വൈഷ്ണവം 5 (മാലാഖയുടെ കമുകൻ) 1132

“എന്റെ വീട്ടിലേക്ക് അല്ല.. നിന്റെ വീട്ടിലേക്കും അല്ല..”

അവൻ മെല്ലെ പറഞ്ഞു..

“പിന്നെ..?”

അവൾ എഴുന്നേറ്റ് നിന്നു ചോദിച്ചു..

അവൻ മറുപടി ഒന്നും പറഞ്ഞില്ല..

അവൾ പെട്ടെന്ന് തല പൊത്തി പിടിച്ചു.. അവൻ അവളെ നോക്കി..

നല്ല തലവേദന ഉണ്ടെന്ന് മനസിലായി.. പക്ഷെ അവന് അവളോട്‌ ഒരു അലിവും തോന്നിയില്ല..

അതുമാത്രം അല്ല അവളോട്‌ എന്ത് വികാരം ആണ് ഇപ്പോൾ തോന്നുന്നത് എന്ന് അവന് അറിയുന്നില്ല എന്ന് തോന്നി..

എന്നാലും കൈവിട്ടു കളയാൻ മനസ് വരുന്നില്ല.

അവൾ തന്റെ ഭാര്യയാണ് ഇപ്പോൾ..

ഈ നിമിഷത്തിന് വേണ്ടി കാത്തിരുന്ന ആ പെണ്ണിന്റെ അവസ്ഥ അവൻ ആലോചിച്ചു..

എനിക്ക് ഇത്ര വിഷമം ഉണ്ടെങ്കിൽ അവളുടെ അവസ്ഥ എന്താകും..?

അവന് ആകെ ഒരു തളർച്ച തോന്നി.. ഒരു ആശ്രയവും ഇല്ലാത്ത അവസ്ഥ..

“ടാ വിഷ്ണു..?”

പെട്ടെന്ന് ഒരു വിളി കേട്ട് അവൻ നോക്കി..

“ആര്യൻ..”

അവൻ മെല്ലെ വിളിച്ചു..

“നിന്റെ കല്യാണത്തിന് വന്നതാ ഞാൻ.. വീട്ടിൽ എത്തിയപോഴാ കാര്യങ്ങൾ ഒക്കെ അറിഞ്ഞത്.. ടാ നിന്റെ വീട്ടിൽ സീൻ ആണല്ലോ.. നീ ഒക്കെ ചാവുന്നതാ നല്ലത് എന്നൊക്കെയാണ് നിന്റെ ഫാമിലി പറയുന്നത്.. അല്ല അവരെ പറഞ്ഞിട്ടും കാര്യം ഇല്ല..

നീ കെട്ടാൻ ഇരുന്ന പെണ്ണിന്റെ ആരോ നീ ചതിച്ചു എന്ന് പറഞ്ഞു കേസ് കൊടുത്തതാ പോലും..

ആ പെണ്ണിന് പരാതി ഇല്ല എന്ന് പറഞ്ഞത് കൊണ്ട് മാത്രം പോലീസ് ഇപ്പോൾ വീട്ടിൽ വന്നു കാര്യങ്ങൾ ചോദിച്ചിട്ട് പോയി..”

ആര്യൻ അത് പറഞ്ഞപ്പോൾ വിഷ്ണു അവനെ നിർവികാരമായി നോക്കി. വൈഷ്ണവിയും അത് കെട്ടു.