മാന്ത്രികലോകം 14 [Cyril] 2103

സൃഷ്ടിക്കുക എന്നതിനേക്കാള്‍ എന്നില്‍ അടിച്ചേല്പിക്കപ്പെട്ടു എന്നതാണ് സത്യം. പക്ഷെ എന്റെയും ആവശ്യം അതുതന്നെ ആയിരുന്നു. അതുകൊണ്ട് വിധി എന്നില്‍ നെയ്തു കൊണ്ടിരുന്ന നിയോഗം എന്ന ബന്ധനത്തില്‍ ഞാൻ എന്നെ തന്നെ അര്‍പ്പിച്ചു.

അവ്യവസ്ഥ-ശക്തി പണ്ടു എന്നെ സൃഷ്ടിക്കാന്‍ ഉണ്ടായ കാരണത്തെ ഞാൻ ആലോചിച്ചു നോക്കി.

അവ്യവസ്ഥ-ശക്തിയിൽ നിന്നും സൃഷ്ടിക്കപ്പെട്ട എനിക്ക് ആത്മാവ് ലഭിച്ചാല്‍….. നിഗൂഢതകളെ ഗ്രഹിച്ച് ഉന്നത തിരിച്ചറിവും അതിനൊത്ത ശക്തിയും നേടാൻ കഴിഞ്ഞാൽ….. എനിക്ക് ലഭിച്ച ആ ശക്തികളെ എല്ലാം എന്നിലുള്ള അവ്യവസ്ഥ-ശക്തിയുമായി ലയിപ്പിച്ച് പരിണാമം പ്രാപിച്ചാൽ…. എനിക്ക് നിഗൂഢ ശക്തിയേക്കാൾ ഉയരാനും, നിഗൂഢ ശക്തികളെയും പ്രപഞ്ച ശക്തികളെയും പൂര്‍ണമായി നിയന്ത്രിച്ച് അവ്യവസ്ഥ-ശക്തിയിൽ ബന്ധിപ്പിക്കാനും എനിക്ക് കഴിഞ്ഞേക്കും എന്ന കാരണം കൊണ്ടാണ് അവ്യവസ്ഥ-ശക്തി എന്നെ അതിന്റെ മാന്ത്രിക യോദ്ധാവായി – അതിന്റെ പുത്രനായി സൃഷ്ടിച്ചത് തന്നെ.

അങ്ങനെ എന്നെ സൃഷ്ടിച്ച് എന്റെ മനസ്സിനെ സ്വാധീനവും ബന്ധനവും പ്രയോഗിച്ച് എന്നില്‍ കര്‍മ്മങ്ങളേയും അവ്യവസ്ഥ-ശക്തി നിയോഗിച്ചിരുന്നു.

പക്ഷേ ആ സ്വാധീനവും ബന്ധനത്തേയും ആണ് നിഗൂഢ ശക്തികളും പ്രകൃതി ശക്തികളും കൂട്ടു ചേര്‍ന്നു പതിയെ തളർത്തി.. കുറേശ്ശെയായി നശിപ്പിച്ച്… എന്നെ അവ്യവസ്ഥ-ശക്തിയുടെ പിടിയില്‍ നിന്നും അകറ്റിയ ശേഷം എന്നെ പുതിയ വ്യക്തിയായി.. നന്മയുടെ യോദ്ധാവായി മാറ്റിയിരുന്നത്.

എന്നാൽ കുറച്ച് ദിവസങ്ങള്‍ക്ക് മുന്‍പ് അവ്യവസ്ഥ-ശക്തിയിൽ എന്റെ ആത്മാവിനെ ബന്ധിപ്പിച്ചതിന്‍റെ ഫലമായി അവ്യവസ്ഥ-ശക്തിയുടെ പിടിയില്‍ തന്നെ ഞാൻ പിന്നെയും അകപ്പെട്ടിരിക്കുന്നു.

