞ്ചു കൊല്ലത്തെ കഥ പറയാനില്ലെ പതിയെ പറയാം ” ജിത്തു പുഞ്ചിരിയോടെ പറഞ്ഞു

“എൻറെ കാര്യം അവിടെ നിൽക്കട്ടെ നിനക്കെന്തു പറ്റി ”

“എനിക്കെന്തു പറ്റാൻ ” ഷാനു വളരെ ലാഘവത്തോടെ ചോദിച്ചു

“ എന്താ നിന്റെ കോലം ……താടി മുടിയൊക്കെ വളർത്തി …….. ആദ്യം കണ്ടപ്പോ നിന്നെ എനിക്ക് മനസ്സിലായത് പോലുമില്ല ”

“ഇതൊക്കെ പുതിയ ഫാഷനാണ് ” ഷാനു പുഞ്ചിരിക്കാൻ ശ്രമിച്ചു

“ നിൻറെ മുഖത്തും കണ്ണിലും കാണുന്ന സങ്കടവും ഫാഷനായിരിക്കും അല്ലേ ” ജിത്തു ഒന്ന് നിർത്തി

“നമ്മൾ തമ്മിൽ രഹസ്യങ്ങളുണ്ടോ ഷാനു ”