👤മെർവിൻ 6👥 (ജെസ്സ് ) [VICKEY WICK] 161

“ഹേയ്, പ്ലീസ്… ഞാൻ ഇതൊന്നു പറഞ്ഞു തീർക്കട്ടെ. എന്നിട്ട് ചാൻസ് തരാം… ഇത്പോലെ എന്റെ ഭർത്താവ് ഞാൻ ക്ഷീണിച് ഇരിക്കുമ്പോ എന്റെയടുത്തു വന്നു സ്നേഹത്തോടെ രണ്ടുവാക്ക് സംസാരിക്കുകയും, എന്റെ മുടിയിൽ മസ്സാജ് ചെയ്ത് തരുകയും ഒക്കെ ചെയ്യും. അതൊക്കെ എനിക്ക് എത്രയധികം സന്തോഷവും റിലീഫും ആണ് തരുന്നതെന്നു പറഞ്ഞാൽ മനസിലാകില്ല. ”

 

 

“നിങ്ങൾ ഒരിക്കലെങ്കിലും ജെസ്സിനെ ഇതൊക്കെ എങ്ങനെ ബാധിക്കും എന്ന് ചിന്തിച്ചിട്ടുണ്ടോ? അവൻ പുറത്തും ക്ലാസിലും മറ്റും എങ്ങനെയുള്ള കുട്ടിയാണെന്ന് നിങ്ങള്ക്ക് എന്തെങ്കിലും ഐഡിയ ഉണ്ടോ? അവനെ ഇതൊക്കെ വളരെയധികം ബാധിച്ചിട്ടുണ്ട്. ഐ തിങ്ക് ഹി ഈസ്‌ ഓൺ ദ ക്ലിഫ് ഓഫ് ഡിപ്പ്രെഷൻ. ആ കുട്ടി നിങ്ങളുടെ വഴക്കും ഒച്ചപ്പാടും കേട്ടും കണ്ടും അവനും ആരോടും സ്നേഹം ഇല്ല, സൗഹൃദവും ഇല്ല. സ്കൂളിൽ ഒരാൾ പോലും സുഹൃത്തായി ഇല്ലാത്ത ഒരേയൊരു കുട്ടി അവനായിരിക്കും. ”

 

 

അത് അവർ രണ്ടാളും തീരെ പ്രതീക്ഷിച്ച് ഇല്ല. അവന് ഇത് ബുദ്ധിമുട്ട് ഉണ്ടാക്കുന്നുണ്ട് എന്നറിയാമായിരുന്നു എങ്കിലും അത് ഇത്രയും ഭീകരമായ അവസ്ഥയിൽ ആണെന്ന് അവർ കരുതിയില്ല. സ്റ്റെന തുടർന്നു.

 

 

“നിങ്ങളോടു നിങ്ങളുടെ പാർട്ണർ വന്നു ദേഷ്യത്തോടെ ഒരു കാര്യം പറയുമ്പോൾ നിങ്ങൾ ടെൻഷനിലും സ്‌ട്രെസ്സിലും ആയത്കൊണ്ടാണ് തിരിച്ചും ദേഷ്യപ്പെടാനുള്ള ടെൻഡൻസി ഉണ്ടാകുന്നത്. നിങ്ങൾ ഒരു നിമിഷം സ്വയം കണ്ട്രോൾ ചെയ്ത് അയാൾ പറയുന്നത് ഒക്കെ ശ്രദ്ധിക്കൂ. തല്ക്കാലം തിരിച്ചു ഒന്നും പറയരുത്. എന്നിട്ട് ശാന്തമായിരുന്നു അതൊക്കെയും ശരിയാണോ എന്നൊന്ന് സ്വയം ആലോചിച്ച് നോക്കൂ. അപ്പൊ നിങ്ങള്ക്ക് മനസിലാകും, അവരുടെ കൊച്ചു കൊച്ചു പരാതികളും പരിഭവങ്ങളുമാണ് വലിയ ദേഷ്യത്തിലും ശബ്ദത്തിലും പുറത്ത് വരുന്നത് എന്ന്. അത് തീർക്കേണ്ട കടമ നിങ്ങൾക്ക് ഉണ്ട്. ”

 

 

“നിങ്ങൾ ഒന്നാലോചിക്കണം. മരണത്തിനു ശേഷം എന്ത് എന്നുള്ളത് ഇന്നും നമുക്ക് അറിയില്ല. പുനർജ്ജന്മം എന്നത് ഒരു വിശ്വാസം മാത്രമാണ്. ദീർഘമായതായി നമുക്ക് തോന്നുന്ന ഈ ജീവിതം സത്യത്തിൽ വളരെ ചെറുതാണ്. അത് പരാതിയും പരിഭവങ്ങളും ദേഷ്യവും വെറുപ്പും കൊണ്ട് ജീവിച്ചു തീർക്കാതെ, ക്ഷമിച്ചും മനസിലാക്കിയും സ്നേഹിച്ചും ജീവിച്ചു തീർക്കുക. ഇല്ലെങ്കിൽ അവസാന നാളുകളിൽ ആയിരിക്കും നിങ്ങൾ തിരിച്ചറിയുന്നത് ഇത്രകാലവും നിങ്ങൾ ജീവിതം പാഴാക്കുകയായിരുന്നു എന്ന്. ”

 

 

സ്റ്റെന പറഞ്ഞ് അവസാനിപ്പിച്ചതും അൽപ്പസമയം അവിടെ പൂർണ നിശബ്ദത ആയിരുന്നു.അവർക്ക് എന്തൊക്കെയോ മനസിലായിട്ട് ഉണ്ടെന്നു സ്റ്റെനക്ക് തോന്നി. അവർ നിശബ്ദമായി ആലോചിക്കുകയാണ്.

 

 

“ഇനി നിങ്ങൾക്ക് ഇത്രെയൊക്കെ ചെയ്തിട്ടും ഒരു രീതിയിലും യോജിക്കാൻ കഴിയുന്നില്ലെങ്കിൽ, നിങ്ങളുടെ പ്രശ്നം ഇതിനേക്കാൾ ഒക്കെ വലുത് ആണെങ്കിൽ പിന്നെയും തുടർന്നു പോകേണ്ടത് ഉണ്ടോ എന്ന് ആലോചിച്ച് ഒരു തീരുമാനത്തിൽ എത്തുക. ജെസ്സിന്റെ കാര്യം ഓർത്തിട്ടു ആണെങ്കിൽ, ഇത്പോലെ ഉള്ള ഒരു ജീവിതം അവനെ കൊണ്ടുപോയി എത്തിക്കുന്ന അത്രയും വരില്ല മറ്റൊന്നും. ആദ്യം അവനിൽ അത് അൽപ്പം വിഷമം ഉണ്ടാക്കുമായിരിക്കും പക്ഷെ എനിക്ക് ഉറപ്പുണ്ട്. അവൻ റിക്കവർ ചെയ്യും. ”