ഇന്ന്… ഇന്ന് ആണ് അവൻ്റെ വിധി… കഴിഞ്ഞ ഒരു വർഷം ആയി നടന്ന തെളിവെടുപ്പുകളുടെയും വിചാരണകളുടെയും ഒടുവിൽ ഇന്നവൻ്റെ ജീവിതം വരക്കാൻ പോവുകയാണ്…

 

ജയിലഴികൾക്കുള്ളിൽ നീറി നീറി ജീവിക്കാൻ പോകുന്ന ഒരു ജീവിതമാകുമോ എന്ന സംശയം അവൻ്റെ ഉള്ളിൽ ഈ കഴിഞ്ഞ ദിവസങ്ങളിൽ വർദ്ധിച്ചു വരികയായിരുന്നു….

 

അവൻ തൻ്റെ കഴിഞ്ഞ കാര്യങ്ങളെ പറ്റി ആലോചിച്ചു.. അവൻ്റെ കണ്ണുകൾ നിറഞ്ഞ് ഒഴുകിക്കൊണ്ടേ ഇരുന്നു.

 

കോടതിയിലേക്ക് അടുക്കുന്ന ഓരോ നിമിഷവും അവൻ്റെ നെഞ്ചിടിപ്പ് ചെവികളിൽ ശക്തമായിക്കൊണ്ടിരുന്നു.

 

വിചാരണ

Author: മിഥുൻ

 

2 വർഷങ്ങൾക്ക് മുൻപ്…

—

 

രാവിലെ ഉണർന്ന കിരൺ കാലിയായ മദ്യക്കുപ്പികളും മിച്ചർ കവറുകളും തള്ളി മാറ്റി എഴുന്നേറ്റു… ജനുവരി 1- പുതുവർഷം പിറന്നതിൻ്റെ ആഘോഷം ആയിരുന്നു അവിടെ…

 

അവൻ്റെ കൂടെ ഉണ്ടായിരുന്ന തൻ്റെ സഹപ്രവർത്തകനും സുഹൃത്തും ആയ അഭിരാം ഇപ്പോഴും എഴുന്നെറ്റിട്ടില്ല…

 

പുതു വർഷത്തിൽ പോലും അവധി ഇല്ലാത്ത തൻ്റെ ജോലിയെയും കുറ്റം പറഞ്ഞു കിരൺ അഭിയെ കുത്തിപ്പോക്കാൻ നോക്കുകയാണ്…