വിചാരണ[മിഥുൻ] 126

“ഡാ… കൊപ്പേ… അഭീ.. നേരം കൊറേ ആയടാ.. എഴുന്നേൽക്കടാ…” തലെന്നത്തെ ഹാങ്ഓവറില്‍ അവന്‍ തീരെ ബോധം ഇല്ലാതെ കിടപ്പായിരുന്നു.

ഒരുവിധം അവനെയും വിളിച്ചു ഉണര്‍ത്തി അവര്‍ റെഡി ആയി കമ്പനിയിലേക്ക് പോയി. ഏകദേശം 6 മാസം ആയതേ ഉണ്ടായിരുന്നുള്ളൂ അവർ കമ്പനിയില്‍ ജോയിന്‍ ചെയ്തിട്ട്’. രണ്ടു കോളേജുകളില്‍ പഠിച്ചിട്ടും 6 മാസം കൊണ്ട് അവര്‍ നല്ല കൂട്ട് ആയിരുന്നു.

സ്പെഷ്യൽ ദിവസങ്ങളിൽ മദ്യപിക്കുന്നത് അല്ലാതെ  മറ്റ് ദുശ്ശീലങ്ങൾ ഇല്ലാത്ത രണ്ടു ചെറുപ്പക്കാർ.

തലയിലെ പെരുപ്പും കമ്പനിയിലെ വർക്കിൻ്റെ കാര്യങ്ങളും തലയിൽ ആവാഹിച്ച് അവർ റെഡി ആയി കമ്പനിയിൽ ചെന്നു..

രാവിലെ തന്നെ പ്രോഗ്രാമിംഗ് അവർ ചെയ്യാൻ തുടങ്ങി… എന്തൊക്കെ പറഞ്ഞാലും വർക് പറഞ്ഞ സമയത്ത് തന്നെ കമ്പ്ലീറ്റ് ചെയ്തു സബ്മിറ്റ് ചെയ്യുന്ന രണ്ടു ബെസ്റ്റ് ഡെവലപ്പേഴ്സ് തന്നെ ആയിരുന്നു കിരണും അഭിയും.. 

കിരൺ ഇടക്കിടക്ക് റെസ്റ്റ് എടുത്തു പ്രോഗ്രാം ചെയ്യുന്ന കൂട്ടത്തിൽ ആണ്… ചെയ്യുന്ന വർക്ക് അടിപൊളി ആയിട്ട് ചെയ്യുന്ന ഒരു ഡെവലപ്പർ… അഭിയുടെ കാര്യം അത്ര വ്യത്യസ്തം ഒന്നും അല്ല… അഭി പക്ഷേ മടിയനാണ്… ഒരു സ്റ്റാർട്ടിങ് ട്രബിൾ ഉള്ള വണ്ടി… ഒന്ന് തള്ളി സ്റ്റാർട്ട് ആക്കിയാൽ പിന്നെ പടക്കുതിര ആണ് അഭി…