പ്രണയമഴ 💛5 343

പ്രണയമഴ 💛5

 

 

✍️മഞ്ഞ് പെണ്ണ്…

 

 

ഹോസ്പിറ്റലിലേക്കുള്ള വഴിയിൽ ഉടനീളം മാനസിയുടെ കണ്ണുകൾ അശ്വിനിൽ തന്നെ ആയിരുന്നു… ഒളിഞ്ഞും പാത്തും തന്നെ നോക്കുന്ന മാനസിയെ അവൻ കണ്ടില്ലെന്ന് നടിച്ച് മുന്നോട്ട് നോക്കി വണ്ടി ഓടിച്ചു…

 

 

ട്രാഫിക്കിൽ റെഡ് സിഗ്നൽ തെളിഞ്ഞതും വണ്ടി നിന്നു…

 

 

“Wowww…!!!” മാനസി എന്തോ പറയാൻ ഒരുങ്ങിയതും ചെറുശബ്ദത്തിൽ അത്ഭുതത്തോടെ അവൻ പുറത്തേക്ക് നോക്കി പറഞ്ഞു…അവിടെ എന്താണെന്ന് അവൾ എത്തി നോക്കിയതും ദേഷ്യം കൊണ്ട് അവളുടെ വെളുത്ത മൂക്ക് ചുവന്ന് തുടുത്തു…

 

 

മുട്ടോളം ഡ്രസ്സ്‌ ഇട്ട് വയറ് കാണുന്ന ഒരു ഡ്രെസ്സും ഇട്ട നാലഞ്ച് പെൺകുട്ടികൾ… അവരെ അവൻ വിടാതെ നോക്കുന്നത് കണ്ടതും അവളിലെ ദേഷ്യം കൂടിയതെ ഒള്ളു…

 

 

“എടോ…!!” അവന്റെ തോളിൽ ശക്തിൽ പിടിച്ച് തിരിച്ച് കൊണ്ട് അവൾ വിളിച്ചു… വേദന കൊണ്ട് അവന്റെ മുഖം ഒന്ന് ചുളിഞ്ഞ് പോയി… എന്നാൽ അവസ്ഥ ഓർത്ത് മുഖത്ത് ഗൗരവം വാരി വിതറി അവൻ അവൾക്ക് നേരെ തിരിഞ്ഞ് എന്തെന്ന രീതിയിൽ പുരികം ഉയർത്തി…

 

 

“മുന്നോട്ട് നോക്ക്… ഇപ്പോൾ ഗ്രീൻ സിഗ്നൽ വരും…” മുരണ്ട് കൊണ്ട് അവൾ പറഞ്ഞതും അശ്വിന് ചിരിക്കാതെ ഇരിക്കാൻ ആയില്ല… അറിയാതെ ഒരു ശബ്ദം പുറത്തേക്ക് വന്ന് പോയി… അത് കേൾക്കേണ്ട താമസം മൂക്കും വീർപ്പിച്ച് അവൾ പുറത്തേക്ക് നോക്കി ഇരുന്നു…

 

 

ചിരിയോടെ അവൻ വണ്ടി മുന്നോട്ട് എടുത്തു…

 

 

______________________💛

 

 

“വരാൻ വൈകും നീ വേണമെങ്കിൽ കാർ എടുത്തോ ഇല്ലെങ്കിൽ ബസിൽ പൊക്കോ…” സമയം ഒരുപാട് ആയിരുന്നു… ഒഴിക്കാൻ പറ്റാത്ത തിരക്കിൽ ആയത് കൊണ്ട് തന്നെ മാനസി തന്നെ വെയിറ്റ് ചെയ്ത് നിൽക്കുന്നുണ്ടെന്ന് അശ്വിൻ പാടെ മറന്നിരുന്നു… പിന്നീട് ഓർമ വന്നപ്പോൾ അവൻ വേഗത്തിൽ അവളുടെ അടുത്തേക്ക് ചെന്ന് കൊണ്ട് പറഞ്ഞു