പ്രണയമഴ 💛5 343

 

ശരീരം ആകെ അശ്വിന്റെ ഉമിനീരിന്റെ ഗന്ധം… കണ്ണുകൾ അടച്ചവൾ ഒന്ന് കുണുങ്ങി ചിരിച്ചു… കുളിച്ചിറങ്ങി ഒരു സെറ്റ് സാരി ഉടുത്തു… നെറ്റിയിലും കഴുത്തിലും ചന്ദനം തൊട്ടു… ഒഴിഞ്ഞ് കിടക്കുന്ന നെറ്റിയിൽ അന്നാദ്യമായി ആ പെണ്ണ് കല്യാണത്തിന് ശേഷം കുങ്കുമം ചാർത്തി…

 

 

അടുക്കളയിലേക്ക് ചെന്ന് ഫ്രിഡ്ജിൽ നിന്നും പാൽ എടുത്ത് ചായ കാച്ചി ഒരു കപ്പിലേക്ക് ഒഴിച്ച് വെച്ചു… പൊടിയരി എടുത്ത് കഴുകി കുക്കറിൽ കഞ്ഞിക്ക് വെച്ചു… ചായ എടുത്ത് അശ്വിന്റെ മുറിയിലേക്ക് ചെന്നു…

 

 

ആളിപ്പോഴും നല്ല ഉറക്കത്തിൽ ആണ്… പനി ആയത് കൊണ്ട് തന്നെ നല്ല ക്ഷീണം കാണും… ബെഡിൽ ഇരുന്ന് മാനസി അവനെ തട്ടി വിളിച്ചു…

 

 

“അച്ചേട്ടാ എണീക്ക്… ഈ ചായ കുടിച്ചിട്ട് കിടന്നോ… എന്നിട്ട് ഫ്രഷ് ആയി കഞ്ഞി കുടിക്കാം… ഞാൻ ഹോസ്പിറ്റലിൽ വിളിച്ച് ലീവ് പറഞ്ഞോളാം…” ഒന്ന് ചിണുങ്ങി കൊണ്ടവൻ അവളുടെ മടിയിലേക്ക് തല വെച്ച് വയറിൽ മുഖം അമർത്തി കിടന്നു… പൊള്ളിപിടഞ്ഞു പോയവൾ…!!

 

 

“എണീക്ക്… ഇങ്ങനെ കിടന്നാ പനി കൂടത്തെ ഒള്ളു…” അവനെ പിടിച്ചെഴുന്നേൽപ്പിച്ച് കൊണ്ട് അവൾ പറഞ്ഞു… കണ്ണുകൾ മടിയോടെ തുറന്ന് കൊണ്ടവൻ ചുണ്ട് പിളർത്തി…

 

 

“നല്ല ക്ഷീണം ഉണ്ടെന്നേ…” കണ്ണിറുക്കി അർത്ഥം വെച്ച് അവൻ പറഞ്ഞതും അവളിലേക്കും ആ ചിരി പടർന്നു…

 

 

“ചേ വേണ്ടാത്തരം പറയാതെ… ഈ ചായ കുടിച്ചേ…” അവന്റെ കയ്യിൽ മെല്ലെ അടിച്ച് കൊണ്ട് അവൾ ചായ അവന് നേരെ നീട്ടി.. ചായ വാങ്ങി അവളെ തന്നെ നോക്കി കൊണ്ട് അവൻ മുത്തി കുടിച്ചു… അവന്റെ പ്രണയാർദ്ധമായ നോട്ടം താങ്ങാൻ കഴിയാതെ അവൾ മിഴികൾ താഴ്ത്തി…

 

 

“Uh look gorgeous…!!” കഴുത്തിൽ അവന്റെ ശ്വാസം പതിഞ്ഞതും ഞെട്ടലോടെ അവൾ പിറകിലേക്ക് ഒന്ന് വേച്ച് പോവാൻ ഒരുങ്ങിയതും ഇടുപ്പിൽ പിടിച്ച് തന്റെ മടിയിലേക്ക് അവൻ അവളെ കയറ്റി ഇരുത്തി…

 

 

“I lav uh beauty soul…!!” വീണ്ടും വീണ്ടും അവന്റെ വായിൽ നിന്നും കേൾക്കുന്ന ആ വാക്കുകൾക്ക് എന്തോ മായാജാലം ഉള്ളത് പോലെ അവൾക്ക് തോന്നി… കണ്ണുകൾ വിടർത്തി അവനെ നോക്കി ഇരുന്നു…