വൈഷ്ണവം 9(മാലാഖയുടെ കാമുകൻ) 1253

അവർ അവിടെ ഇല്ലായിരുന്നു. കൂടാതെ വന്നപ്പോൾ അവനെ കണ്ടില്ല എന്നും ആയിരുന്നു അവർ പറഞ്ഞത്..

“അവൻ അവിടെയും ഇല്ല.. ചിലപ്പോൾ പുറത്ത് പോയത് ആകും.. ലെറ്റസ്‌ വെയിറ്റ്..? അല്ലെ..?, കാത്തിരിക്കാം നമുക്ക്..”

ഭദ്ര കരഞ്ഞുകൊണ്ടിരുന്ന വൈഷ്ണവിയെ സമാധാനിപ്പിച്ചു..

അവർ കുറെ നേരം കാത്തിരുന്നു എങ്കിലും അവൻ വന്നില്ല..

വീട്ടിൽ നിന്നും ഇറങ്ങി കാർ എടുത്തു ടൌൺ മൊത്തം അവർ രണ്ടുപേരും അവനെ തേടി നടന്നു

വിഷ്ണുവിന് വേണ്ടി കുറെ അലഞ്ഞു..

കണ്ടില്ല..

“കണ്ടു പിടിക്കും ഞാൻ അവനെ.. എല്ലാം എന്റെ തെറ്റാ.. കണ്ടു പിടിക്കും ഞാൻ..”

അന്ന് അലറി കരഞ്ഞുകൊണ്ട് വൈഷ്ണവി പറഞ്ഞ വാക്കുകൾ.. അന്ന് അവൾ തളർന്നു വീണ് പോയിരുന്നു..

അവർ നേരെ സിഐ ആദിത്യന്റെ അടുത്തേക്കാണ് പോയത്..

സിഐ ആദിത്യൻ അൺഒഫീഷ്യൽ ആയി അനേഷണം നടത്തി എങ്കിലും കണ്ടുപിടിക്കാൻ ആയില്ല.

മാൻ മിസ്സിംഗ്‌ കേസ് കൊടുക്കാൻ പറ്റില്ല എന്ന് ആദിത്യൻ തന്നെയാണ് പറഞ്ഞതും..

അയാൾക്ക് ഇതൊക്കെ അറിഞ്ഞപ്പോൾ വൈഷ്ണവിയോട് ദേഷ്യം ആയിരുന്നു..

“അന്വേഷിച്ചു.. പരമാവധി.. എന്നാൽ തമിഴ് നാട്ടിൽ അധികം നോക്കിയില്ല. അല്ലെങ്കിലും ഒരാൾ ആരും കണ്ടുപിടിക്കരുത് എന്ന് വിചാരിച്ചാൽ വളരെ എളുപ്പം ആണ്..”

ഭദ്ര പറഞ്ഞ് നിർത്തിയപ്പോൾ ജോഷ് ഒരു കെട്ട് കഥ കേട്ടത് പോലെ ഇരുന്നു..