പിരിയില്ലൊരിക്കലും 1 [പ്രൊഫസർ ബ്രോ] 97

ഫോൺ എടുത്ത് ഉണ്ണിയുടെ നമ്പർ ഡയൽ ചെയ്തു . ഞാനും അവനും ചേർന്ന് നിന്ന് എടുത്ത സെല്ഫി ആണ് കോൺടാക്ട് ഇമേജ് ആയി സേവ് ചെയ്തിരിക്കുന്നത് . ഓരോ വട്ടം ആ ഫോട്ടോ കാണുമ്പോളും അറിയാതെ ചുണ്ടിൽ ഒരു ചിരി വിരിയും . ഇത് മാത്രമല്ല അവനോടൊപ്പം ഉള്ള ഓരോ നിമിഷങ്ങളും എനിക്ക് സന്തോഷം തന്നവ ആയിരുന്നു . പിന്നെ ചട്ടീം കലോം ആകുമ്പോൾ തട്ടീം മുട്ടീം ഇരിക്കുമല്ലോ …, അതുകൊണ്ട് ഇഷ്ടം പോലെ വഴക്കുകളും ഉണ്ടായിട്ടുണ്ട്

അയ്യോ , ഇപ്പഴാ ഓർത്തത് രണ്ട് ദിവസമായി ഞാൻ അവനോട് വഴക്കായിരുന്നു , അത് മറന്നത് കൊണ്ടാണ് ഇപ്പൊ കാൾ ചെയ്തത് ., എന്തായാലും അവൻ ഫോൺ എടുത്തില്ല അതിന് മുൻപ് തന്നെ കാൾ കട്ട്‌ ചെയ്തു

“വേണേ ഇങ്ങോട്ട് വിളിക്കെടാ തെണ്ടീ…”

ചിരിയോടെ തന്നെ അത് പറഞ്ഞിട്ട് ഞാൻ അവന്റെ പേരിൽ സേവ് ചെയ്തിരിക്കുന്ന ഫോൾഡർ ഓപ്പൺ ചെയ്തു , ഞങ്ങൾ പ്രണയിക്കാൻ തുടങ്ങിയത് മുതൽ ഉള്ള ഫോട്ടോകൾ എല്ലാം എന്റെ കയ്യിൽ ഭദ്രമാണ്

ഓരോ ഫോട്ടോകൾ തട്ടിമാറ്റി പിന്നിലേക്ക് പോകുമ്പോഴും അതെല്ലാം ഓരോരോ ഓർമ്മകൾ ആയി ആണ് മനസ്സിലേക്ക് പതിയുന്നത് .

അവസാനത്തെ ഫോട്ടോ എത്തിയപ്പോൾ ഞാൻ അതിലേക്ക് ഒന്ന് നോക്കി ഇരുന്ന് പോയി , തലയിലും കയ്യിലും കെട്ടുമായി ആശുപത്രി കട്ടിലിൽ കിടക്കുന്ന ഉണ്ണിയുടെ ചിത്രം .ഞാൻ അവനോട് ഇഷ്ടമാണ് എന്ന് പറഞ്ഞ ദിവസം … എല്ലാം മറക്കാൻ സാധിക്കാത്ത ഓർമ്മകൾ

അന്ന് ആ കോളേജിൽ കാല് കുത്തുമ്പോൾ ഉള്ളിൽ ഭയം ആയിരുന്നു , റാഗിംങിനെ കുറിച്ച് കേട്ടിട്ടുള്ള കഥകൾ , പരിചയമില്ലാത്ത മുഖങ്ങൾ പകരുന്ന പകപ്പ് , കോളേജ് മുറ്റം മുഴുവൻ നിറഞ്ഞ രാഷ്ട്രീയ പ്രസ്ഥാനങ്ങളുടെ ഫ്ലെക്സ് . എല്ലാം എൻറെ ഉള്ളിലെ ഭയത്തിനെ ഇരട്ടിയാക്കി

“ഏയ്യ്… എന്താടോ പേടിച്ചു നടക്കുന്നത് , പേടിക്കണ്ട ഇവിടെ റാഗിംഗ് ഒന്നും ഇല്ലാട്ടോ”

തൊട്ടടുത്തു നിന്നും പെട്ടന്നൊരു സംസാരം ഉയർന്നപ്പോൾ ഞാൻ അറിയാതെ ഒന്ന് ഞെട്ടി . ശ്വാസഗതി സാധാരണയിലേക്ക് എത്താൻ കുറച്ചു സമയം എടുത്തു

ആ ശബ്ദത്തിന്റെ ഉറവിടം തേടി അലഞ്ഞ എന്റെ കണ്ണുകൾ വിശ്രമിച്ചത് ആ മുഖത്തായിരുന്നു ,…