പെട്ടന്ന് അവ്യവസ്ഥ ശക്തിയുടെ സാന്നിധ്യം എന്റെ മനസിനെ സ്പര്‍ശിച്ചത് ഞാൻ അറിഞ്ഞു.

ഉടനെ എന്റെ ഉപബോധ മനസില്‍ നിന്നും എന്റെ ശക്തി അവ്യവസ്ഥ-ശക്തിയുടെ മനസ്സിനെ മാന്ത്രിക സ്പര്‍ശനം ഏല്‍പ്പിക്കാതെ തന്നെ മെല്ലെ പൊതിഞ്ഞു. എന്നിട്ട് എന്റെ ഉപബോധ മനസില്‍ നിന്നും തന്നെ വളരെ കുറഞ്ഞ തോതില്‍ പരിണാമം പ്രാപിച്ച എന്റെ അവ്യവസ്ഥ-ശക്തിയിൽ നിന്നും അതിന്റെ മനസില്‍ ഞാൻ പ്രയോഗിക്കാനും തുടങ്ങി.

അവ്യവസ്ഥ-ശക്തിയുടെ സൃഷ്ടിയായ ഞാൻ മൂലം അതിനു ലഭിക്കാൻ പോകുന്ന ഉന്നതാധികാരങ്ങളെ ഓര്‍ത്തു സന്തോഷിക്കുന്നു ആത്മാവില്ലാത്ത ആ ശക്തിയുടെ മനോവിചാരം എനിക്ക് വായിക്കാൻ കഴിഞ്ഞു.

എന്റെ ബോധ മനസ്സിനെ അവ്യവസ്ഥ-ശക്തിക്ക് ഒരു പ്രയാസവും കൂടാതെ വായിക്കാന്‍ കഴിഞ്ഞെങ്കിലും എന്റെ ഉപബോധ മനസില്‍ നിന്നും അതിന്റെ മനസിലേക്ക് ഞാൻ പ്രയോഗിച്ചു കൊണ്ടിരുന്ന ശക്തിയെ അത് തിരിച്ചറിഞ്ഞില്ല എന്നത് എനിക്ക് ആശ്വാസമേകി. പക്ഷേ താമസിയാതെ അവ്യവസ്ഥ-ശക്തി എന്റെ ഈ സാഹസം അറിയുക തന്നെ ചെയ്യും. അതിൽ സംശയമില്ല.

എന്റെ ബോധ മനസ്സിനെ മാത്രം വായിക്കാൻ കഴിഞ്ഞ അവ്യവസ്ഥ-ശക്തി എന്റെ മനസ്സിൽ നിറഞ്ഞു നില്‍ക്കുന്ന ചോദ്യങ്ങളേയും വായിച്ചു. അതുപോലെ എനിക്ക് അതിനോടുള്ള പുച്ഛവും അത് മനസ്സിലാക്കി.

ഉടനെ അവ്യവസ്ഥ-ശക്തി മനുഷ്യ രൂപം പൂണ്ടു. അത് താല്‍ക്കാലികമായി സ്വീകരിച്ച ആ ശരീരത്തെ അറപ്പും വെറുപ്പോടും വീക്ഷിച്ചു.

“ബ്ഹാ… യോഗ്യതയറ്റ മനുഷ്യ മാംസം…” സ്വന്തം ശരീരം നോക്കി അത് വെറുപ്പോടെ പറഞ്ഞു.

അതേസമയം എന്റെ മനഃശക്തി ഉപയോഗിച്ച് ഞാൻ എന്റെ ഒരു അവതാറിനെ സൃഷ്ടിച്ചു.

ഉടനെ അവ്യവസ്ഥ-ശക്തിയുടെ മുഖത്ത് ചുളിവുകൾ പ്രത്യക്ഷപ്പെട്ടു. ചെറിയൊരു ആശ്ചര്യവും മിന്നിമറഞ്ഞു. നേരിയ ഭയവും അടങ്ങാത്ത കോപവും ആ മുഖത്ത്