പിരിയില്ലൊരിക്കലും 1 [പ്രൊഫസർ ബ്രോ] 100

“ഞാൻ എപ്പോഴും പറയുന്നതാ ഇവള് കേക്കണ്ടേ ”

“ചിലപ്പോ മനസ്സിൽ ആരെങ്കിലും കാണും ആന്റി, അതാവും”

ഇവൻ എന്നെ കൊലക്ക് കൊടുത്തേ അടങ്ങൂ എന്ന് തോന്നുന്നു

“ആരായാലും എനിക്ക് കുഴപ്പം ഇല്ല, ഇവളുടെ സന്തോഷം അല്ലെ എനിക്ക് വലുത് ”

അത് കേട്ടപ്പോൾ അവൻ എങ്ങാനും എന്റെ കാര്യം പറയുമോ എന്നുള്ള സംശയം എനിക്കുണ്ടായിരുന്നു, എന്റെ മുഖത്തെ ദയനീയാവസ്ഥ കണ്ടിട്ടാവും പിന്നെ അവൻ ഒന്നും പറഞ്ഞില്ല

” ആ നിങ്ങൾ സംസാരിക്കു ഞാൻ ആ പിള്ളേരുടെ അടുത്തേക്ക് ചെല്ലട്ടെ ”

അതും പറഞ്ഞു അമ്മ തിരിച്ചു നടന്നു,

“എടാ തെണ്ടീ നീ എന്ത് പണിയാ കാണിച്ചത് ”

എനിക്ക് അവനെ കൊല്ലാനുള്ള ദേഷ്യം ഉണ്ടായിരുന്നു

“ഇതിനു നീ ദേഷ്യപ്പെടുന്നത് എന്തിനാ, സന്തോഷിക്കുകയല്ലേ വേണ്ടത്.  ആന്റിക്ക് ഇഷ്ട്ടക്കേടൊന്നും ഇല്ലല്ലോ പിന്നെന്താ ”

” എടാ അമ്മക്ക് ഇഷ്ടക്കേടൊന്നും ഉണ്ടാവില്ല എന്നെനിക്കറിയാമായിരുന്നു”

“പിന്നെന്താ പ്രശ്നം ”

” എടാ അവനു ജോലി ഒന്നും ആയിട്ടില്ല സിനിമ സംവിധായകൻ ആകണം എന്നും പറഞ്ഞു പ്രാന്ത് പിടിച്ചു അതിനു പുറകെ നടക്കുവാ, ആദ്യ പടം സംവിധാനം ചെയ്തിട്ടേ കല്യാണം കഴിക്കൂ എന്ന് ”

“വളരെ നന്നായി ”

” ഈ കാര്യം ഒക്കെ ഞാൻ ