ശിവാത്മിക VIII [ മാലാഖയുടെ കാമുകൻ] 1572

സൂര്യ ചിരിയോടെ വീണു കിടക്കുന്ന ആലീസിനെ നോക്കി.. ശിവ വിശ്വസിക്കാൻ ആകാതെ ഇരുന്നു..

“ചൈൽഡ്..”

സൂര്യ ആലീസിനെ നോക്കി അത് പറഞ്ഞുകൊണ്ട് മെല്ലെ വണ്ടിയുടെ നേരെ നടന്നു..

അവൾ ഡോർ വലിച്ചു തുറന്ന് ശിവയുടെ കയ്യിൽ പിടിച്ചു..

“ഈ സ്ഥലം.. നാല് ഏക്കർ കോളനി.. ഇത് മൊത്തം എന്റെയാണ്.. അതുമാത്രം അല്ല.. ഇവിടെ വേറെയാരും ഇല്ല.. അതുകൊണ്ടു അലറി വിളിച്ചാലും കേൾക്കില്ല…”

അത് പറഞ്ഞുകൊണ്ട് അവൾ ശിവയെ വലിച്ചു ഇറക്കി.. ശിവക്ക് ശക്തി നഷ്ടമായിരുന്നു.. അവൾ ശിവയുടെ കഴുത്തിൽ പിടിച്ചു..

“എന്ത് തെറ്റാണ് ഞാൻ..?

അവൾ ചിരിച്ചു.. സൂര്യയുടെ കണ്ണുകൾ തിളങ്ങി..

“പക.. പകയാണ് എനിക്ക് നിന്നോട്….”

സൂര്യ മുഴുമിപ്പിച്ചില്ല..

“ആആ….”

അലറിക്കൊണ്ട് പാഞ്ഞു വന്ന ആലീസ് കുനിഞ്ഞു തോള് കൊണ്ട് ശക്തമായി ഇടിച്ചു സൂര്യയെ കൊണ്ട് വഴിയിൽ നിന്നും അല്പം താഴെയുള്ള പാടത്തേക്ക് മറിഞ്ഞു..

“ആലീസ്…??”

ശിവ അവളെ നോക്കി വിളിച്ചു..

സൂര്യ പുറം അടിച്ചാണ് വീണത്.. ആലീസ് അവളുടെ മുകളിലും..

നിമിഷ നേരം കൊണ്ട് സൂര്യ ആലീസിനെ പെട്ടെന്ന് ചവുട്ടി തെറിപ്പിച്ചു..

അതിന് ശേഷം എഴുന്നേറ്റ് നിന്നു.. ആലീസും എഴുന്നേറ്റ് നിന്നു..

“സൊ.. യു ആർ എ മാർഷൽ ആര്ടിസ്റ്റ് “

ആലീസ് അവളെ നോക്കി..

“യെസ്.. മിക്സഡ്…”

അവൾ അതും പറഞ്ഞു ഓടിച്ചെന്നു പമ്പരം കറങ്ങും പോലെ വായുവിൽ കറങ്ങി ശക്തമായി ആലീസിന്റെ തലക്ക് നേരെ കാലു വീശി..