വസന്തം പോയതറിയാതെ – 9[ദാസൻ] 549

ഏട്ടത്തി പറഞ്ഞു.

“മോൾക്ക്‌ ഒട്ടും സമയമില്ല, എല്ലാ ദിവസവും കോച്ചിങ് ക്ലാസ്സുണ്ട് ഇന്നും ഉച്ച വരെയുണ്ട്. എന്നോട് രാവിലെ തന്നെ വിളിക്കണമെന്ന് പറഞ്ഞ് ഏൽപ്പിച്ചിട്ടുണ്ട്. ഞാൻ ചായക്ക്‌ വെച്ചിട്ട് മോളെ പോയി വിളിക്കാം. അച്ഛനും അമ്മയും ദാ ആ കാണുന്ന മുറിയിൽ കയറി ഫ്രഷാക്. വിനു നീ ആ മുകളിലത്തെ വലത്തേ സൈഡിലെ മുറിയിലും കയറു.”

അതും പറഞ്ഞ് ഏട്ടത്തി അടുക്കളയിലേക്ക് പോയി പുറകെ അമ്മയും. അച്ഛൻ

” ആ ബാഗും സാധനങ്ങളൊക്കെ വണ്ടിയിൽ നിന്നും ഇറക്ക് ”

അവിടെ നിന്നും പോരുമ്പോൾ വണ്ടിയിൽ ഫാമിൽ ഉണ്ടായ പച്ചക്കറികളും രണ്ടുമൂന്നു കൊലകളും കയറ്റി വച്ചിരുന്നു. അതെല്ലാം ഞാൻ വണ്ടിയിൽ നിന്ന് ഇറക്കി അകത്തു അടുക്കളയിൽ വച്ചു ഇതുകണ്ട് ഏട്ടത്തി

” വിനു കരുതി തന്നെയാണല്ലോ വന്നിരിക്കുന്നത്. അമ്മ ചായ ഒന്ന് നോക്കിക്കോ ഞാൻ പോയി മോളെ വിളിക്കട്ടെ. ”

ഏട്ടത്തി താഴെയുള്ള ഒരു ബെഡ്റൂമിലേക്ക് കയറിപ്പോയി പുറകെ ഞാൻ പുറത്തേക്കിറങ്ങി. അച്ഛന്റെയും എന്റെയും ബാഗമെടുത്ത് അച്ഛനെ മുറിയിൽ കൊണ്ടുപോയി വെച്ച് ഹാളിലേക്ക് വരുമ്പോൾ ഏട്ടത്തി മോളുമായി വരുന്നത് കണ്ടു. എന്റെ മുഖത്ത് പോലും നോക്കാതെ അടുക്കളയിലേക്ക് കയറിപ്പോയി. അടുക്കളയിൽ അമ്മയുടെയും മോളുടെയും കലപില ശബ്ദം കേൾക്കുന്നുണ്ട്. അതിനിടയിൽ മോളുടെ ശബ്ദം കേട്ടു

“ഇല്ല ഞാൻ കൊണ്ടുപോയി കൊടുക്കില്ല ഞാൻ അപ്പൂപ്പന് വേണമെങ്കിൽ കൊടുക്കാം”

ഇതിനിടയിൽ ഏട്ടത്തി പറയുന്നതും കേൾക്കുന്നുണ്ട്.

” എന്താണ് മോളെ ഇങ്ങനെ മോളുടെ അച്ഛനല്ലേ ”

അപ്പോൾ മോൾ എടുത്തടിച്ച പോലെ

” എനിക്ക് പറ്റില്ല എന്ന് പറഞ്ഞില്ലേ ”

അതും പറഞ്ഞ് മോൾ ചവിട്ടി കുലുക്കി ബെഡ്റൂമിലേക്ക് പോയി. ഏട്ടത്തി ഒരു ട്രെയിൻ അഞ്ച് കപ്പ് ചായയുമായി വന്നു കണ്ണുതുറച്ചുകൊണ്ട് അമ്മ വരുന്നത് കണ്ടു. ട്രേയിൽ നിന്നും ഒരു കപ്പ് ചായ എടുത്തു അമ്മ അച്ഛന്റെ മുറിയിലേക്ക് പോയി. ഏട്ടത്തി എനിക്ക് ചായ തന്നു ട്രേ ടീപോയിൽ വച്ച് ഒരു കപ്പ് ചായയും ആയി മോളുടെ മുറിയിലേക്ക് പോയി. ഞാൻ ചായ കുടിച്ച് അവിടെ ഇരുന്ന് ആലോചിച്ചു ഞാൻ, ഇവിടെ നിൽക്കുന്നത് എന്തുകൊണ്ടും മോൾക്ക് ബുദ്ധിമുട്ടാണ്. ഏട്ടത്തിയും അമ്മയും വരുന്നതിനു മുമ്പ് എന്റെ ബാഗ് എടുത്ത് ഞാൻ വണ്ടിയിൽ വച്ചു ജോസിനെ വിളിച്ചു ഞാൻ അങ്ങോട്ട് വരുന്ന കാര്യം പറഞ്ഞു. ഇവിടെ കുറച്ചു കാര്യങ്ങൾ ചെയ്തു തീർക്കുവാൻ ഉണ്ട് എന്ന് അവനോട് പറഞ്ഞു. അവൻ അങ്ങോട്ട് ചെല്ലാനും പറഞ്ഞു. തിരിച്ചുവന്നിരുന്ന് ചായ കുടിക്കുന്ന സമയത്ത് അവർ രണ്ടുപേരും മടങ്ങി വന്നു. അമ്മ ഡ്രസ്സ് ഒക്കെ മാറി ഫ്രഷായാണ് വന്നത്, ഏട്ടത്തി മോളോട് സംസാരിച്ചു മയപ്പെടുത്തി ചായയും കൊടുത്താണ് വന്നിരിക്കുന്നത് എന്ന് മനസ്സിലാക്കാം. ചായ കുടിച്ചു കഴിഞ്ഞു ഞാൻ എഴുന്നേറ്റു.

” എനിക്ക് ജോസുമായി പോയി ചെയ്തു തീർക്കാൻ കുറച്ചു കാര്യങ്ങൾ ഉണ്ട്. അതുകൊണ്ട് ഞാൻ അവന്റെ വീട്ടിലേക്ക് പോവുകയാണ് ചേട്ടൻ വരുമ്പോൾ പറഞ്ഞേക്ക്”

അപ്പോൾ ഏട്ടത്തി പറഞ്ഞു

” എടാ വിനു, നിനക്ക് ഇവിടെ നിന്നും പോകാമല്ലോ. പിന്നെന്തിന് അവന്റെ വീട്ടിൽ പോകണം ”

” അതല്ല ഏട്ടത്തി, പോയാൽ എപ്പോൾ തിരിച്ചു വരാൻ പറ്റും എന്ന് അറിയില്ല. ഞങ്ങൾ ഒരുമിച്ചു പോകുന്നതുകൊണ്ട് അവന്റെ വീട്ടിൽ തങ്ങാം. നാളെ രാവിലെ വന്നു അച്ഛനെയും അമ്മയെയും കൂട്ടിക്കൊണ്ടു പോകാമല്ലോ ”