മാന്ത്രികലോകം 14 [Cyril] 2103

അവ്യവസ്ഥ-ശക്തിയിൽ എന്റെ ആത്മാവിനെ ബന്ധിച്ചതിന് ശേഷം, ഈ ശക്തിയെക്കാൾ ഒരു ഉയർന്ന ശക്തി നിലനില്‍ക്കുന്നു എന്ന സംശയം എന്റെ ബോധ മനസില്‍ ജനിച്ചിരുന്നു. അതിനുശേഷം ചില സൂചനകളും നേരിയ തിരിച്ചറിവും എനിക്ക് ലഭിക്കുകയുണ്ടായി.

ഇപ്പോൾ എന്റെ സംശയം ദുരീകരിക്കപ്പെട്ടു. ആ ഉയർന്ന ശക്തിയില്‍ നിന്നും പണ്ട് ഞാൻ സ്വീകരിച്ച ശക്തിയുടെ അംശം എന്നില്‍ ഇപ്പോഴും ഒറ്റപ്പെട്ടു നില്‍ക്കുന്നു. ആ ശക്തി ശരിക്കും എന്തായിരുന്നു എന്നതിനെ മുമ്പ്‌ ഞാൻ ശെരിക്കും മനസ്സിലാക്കാൻ ശ്രമിച്ചിട്ടില്ല എന്നതാണ് സത്യം. പക്ഷെ ഇപ്പോൾ ഞാൻ അറിയുന്നു.

പണ്ട് എന്റെ വേദനകളിൽ നിന്നെല്ലാം രക്ഷപ്പെടാന്‍ വേണ്ടി എന്റെ മനസ്സിനെ ഞാൻ എപ്പോഴും ഒളിപ്പിച്ചിരുന്ന “സംഹാരി” എന്ന് ഞാൻ നാമം നല്‍കിയിരുന്ന ശക്തിയെ ഞാൻ എന്നില്‍ തിരഞ്ഞു. ഞാൻ സംഹാരി എന്നു വിളിച്ചിരുന്ന ആ ശക്തി തന്നെയാണ് ഏറ്റവും ഉന്നതങ്ങളില്‍ നിലകൊള്ളുന്ന ശക്തി…

പണ്ട്‌ ആ ഉയർന്ന ശക്തിയെ സ്വീകരിച്ച് ഞാൻ പരിണമിച്ചു എങ്കിലും… ആ ഉയർന്ന ശക്തിയുടെ ചെറിയ അംശത്തെ മാത്രം എന്തുകൊണ്ടോ ഞാൻ ഒറ്റപ്പെടുത്തി എന്നില്‍ നിലനിര്‍ത്തി യിരുന്നു.

ഇപ്പോൾ ആ ശക്തിയെ എന്റെ ആത്മാവ് ഒഴികെ… എന്റെ ഹൃദയം, ശരീരം മനസുകളിലും ഞാൻ ലയിപ്പിച്ചു.

അവ്യവസ്ഥ ശക്തിയില്‍ എന്റെ ആത്മാവിനെ ബന്ധിച്ചിരുന്നത് കൊണ്ട് എന്റെ ആത്മാവ് എങ്ങനെ തന്നെ പരിണാമം പ്രാപിച്ചാലും അതിനനുസരിച്ച് അവ്യവസ്ഥ ശക്തിയും എന്റെ ആത്മാവിന്റെ മാറ്റത്തിന്‌ അനുസരിച്ച് മാറുകയും… എന്റെ ആത്മാവിന്റെ നിയന്ത്രണം നിലനിര്‍ത്തുകയും ചെയ്യും. എന്റെ ആത്മാവിന് ഒരിക്കലും രക്ഷയില്ല.

അതുകൊണ്ടാണ് എന്റെ ആത്മാവില്‍ മാത്രം ആ ശക്തിയെ ലയിപ്പിക്കാതെ ഇപ്പോൾ ഒഴിവാക്കിയത്…

ഇപ്പോൾ പോലും അവ്യവസ്ഥ ശക്തിക്കും ഒഷേദ്രസിനും എന്നെ നശിപ്പിക്കാന്‍ കഴിയുമായിരിക്കും… പക്ഷേ എന്നെ അവര്‍ക്ക് അടിമ പെടുത്താൻ ഒരിക്കലും കഴിയില്ല.

‘നീയൊരു അല്‍ഭുത സൃഷ്ടി ആണ്‌ ഫ്രെൻഷർ….. ഒരുപക്ഷേ അവ്യവസ്ഥ-ശക്തി നിന്നെ സൃഷ്ടിച്ചത് കൊണ്ടായിരിക്കും. അവ്യവസ്ഥ-ശക്തിയിൽ നിന്നുപോലും നിന്റെ ഒരുപാട്‌ രഹസ്യങ്ങള്‍ നിറഞ്ഞ നിന്റെ മനസ്സിന്റെ ഒരു അംശത്തെ നീ എന്നില്‍ ഒളിപ്പിച്ച് വച്ചു. നിഗൂഢ ശക്തികള്‍ക്ക് പോലും ആ ഭാഗത്തെ ദര്‍ശിക്കാൻ കഴിയാത്തവിധം നി നിഗൂഢമായ നിലയില്‍ അതിനെ നി സൂക്ഷിക്കുന്നു… പോരാത്തതിന് എനിക്ക് പോലും ആ ഭാഗത്ത് പ്രവേശിക്കാന്‍ കഴിയാത്ത തരത്തിൽ നി തടസ്സങ്ങള്‍ സൃഷ്ടിച്ചിരിക്കുന്നു, ഫ്രൻഷെർ….’

എന്റെ ഉപബോധ മനസ്സ് കൗതുകത്തോടെ എന്റെ മനസില്‍ പറഞ്ഞു. അതിന് മറുപടിയായി ഞാൻ ഒന്നും പറഞ്ഞില്ല.

‘നിന്റെ ഉപബോധ മനസ്സ് എന്ന എന്റെ ഉള്ളില്‍, അവ്യവസ്ഥ-ശക്തി ഉള്‍പ്പടെ ഒരു ശക്തിയും പ്രവേശിക്കാതിരിക്കാൻ ആ തടസ്സങ്ങളെ സൃഷ്ടിച്ചത് നീ തന്നെയല്ലേ, ഫ്രൻഷെർ…?’ എന്റെ ഉപബോധ മനസ് ചോദിച്ചു.

ചിരിക്കുകയല്ലാതെ ഞാൻ മറുപടിയൊന്നും പറഞ്ഞില്ല.

‘പക്ഷേ നിഗൂഢ ശക്തികളും പ്രപഞ്ച ശക്തികളും ആണ് ആ തടസ്സങ്ങളെ അവിടെ സ്ഥാപിച്ചതെന്ന് അവ്യവസ്ഥ-ശക്തി പോലും തെറ്റിദ്ധരിച്ചിരിക്കുന്നു. എന്തു രഹസ്യങ്ങളെയാണ് അവിടെ നീ സൂക്ഷിച്ചിരിക്കുന്നത്, ഫ്രൻഷെർ…?’