വൈഷ്ണവം 5 (മാലാഖയുടെ കമുകൻ) 1132

അതോടെ വിഷ്ണുവും അത് വിട്ടു..

ദിവസങ്ങൾ കടന്ന് പൊയ്ക്കൊണ്ടിരുന്നു.. അവൻ വിളിച്ചപ്പോൾ ഒക്കെ വൈഷ്ണവി നല്ല തിരക്കിൽ ആയിരുന്നു..

വിവാഹം അടുത്തതിനാൽ വിഷ്ണുവും ഒത്തിരി തിരക്കുകളിൽ ആയി..

•••

എയർപോർട്ടിൽ ആയിരുന്നു വിഷ്ണു..

ഫ്ലൈറ്റ് വന്ന അന്നൗൺസ്‌മെന്റ് അവൻ കേട്ടപ്പോൾ പ്രിയപെട്ടവരെ കാത്തു നിന്ന ആളുകൾക്ക് ഇടയിലേക്ക് അവനും കയറി നിന്നു..

കണ്ണുകൾ ഒരാളെ തേടിക്കൊണ്ടിരുന്നു..

അധികനേരം കഴിയേണ്ടി വന്നില്ല. നീല ജീൻസും നീല ഡെനിം ഓവർകോട്ടും ധരിച്ചു നിറഞ്ഞ ചിരിയുമായി വരുന്നവളെ വിഷ്ണു കണ്ണ് പറിക്കാതെ നോക്കി നിന്നു..

അവന്റെ സ്വന്തം പെണ്ണ്..

മിനു റോസ്..

“വിഷ്ണു..!”

അവൾ ഓടിവന്നപ്പോൾ അവൻ അവളെ പരിസരം മറന്ന് ഇറുക്കെ പുണർന്നു..

കുറെ നാളായി കാണാത്തതിന്റെ വിഷമം രണ്ടുപേർക്കും ഉണ്ടായിരുന്നു..

“നീ ഒന്ന് ക്ഷീണിച്ചോ..?”

അവൻ അവളെ തന്നിൽ നിന്നും അടർത്തി മാറ്റി ഒന്ന് നോക്കി..

“ഏയ്‌.. എന്റെ ചെക്കനെ കാണാതെ ഒരു രസവും ഇല്ലായിരുന്നു.. അതാ..”

അവൾ ഒന്നുകൂടെ അവനോട് ചേർന്ന് നിന്നു.

അവൻ പുഞ്ചിരിയോടെ അവളെ ചേർത്ത് പിടിച്ചു..

അവളുടെ ട്രോളി എടുത്ത് നേരെ വണ്ടിയിൽ വച്ച് അവർ രണ്ടുപേരും വണ്ടിയിൽ കയറി..

അവൻ അവളുടെ വലത്തേ കൈ ഗിയർ ലിവറിൽ വച്ച് അവന്റെ കൈകൊണ്ടു പൊതിഞ്ഞു പിടിച്ചപ്പോൾ അവൾ പ്രണയത്തോടെ അവനെ നോക്കി..

ഇടക്ക് നിർത്തി ഭക്ഷണം കഴിച്ചിട്ടാണ് അവർ അവളുടെ വീട്ടിൽ എത്തിയത്..

അവനും ഒന്ന് അവിടെ ഇറങ്ങി..

ഇന്നേക്ക് ഒരു മാസം മാത്രമാണ് വിവാഹത്തിന് ഉണ്ടായിരുന്നത്..