👤മെർവിൻ 6👥 (ജെസ്സ് ) [VICKEY WICK] 161

ഇത്‌ കേട്ട് ഒരു ചിരിയോടെ സ്റ്റെന തിരിഞ്ഞു കൊണ്ട് പറഞ്ഞു.

 

 

“ഒറ്റക്കോ, ഞാ… ”

 

 

അവളുടെ വാക്കുകൾ മുറിഞ്ഞു പോയി. അവളുടെ അരുകിൽ ജെസ്സ് ഉണ്ടായിരുന്നില്ല.

 

 

സ്റ്റെന ടെസിയോടൊപ്പം വേഗത്തിൽ നടന്നു. നടക്കുന്നതിനിടെ അവൾ ചോദിച്ചു.

 

“ടെസി നീ അവിടെ വന്നിട്ട് എത്ര സമയമായി? ”

 

“നിന്റെ ഒപ്പം വരാനായി വേഗന്ന് ഇറങ്ങാൻ ഇരുന്നതാ ഞാൻ, പെട്ടെന്ന് ചെറിയ വർക്ക്‌ വന്നു. നിന്റെ സംസാരം അവസാനഭാഗത്തോട് അടുത്തപ്പോഴാണ് എത്തിയത്. താൻ ആരോടാ മിണ്ടികൊണ്ടിരുന്നത്? എന്താടോ പറ്റിയത്? ”

 

 

“ഞാൻ സത്യം പറഞ്ഞാൽ നീ വിശ്വസിക്കില്ല. ഞാൻ ജെസിനോട് സംസാരിക്കുകയായിരുന്നു. ”

 

 

ടെസ്സി പെട്ടെന്ന് നടത്തം നിർത്തിയിട്ടു പറഞ്ഞു.

 

“ജെസ്സ്? മൈ ഗോഡ്, ഇമ്പോസിബിൾ. ഞാൻ അവിടെ വരുമ്പോൾ ആരും ഉണ്ടായിരുന്നില്ല നിന്റെ ഒപ്പം. നീ വെറുതെ വായുവിൽ നോക്കി സംസാരിക്കുകയായിരുന്നു. ”

 

 

സ്റ്റെന ഇത്‌ കേട്ട് ടെസിയെ വായും പിളർന്നു നോക്കി നിന്ന ശേഷം വേഗം നടന്നു.

 

 

“ഹേയ്, സ്റ്റെന സ്ലോ ഡൗൺ… ”

 

ഇതും പറഞ്ഞത് ടെസി അവളുടെ പിന്നാലെ പാഞ്ഞു. ടെസി എന്തൊക്കെയോ സംസാരിച്ച് കൊണ്ടിരുന്നു എങ്കിലും. സ്റ്റേനയുടെ മനസ്സിൽ ടെസി ആദ്യം പറഞ്ഞ കാര്യങ്ങൾ ആയിരുന്നു.

 

 

വീട്ടിൽ എത്തിയ ശേഷവും അവൾ ആലോചിച്ചത് അത്രയും അന്ന് നടന്ന സംഭവങ്ങളെ കുറിച് ആണ്. എന്താണ് ജെസ്സ് എന്നതിന് അവൾക്ക് ഒരു ഉത്തരവും കിട്ടിയില്ല.

 

 

പിറ്റേദിവസം എന്താണെങ്കിലും ജെസ്സിനോട് സംസാരിച്ചിട്ടേ ഉള്ളൂ എന്ന് അവൾ തീരുമാനിച്ചു. ഉച്ചക്ക് ഭക്ഷണം കഴിച്ച് കഴിഞ്ഞ് അവൾ ജെസ്സിനെ തേടിയിറങ്ങി. ജെസ്സ് ഭക്ഷണത്തിനു ശേഷം വരാന്തയിലൂടെ നടക്കുകയായിരുന്നു. സ്റ്റെന കുറച്ച് തിരച്ചിലിനോടുവിൽ അവനെ കണ്ടെത്തി.

 

 

“ജെസ്സ് എന്നോടൊപ്പം ഒരു 10 മിനിറ്റ് ചിലവിടുന്നതിൽ വിരോധം ഉണ്ടോ? ”

 

 

“നോ മാം. ”