സഖിയെ ഈ മൗനം നിനക്കായ് 4 ???[നൗഫു] 4490

ഹാഷിം കൂട്ടുകാരനെ വിളിക്കാനായി നമ്പർ ഡയൽ ചെയ്തു ഫോൺസ്പീക്കർ ചെവിയോടടുപ്പിച്ചു.. അപ്പുറത്തു നിന്നും കി കി ന്നുള്ള ശബ്‌ദം മാത്രമേ കേൾക്കുന്നുള്ളൂ.. പിന്നാലെ നമ്പർ പരിധിക്ക് പുറത്താണെന്നുള്ള അറിയിപ്പും വന്നു..

“പ്ളീസ് കാൾ മി.. ഐ നീഡ് യുവർ ഹെൽപ്..”

ഹാഷിം വാട്സ്ആപ്പ് തുറന്നു കൂട്ടുകാരന്റെ നമ്പറിലേക്കൊരു മെസ്സേജ് വിട്ടു.. അയച്ചേറെ സമയം കഴിഞ്ഞിട്ടും ആ മെസ്സേജ് ഒരൊറ്റ ടിക് മാർക്ക്‌ മാത്രമായി നിന്നു..

അള്ളാ.. ആരുമില്ലാത്തവർക്ക് നീ തുണയുണ്ടാകുമെന്നു പറയുന്നതും ഒരു വലിയ കള്ളമായിരുന്നോ..??!

—{}—{}—{}—{}—{+}—{}—{}—{}—{}—

ആറടിയോളം പൊക്കമുള്ള കോട്ടും വട്ടതൊപ്പിയും വെച്ച് ജോക്കറിന്റെ മുഖം മൂടി വെച്ച് മുഖവും മറച്ചൊരാൾ.. അയാളുടെ ഓരോ കാലടികൾക്കും ഉണങ്ങിയ മറച്ചില്ലകൾ പൊട്ടിയമരുന്ന ശബ്ദം കേൾക്കുന്നുണ്ട്.. അയാൾ പതിയെ ജോത്സ്നയും അമ്മുവും കിടക്കുന്ന ടെന്റ് ലക്ഷ്യമാക്കിയാണ് നടക്കുന്നത്..

നടക്കുന്നതിനിടയിൽ അയാളുടെ കോട്ടിന്റെ കൈകൾക്കിടയിൽ നിന്നും ഒരു ചെറിയ മഴു പുറത്തേക്ക് വന്ന്‌ വലതു കൈപ്പിടിയിലൊതുങ്ങി.. ഇതെല്ലാം നേരിട്ട് വീക്ഷിച്ചുകൊണ്ട് അയാളുടെ സംഘത്തിൽപെട്ടയാൾ ഗോവയിലെ രഹസ്യ സങ്കേതത്തിലെ മോനിറ്ററിൽ കണ്ണിമ ചിമ്മാതെ നോക്ക്കിയിരുപ്പുണ്ട്..

ഇണപിരിയാത്ത രണ്ട് കൂട്ടുകാരികളായ അമ്മുവിന്റെയും ജ്യോത്സ്നയുടെയും ഇടയിലേക്ക് കുറച്ചു കാലം മുൻപ് വന്നതാണ് താരയും ലൈലയും.. കോളേജിലെ ആൺകുട്ടികൾക്ക് പോലും ഇവരെ നാല് പേരെയും പേടിയാണ്.. പോരാത്തതിന് അമ്മുവും ജ്യോത്സ്നയും കരാട്ടെ ബ്ലാക് ബെൽറ്റും..