വൈഷ്ണവം 5 (മാലാഖയുടെ കമുകൻ) 1131

അവന്റെ മനസ്സിൽ താൻ ആണോ അവളുടെ ഈ അവസ്ഥക്ക് കാരണം എന്നൊരു ചിന്ത വെറുതെ വന്നു..

ഭദ്രയോട് ചോദിച്ചാലോ എന്ന് അവൻ ചിന്തിച്ചു.

അപ്പോഴാണ് ഭദ്ര ഇപ്പോൾ അമേരിക്കയിൽ അവളുടെ ആന്റിയുടെ വീട്ടിൽ ആണെന്ന് ഉള്ള കാര്യം അവന് ഓർമ വന്നത്..

അവൾ കല്യാണത്തിനും വരില്ല..

“നീ ഓക്കേ അല്ലെടീ..?”

മിനു അവളുടെ പുസ്തകങ്ങൾ നോക്കുന്നതിനിടയിൽ വിഷ്ണു അകത്തേക്ക് ചെന്നു..

വൈഷ്ണവി ചായ ഉണ്ടാക്കുകയായിരുന്നു..

“ആം ഓക്കേ.. എന്തായി കാര്യങ്ങൾ ഒക്കെ..?”

അവൾ അവന്റെ മുഖത്ത് നോക്കാതെ ചോദിച്ചു..

അവന്റ കണ്ണുകൾ അവളുടെ ഷേപ്പ് ചെയ്യാത്ത നഖങ്ങളിൽ ആയിരുന്നു..

“എല്ലാം ഓക്കേ ആണ്.. ഇന്നേക്ക് പത്തു ദിവസം കൊണ്ട് അവൾ എന്റെയാകും..”

അവൻ ഒരു ചിരിയോടെ പറഞ്ഞപ്പോഴാണ് അവളുടെ കയ്യിൽ നിന്നും ഗ്ലാസ്‌ വഴുക്കി നിലത്തേക്ക് വീണത്..

“സോറി.. സോറി..”

അവൾ പെട്ടെന്ന് തല വെട്ടിച്ചു വിഷ്ണുവിനോട് പറഞ്ഞു നിലത്തേക്ക് ഇരുന്ന് ഗ്ലാസ്‌ കഷണങ്ങൾ പെറുക്കി എടുക്കാൻ തുടങ്ങി..

“എന്താ.. എന്താ ഇവിടെ പൊട്ടിയത്..?”

ശബ്ദം കേട്ട് മിനു ഓടി വന്നു..

“ഗ്ലാസ്‌ പൊട്ടിയതാണ്.. നീ ഇങ്ങനെ പിടക്കല്ലേ റോസേ..ബോംബ് ഒന്നും അല്ലല്ലോ..”

വിഷ്ണു പറഞ്ഞത് കേട്ടപ്പോൾ വൈഷ്ണവി മുഖം പൊക്കി ഒന്ന് ചിരിച്ചു..

ആ ചിരി വിഷ്ണുവിന്റെ ഹൃദയത്തിൽ എവിടെയോ ആണ് തട്ടിയത്..

അവൻ മെല്ലെ പുറത്തേക്ക് ഇറങ്ങി പുറത്തെ ബെഞ്ചിൽ ഇരുന്നു..

അവളെ കണ്ടത് മുതൽ അവൾ തന്റെ ആരോ ആയിരുന്നു..

ചില നേരങ്ങളിൽ മിനുവിന്റെ മുഖത്തിന് പകരം അവളുടെ മുഖം വരുന്നത് എന്താണ്..?

അവൻ മെല്ലെ കണ്ണടച്ചു..