വസന്തം പോയതറിയാതെ – 9[ദാസൻ] 547

” ആരാണ് എന്തുവേണം. ചരക്കിന്റെ കാര്യം പറയാനാണെങ്കിൽ അങ്ങ് പുറത്ത് നിന്നാൽ മതി. ”

ഞാനവനെ ഷർട്ടിന്റെ കോളറിന് പിടിച്ച് പുറത്തേക്ക് കൊണ്ടുവന്നു. അപ്പോൾ ഷിബു ഇടപെട്ടു.

” എടാ അവനെ ഒന്നും ചെയ്യേണ്ട അവന് ഒന്നും അറിയില്ല. ”

റഹീം അവനോട് പറഞ്ഞു

” ഇത് നിന്റെ മുതലാളിയുടെ അനിയനാണ് ”

അവൻ എന്നോട്

” ആളറിയാതെ ഞാൻ എന്തെങ്കിലും പറഞ്ഞിട്ടുണ്ടെങ്കിൽ എന്നോട് ക്ഷമിക്കുക ചേട്ടാ. ഞാൻ ചേച്ചിയോട് എല്ലാം പറഞ്ഞിട്ടുണ്ട്. എനിക്ക് ഇതിൽ ഒന്നും പങ്കില്ല ചേട്ടാ”

” നീ എന്തിനാടാ പിന്നെ ആ നാറിയുടെ കൂടെ ഓഫീസിൽ നിൽക്കുന്നത് ”

” വീട്ടിലെ പ്രാരാബ്ദം ഓർത്തിട്ടാണ് ചേട്ടാ.”

ഞാൻ പറഞ്ഞു.

” ശരി ശരി. ഞാനൊന്ന് അകത്തോട്ട് ചെല്ലട്ടെ, ആ മഹാനെ ഒന്ന് കാണട്ടെ. കുറച്ച് കണക്ക് പറഞ്ഞു തീർക്കാനുണ്ട് ”

ആ മാനേജർ പയ്യൻ എന്നോട് വേറൊരു കാര്യം കൂടി പറഞ്ഞു.

” ചേട്ടാ പല ബോട്ടുകാരും പ്രശ്നമുണ്ടാക്കുന്നുണ്ട്. ബോട്ടുകാർക്കൊന്നും പൈസ കൊടുക്കുന്നില്ല അവരൊക്കെ നമ്മുടെ തരക് വിട്ടു പോകാനുള്ള തയ്യാറെടുപ്പിലാണ്. ഇതൊന്നും ഞാൻ ചേച്ചിയോട് പറഞ്ഞിട്ടില്ല എന്തിനാണ് വെറുതെ വിഷമിപ്പിക്കുന്നത് എന്ന് കരുതി. ”

” ഞാൻ അകത്തു നിന്നു ആ മഹാനെ ഇങ്ങോട്ട് വലിച്ച് ഇറക്കി പുറത്തിടാം. എന്നിട്ട് ആകാം ചോദ്യവും പറച്ചിലും ”

ഞാൻ അകത്തേക്ക് ചെന്നപ്പോഴേക്കും ബാഗും എടുത്ത് പുറത്തേക്ക് ഇറങ്ങാനുള്ള തയ്യാറെടുപ്പിലാണ്. അതെ ബാഗ് ഞാൻ പിടിച്ചു വാങ്ങി വച്ചു അതിനുശേഷം ഷർട്ടിന്റെ കോളറിന് വിളിച്ച് പുറത്തേക്ക് കൊണ്ടുവന്നു.

” എടാ പന്ന തായോളീ. നീ എന്റെ ചേട്ടനെ വീണ്ടും മദ്യപാനിയാക്കിയല്ലെ. എത്ര കഷ്ടപെട്ടാണ് അതിൽ നിന്നും മോചിപ്പിച്ചത് എന്നറിയാമോ. ഇവനെ ഇവിടെ നിന്നും പൊക്കാൻ പറ്റിയ ഒരു വണ്ടി എടുക്കടാ. ഇവനെ ചോദ്യം ചെയ്യാൻ പറ്റിയ ഒരു സങ്കേതവും കണ്ടെത്തണം ”

ഷിബു ഉടൻ തന്നെ പറഞ്ഞു

” വണ്ടി എപ്പോഴേ റെഡി ഒരു ഫോൺ വിളിയുടെ കാര്യം മാത്രമേയുള്ളൂ ”

ഇതുപറഞ്ഞ് ഷിബു ഫോണെടുത്ത് വിളിച്ചു

” എടാ ഗിരി ഞാൻ പറഞ്ഞ വണ്ടിയുമായി നീ ഹാർബറിലേക്ക് വാ.അവിടെ നമ്മുടെ വേണു ചേട്ടന്റെ ഓഫീസില്ലെ അവിടേക്ക്. പെട്ടെന്ന് ആകട്ടെ ”

ഹാർബറിൽ മീൻ ലേലം വിളിക്കുന്നത് സ്ഥലത്ത് നല്ല തിരക്കായിരുന്നു അതിനാൽ ഈ ഭാഗത്തേക്ക് ആരുടെയും നോട്ടം കിട്ടിയിരുന്നില്ല. അതുമല്ല നേരം വെളുത്തു വരുന്നതേയുള്ളൂ, ഇരുട്ടു മാറിയിട്ടില്ല. ഹാർബറിന് തൊട്ടു അടുത്തുതന്നെ ഒരു വീടാണ് ഓഫീസ്. അതിൽ ഒരു മുറി ഓഫീസ് റൂം ആക്കിയിരിക്കുന്നു. ആ മാനേജർ പയ്യൻ അവിടെയാണോ തങ്ങിയിരിക്കുന്നത്, അവന്റെ വീട് കുറച്ച് അകലെയാണ്. അതിനിടയിൽ ഒച്ചവെച്ചു ആളെ കൂട്ടാൻ അയാൾ നോക്കി, ഒന്ന് രണ്ടു പേർ വന്നുവെങ്കിലും ഷിബു

” ഇത് നമ്മുടെ വേണു ചേട്ടന്റെ അനിയനാണ് ”

അവിടെ കൂടിയവരിൽ ഒരാൾ പറഞ്ഞു.

“ഓഹോ വേണുവിന്റെ അനിയനാണല്ലേ ഞങ്ങൾ ഇതുവരെ കണ്ടിട്ടില്ലല്ലൊ.”

വന്നവരിൽ വേറൊരാൾ