രണ്ടാം ജന്മം 4[അജി] 205

“അവൾക്ക് അങ്ങേയൊന്നുമില്ല ആര് കൈ കാണിച്ചാലും പോവും ”

അനു അമ്മയോട് പറഞ്ഞു.

 

“കിച്ചുട്ടനും അത്‌ പോലെ ആയിരുന്നു. ആര് കൈ കാണിച്ചാലും കൂടെ പോവും. എപ്പോഴും ആരെങ്കിലുമൊക്കെ എടുക്കണം. സ്കൂളിൽ പഠിക്കുമ്പോൾ പോലും ഞാൻ എടുക്കണമായിരുന്നു. അത്‌ കാണുമ്പോൾ ഇവൾക്ക് ഇളകും. അവളെയും എടുക്കണം എന്ന്. അവളെ എടുത്താൽ ഇവന് വാശി കയറും. അങ്ങനെ ഒരു കണക്കിന് മാറി മാറിയ ഞങ്ങൾ ഇവരെ എടുത്ത് നടന്നിരുന്നത്”

 

അമ്മ എന്നെയും അമ്മുവിനെയും കുറിച്ച് പറഞ്ഞു.

 

“മതി കഥ പറഞ്ഞത്… മക്കൾ ഡ്രസ്സ്‌ മാറി വാ….

 

നീ ഇവർക്ക് ചായ കൊടുക്കാൻ നോക്കിയേ…”

 

അച്ഛൻ കയറി ഇടപ്പെട്ടു.

 

“കിച്ചുട്ടന്റെ പഴയ മുറി അമ്മ അടിച്ച് തുടച്ച് വെച്ചിട്ടുണ്ട് നീ മോളെയും കൂട്ടി പോയി ഡ്രസ്സ്‌ മാറിയിട്ട് വാ…”

 

അമ്മ എന്നോട് പറഞ്ഞു. എനിക്ക് എന്റെ മുറി എവിടെ എന്ന് അറിയില്ലായിരുന്നു.

 

“അമ്മു നീ അനുവിനെ കൂട്ടികൊണ്ട് പോയി അവൾക്ക് മുറി കാട്ടി കൊടുക്ക് ”

 

ഞാൻ മുറി ഏതെന്ന് അറിയാത്തതിഞ്ഞാൽ അമ്മുവിനോട് പറഞ്ഞു.

 

“ഏടത്തി വാ…”

 

അമ്മു അനുവിനെ കൂട്ടി കൊണ്ട് പോയി. ഞാൻ വീട് നോക്കി കാണുവാൻ തുടങ്ങി. ഇപ്പോൾ പൊന്നു അമ്മയുടെ കൈയിൽ നിന്ന് മാറി അച്ഛന്റെ കൈയിലായി. ആദ്യമായി അവരുടെ പേരകുട്ടിയെ കണ്ടാ സന്തോഷത്തിലായിരുന്നു അവർ. ഞാൻ വീടും പരിസരവും നോക്കി കാണുമ്പോൾ അമ്മു അവിടേക്ക് വന്നു.

 

“ഏടത്തി വിളിക്കുന്നുണ്ട് കിച്ചുവേട്ടനെ….”

അമ്മു എന്നോട് പറഞ്ഞു.

 

ഞാൻ അനുവിന്റെ അടുത്തേക്ക് നടന്നു. മുകളിലേക്കാണ് അമ്മു അനുവിനെ കൂട്ടി കൊണ്ട് പോവുന്നത് കണ്ടത്. അപ്പോൾ മുകളിലാവും മുറി. ഞാൻ മുകളിലേക്ക് നടന്നു. എന്നെ പ്രതീക്ഷിച്ച് അവിടെ അനു ഇരിക്കുന്നുണ്ടായിരുന്നു. അവൾ വസ്ത്രം മാറി അവിടെ ഇരിക്കുന്നുണ്ടായിരുന്നു.

 

“മുറി അറിയാത്ത കാരണവും എന്നെ അമ്മുവിന്റെ കൂടെ പറഞ്ഞ് വിട്ടത് അല്ലേ…”