മുഹബത്തിൻ ഖിസ്സ [ Rivana ] 74

തുടങ്ങിയല്ലേ, നിങ്ങളീ പറഞ്ഞ പണവും പ്രതാപവും സൗന്ദര്യവും ഒക്കെ ചിലപ്പോ ഇന്ന് കണ്ടെന്നിരിക്കും .എന്നാൽ പടച്ചവൻ വിചാരിച്ചാൽ അതാ നിമിഷം തിരിച്ചെടുക്കാനും അങ്ങേർക്ക് കഴിയും, പിന്നേ അവൾ പ്ലസ് 2 വരേ പഠിച്ചിട്ടുള്ളു എന്നുള്ളത് തുടർന്ന് പഠിക്കാൻ അവൾക് കഴിവില്ലാഞ്ഞിട്ടോ ബുദ്ധി ഇല്ലാഞ്ഞിട്ടോ അല്ല സാഹചര്യങ്ങളും വിധിയും അവൾക്ക് എതിരായിരുന്നു, പ്ലസ് 2 മാർക്കും അവൾക്കുള്ള വിവരവും വച്ച് നോക്കുകയാണേൽ നിങ്ങൾ മൂന്ന് പേരും അവളുടെ ഏഴലയത്ത്‌ നിൽക്കാനുള്ള യോഗ്യത ഉണ്ടാവില്ല, ഇനി എന്താ അരക്ക് താഴെ തളർന്ന് കിടക്കുകയാണെന്നോ ഈ പറയുന്ന നിങ്ങളും ഞാനും നാളെ ഉറക്കമെണീക്കുമെന്ന് ഉറപ്പുണ്ടോ ഇല്ലല്ലോ. അതു പോലെ മനുഷ്യനാണ് എപ്പോൾ വേണേലും എന്തും സംഭവിക്കാം അതോർക്കുന്നത് നല്ലതാണ്.

പുറമെ കാണുന്ന സൗന്ദര്യത്തിന്റെയും ഗുണത്തിന്റെയും കണ്ണുകൾ കൊണ്ട് മാത്രമാണ് നിങ്ങൾ ഇത് വരെ അവളെ കണ്ടിരുന്നത് .പക്ഷെ ഞാനവളെ സ്നേഹിച്ചതും ഇഷ്ട്ടപെട്ടതും നിങ്ങളീ പറഞ്ഞ കാര്യങ്ങൾ ഒന്നും നോക്കിയല്ല . അവളുടെ പവിത്രമായ ആ മനസ് കണ്ടിട്ട് മാത്രമാണ്. അവളുടെ മനസിന്റെ പ്രകശവും തിളക്കവും എത്രത്തോളമാണെന്നറിയോ. ഈ ഭൂമിയെക്കാൾ വലുതാണ്

ഞാനത് കാണുകയും അനുഭവിക്കുകയും ചെയ്തവനാണ്. ആ മനസിനോളം പകരം വക്കാനായി നിങ്ങൾ എന്ത് തന്നേ കൊണ്ടു വന്നാലും അതിനാവില്ല. ഇത്തരം തരം താഴ്ന്ന ചിന്തയുമായി അവളുടെ മുന്നിൽ നിൽക്കാൻ പോലും നിങ്ങൾക് യോഗ്യത ഇല്ല “

ഞാൻ എന്റെ ഉള്ളിൽ ഉള്ളതെല്ലാം അവരെ നോക്കി കൊണ്ടെന്നെ പറഞ്ഞു തീർത്തു. ഞാനിത്രയും പറഞ്ഞു കഴിഞ്ഞപ്പോഴെക്കും അപമാനം കൊണ്ടാണോ എന്നറിയില്ല അവരുടെ തല താന്നിരുന്നു.

“ വേറെ ഒരു കാര്യം എന്തെന്നാൽ ഈ വീട്ടിൽ അവളെ എന്നെ പോലെ അല്ലേൽ എന്നെക്കാൾ കൂടുതൽ മനസിലാക്കിയ ഒരാളുണ്ട് “

ഞാൻ പറഞ്ഞതും ആരാണ് എന്നറിയാനുള്ള ആകാംക്ഷയിൽ അവർ എന്നെ നോക്കി.

ഞാൻ ഉമ്മയുടെ അടുത്ത് ചെന്നിരുന്ന് ഉമ്മയുടെ തോളിലൂടെ കയ്യിട്ട് എന്നോട് അടുപ്പിച്ചു.

“ എന്റെ ഉമ്മി, അവളെ എന്റെ മണവാട്ടിയായി കൊണ്ട് വരുന്നതിൽ ഏറ്റവും കൂടുതൽ സന്തോഷിക്കുന്നതും എന്റെ ഉമ്മിയായിരിക്കും. ഞാനീ ലോകത്ത് ഏറ്റവും