മായാമിഴി 💖 2

Author : മനോരോഗി ഫ്രം മാടമ്പള്ളി

 

[ Previous Part ]

&nbsp

” ഡാ  പൊട്ടാ നീയിതെന്തോന്ന് ആലോചിക്കുവാ ഞാൻ പറഞ്ഞ വല്ലോം നീ കേട്ടാ ” 😡

 

 

നിരഞ്ജൻ അത് പറഞ്ഞപ്പോഴാണ് ആദി സ്വബോധത്തിലേക്ക് വന്നത്…

 

 

” എന്താ ഒന്നുടെ പറ ഞാൻ വേറൊരു ആലോചനയിലായിപ്പോയി ” 😁

 

 

അവൻ അവന്റെ ചിന്ത മറച്ചുവെച്ചുകൊണ്ട് പറഞ്ഞു…

 

 

” അതല്ലടാ  അവനില്ലേ വൈഗയെ ശല്യപ്പെടുത്തിയവൻ അവനാ വിശ്വനാഥ!!!!!

 

 

” മതി നിർത്തിക്കോ നമ്മുക്കത് വിടാം ”

 

നിരഞ്ജൻ പറഞ്ഞുതീർക്കുന്നതിനു മുന്നേ ആദി ഇടക്ക് കയറി പറഞ്ഞു…

 

ആ പേര് അവനിൽ എത്രത്തോളം ആഘാതമുണ്ടാക്കുമെന്നും എത്രത്തോളം ഉണ്ടാക്കിയിട്ടുണ്ടെന്നും മറ്റാരേക്കാളും അറിയുന്നതുകൊണ്ടാവാം പിന്നീട് വീടെത്തുന്നവരെ നിരഞ്ജൻ ആദിയോട് ഒന്നും ചോദിക്കുകയോ പറയുകയോ ചെയ്തില്ല…..

 

 

ബൈക്ക്  വീടിന്റെ ഗേറ്റ് കയറിയതും അകത്തൂന്ന്  ദേഷ്യത്തോടെ വരുന്ന അമ്മയെ കണ്ടതും രണ്ടുപേരും ഒന്ന് ഞെട്ടി…

 

” ഡാ പെട്ടൂന്നാ തോന്നണേ ”

 

നിരഞ്ജൻ ആദിയോട് പതുക്കെ പറഞ്ഞു…

 

” നീയല്ലേ എന്നെ വിളിച്ചുകൊണ്ടുപോയത് “😌

 

ആദി നിഷ്കളങ്കത്വം വാരിവിതറി…