രണ്ടാം ജന്മം 4[അജി] 205

ഞങ്ങൾ വസ്ത്രങ്ങൾ എല്ലാം വാങ്ങി കഴിഞ്ഞപ്പോൾ സമയം ഉച്ചയായി. എനിക്ക് വിശന്ന് തുടങ്ങി.

 

“അനു… നമ്മുക്ക് ഏതെങ്കിലും ഹോട്ടലിൽ കയറി ഭക്ഷണം കഴിചാല്ലോ…?”

 

“അത്‌ വേണ്ടാ… നമ്മുക്ക് വീട്ടിൽ പോയി കഴിക്കാം ”

 

ഞാൻ അനു അങ്ങനെ പറയും എന്ന് കരുതിയിരുന്നില്ല.

 

“എന്റെ ഒപ്പം ആയത് കൊണ്ടാണോ… വേണ്ടാ എന്ന് പറഞ്ഞത്…?”

 

“അയ്യോ… അങ്ങനെ അല്ല. പൊന്നു അവിടെ വീട്ടിലല്ലേ.. എന്നെ കാണാതെ വിഷമിച്ചാലോ…”

 

അവള് പറയുന്നതിലും കാര്യമുണ്ടെന്ന് ഞാൻ കരുതി. ഇന്നേവരെ അവർ തമ്മിൽ പിരിഞ്ഞിരുന്നിട്ടിലാ…ആ അമ്മയുടെ ആധി എനിക്ക് മനസ്സിലായി.

 

ഞാൻ വണ്ടി വീട്ടിലേക്ക് എടുത്തു. എന്റെ മനസ്സിൽ ഒരുപാട് പ്ലാനുകളുണ്ടായിരുന്നു. അനുവിനെയും കൊണ്ട് കുറേ സ്ഥലങ്ങളിൽ പോകണം എന്ന് ഞാൻ കരുതിയിരുന്നു. അനുവിനെ എന്നെ അങ്ങനെ ഇഷ്ടപ്പെടുത്തണം എന്നായിരുന്നു എന്റെ ആഗ്രഹം. ഞാൻ ഇപ്പോൾ അവളെ ഇഷ്ടപ്പെട്ട് പോയി ഇരിക്കുന്നു.അവളോട് അത് തുറന്ന് പറയാനുള്ള ധൈര്യം എനിക്കിലായിരുന്നു.

 

ഞങ്ങൾ വീട്ടിലേക്ക് എത്തി. കാറിന്റെ ശബ്ദം കേട്ട് അമ്മയും അമ്മുവും പുറത്തേക്ക് വന്നു. അമ്മയുടെ കൈയിൽ പൊന്നു ഇരിക്കുന്നുണ്ടായിരുന്നു. ഞങ്ങളെ കണ്ടാ സന്തോഷത്താൽ അവൾ സന്തോഷം പ്രകടിപ്പിച്ചു. അനു അമ്മയിൽ നിന്നും പൊന്നുവിനെ വാങ്ങി.

 

“നിങ്ങൾ ഇത്രയും നേരത്തെ വന്നോ… ഞാൻ കരുതി വരാൻ വൈകും എന്ന് ”

അമ്മ ഞങ്ങളെ കണ്ടപ്പോൾ പറഞ്ഞു.

 

“അതല്ലാ അമ്മേ അനു ഇതുവരെ പൊന്നുവിനെ പിരിഞ്ഞിരുന്നിട്ടില്ലാ… മോളെ കാണാതെ അവൾക്ക് ഇരിക്കാൻ പറ്റില്ല. അതുകൊണ്ട് ഞങ്ങൾ വേഗം വന്നു ”

 

“എന്റെ മോളെ അവൾക്കിവിടെ ഒരു കുഴപ്പവും ഇല്ലാതെ ഞാൻ നോക്കിയിട്ടുണ്ട്. നീ അവളെ ആലോചിച്ച് വെറുതെ വിഷമിക്കേണ്ടാ…

മോൾക്ക് ഇനി എവിടെ പോണമെങ്കിലും മോളെ അമ്മയെ ഏൽപ്പിച്ച് പൊക്കോ… അമ്മ നോക്കിക്കൊണ്ട്…അമ്മക്ക് അത്‌ ഇഷ്ടാ… ഒരു കുറവും വരാതെ അമ്മ നോക്കിക്കോളാം ”

 

അമ്മ അനുവിനോട് പറഞ്ഞു. അനു അമ്മക്ക് ശരി എന്ന് തലയാട്ടി കാണിച്ചു.

 

ഞാൻ കവറുകൾ എല്ലാം മുറിയിൽ കൊണ്ട് വെച്ചു. അവിടെ ചെയ്യാൻ ഒന്നും ഇല്ലാത്തതിനാൽ ഞാൻ അവിടെ നിന്ന് ഭക്ഷണം കഴിച്ച് ഹോട്ടലിൽ പോയിരുന്നു.

 

വൈകുന്നേരം അമ്മു പറഞ്ഞത് പോലെ ഷവർമ്മയും കൊണ്ടാണ് ഞാൻ വന്നത്. അത്‌ കൊടുത്തപ്പോൾ അവൾക്ക് സന്തോഷമായി. ഞങ്ങൾ എല്ലാവരും അത്‌ പങ്ക് വെച്ച് കഴിച്ചു. അനു എല്ലാവരും കൂടിയിരുന്ന് കഴിക്കുമ്പോൾ സന്തോഷവധിയായി ഞാൻ കണ്ടു.