വൈഷ്ണവം 5 (മാലാഖയുടെ കമുകൻ) 1132

അവൾ സ്വയം ശപിച്ചു..

താൻ എത്ര അനുഭവിച്ചാലും അവനോടും അവന്റെ കുടുംബത്തിലും ചെയ്തത് ഒരു ദൈവവും ക്ഷമിക്കില്ല എന്ന് അവൾക്ക് ഉറപ്പായിരുന്നു..

അവൾക്ക് പെട്ടന്ന് കരഞ്ഞുകൊണ്ടിരിക്കുന്ന ഒരു പെണ്ണിനെ ഓർമ വന്നു..

അന്ന് വിഷ്ണുവിന്റെ ഒപ്പം അവൾ കയറി വന്നപ്പോൾ അസൂയ തോന്നി..

തന്നെക്കാൾ സുന്ദരി.. അവന്റെ സ്നേഹം കിട്ടാൻ ഭാഗ്യം ലഭിച്ചവൾ… ഇപ്പോൾ..?

ഞാൻ കാരണം അവൻ ചതിയൻ ആയി..

അവളെ അവനും നഷ്ട്പ്പെട്ടു.. പോയി കാലിൽ വീണിട്ടായാലും അവളെ അവന് കൊടുക്കണം..

അവൾക്ക് തല പൊട്ടിപൊളിയും പോലെ തോന്നി..

“വൈഷ്ണവി.. വാ..”

വിഷ്ണു വിളിച്ചപ്പോൾ വൈഷ്ണവി ചിന്തകൾ മാറ്റിവച്ചു പെട്ടെന്ന് എഴുന്നേറ്റ് നിന്നു..

വൈഷ്ണവി മെല്ലെ വിഷ്ണുവിന്റെ പുറകെ നടന്നു..

തളർന്നു വീഴാൻ പോകുന്നത് പോലെ തോന്നി അവൾക്ക്..

ആര്യന്റെ കാറിൽ പുറകിലെ സീറ്റിൽ കയറി അവൾ കണ്ണടച്ചു ഇരുന്നു..

വണ്ടി മുൻപോട്ട് നീങ്ങിയപ്പോൾ അവൾ കടുത്ത തലവേദന കാരണം കണ്ണുകൾ അടച്ചു..

എങ്ങോട്ടാണെന്ന് അറിയാത്ത ഒരു യാത്ര..

•••

വിഷ്ണുവിന് ഒരു ആശ്രയവും ഇല്ലാതെ എന്ത് ചെയ്യണം എന്ന് കരുതി നിന്നപ്പോൾ ആണ് ആര്യൻ വന്നത്..

ബാക്കി ഉള്ളവർ ഒക്കെ ഫാമിലി ആയിട്ടൊക്കെ ജീവിക്കുന്നവർ ആയത് കൊണ്ട് വിഷ്ണു ആരെയും വിളിച്ചില്ല.

ആര്യനോട് കാര്യങ്ങൾ ഒക്കെ കേട്ടപ്പോൾ അവൻ ആണ് പറഞ്ഞത് അവന് കോഴിക്കോട് ഒരു ഒഴിഞ്ഞു കിടക്കുന്ന വീട് ഉണ്ടെന്ന്..