മുഹബത്തിൻ ഖിസ്സ

Muhabatthin ghissa

Author : Rivana

 

കാർ ഞാൻ പാർക്ക് ചെയ്ത്‌ വീടിനുള്ളിലേക് കയറി.

ഡൈനിങ് ഹാളിലെ സോഫയിൽ എന്റെ രണ്ട് പെങ്ങന്മാരും ഞാൻ ഇത്തി എന്ന് വിളിക്കുന്ന ഇക്കയുടെ ഭാര്യയും ഉണ്ടായിരുന്നു.

 

ഞാനവരുടെ നേരെ നോക്കുമ്പോൾ പുച്ഛമോ സഹതാപമോ എന്താണന്ന് അറിയാത്ത ചില ഭാവങ്ങൾ അവരിൽ കണ്ടു.

 

ഞാനവരെ നോക്കി ഇരിക്കുമ്പോഴാണ് ഉമ്മ കിച്ചണിൽ നിന്നും ഡൈനിങ് ഹാളിലേക്കു കടന്ന് വരുന്നത്.

 

“ ജാസിയെ ഇവിടെ വാ ഞങ്ങൾക് നിന്നോട് കുറച്ചു കാര്യങ്ങൾ പാറയാനുണ്ട് “

 

എന്റെ തൊട്ട് താഴെ ഉള്ള പെങ്ങൾ ( ജാനിയ ) ആണ് വിളിച്ചത്.

 

അവർ എന്തിനാണ് വിളിച്ചതെന്ന് എനിക് വ്യക്തമായി അറിയുന്ന കാര്യമാണ് എന്നിരുന്നാലും അവർക്ക്‌ പറയാനുള്ളത് പറയട്ടെ. എന്ന് കരുതി ഞാനവരുടെ അടുത്ത് പോയി ഇരുന്നു.

 

“ ഉമ്മി നിങ്ങളും വന്നിവിടെ ഇരി “

 

എന്റെ ഇക്കയുടെ ഭാര്യ ( സഹല ) ഉമ്മാനെ വിളിച്ചു അടുത്തിരുത്തി.

 

“ ഞങ്ങൾ നിന്നോട് എന്താണ് ചോദിക്കാനും പറയാനും പോകുന്നതെന്ന് ഏകദേശ ധാരണ നിനക്കുണ്ടാകും “ രണ്ടാമത്തെ പെങ്ങൾ ( ജസ്‌ന )

 

ഞാൻ ഒന്നും മിണ്ടാതെ നിശബ്ദമായി അവരെ നോക്കി അതേ ഇരിപ്പിരുന്നു.

 

“ നീ എന്ത് കണ്ടിട്ടാണ് ജാസി അവളെ നിക്കാഹ് ചെയ്‌താൽ മതിയെന്ന് പറയുന്നേ “

 

ഒരു മുഖവുര പോലും ഇല്ലാതെ നേരിട്ട് വിഷയത്തിലേക്കു വന്നു ( ജാനിയ )

 

“ നിന്റെയോ ഞങ്ങടെയോ അത്ര വെളുപ്പോ ഭംഗിയോ അവൾക്കില്ല, വെളുപ്പല്ല എന്നത് പോട്ടെ ഇരുനിറം പോലും അല്ല “ ( ജസ്ന )

 

“ നല്ല തറവാട് മഹിമയോ വീടോ സമ്പാദ്യമോ പണമോ ഒന്നും ഇല്ല, ഒരു ലോ ക്ലാസ് ഫാമിലി എന്നൊക്കെ പറയാം. സ്ത്രീധനമായി ഒരു 10 പവൻ സ്വർണം പോലും തരാൻ അവരെ കൊണ്ടാകുമെന്ന് എനിക് തോന്നുന്നില്ല “ ( ജാനിയ )

 

“ അതൊക്കെ ഇല്ലെന്ന് ഇരിക്കട്ടെ. അവൾ ആകെ പ്ലസ് ടു വരെയേ പഠിച്ചിട്ടുള്ളു. നേരായ വിദ്യഭ്യാസം പോലും അവൾക്കില്ല. കൂടാതെ അരക്ക് താഴേക്ക് തളർന്നു കിടക്കാണെന്നും “ ( സഹല )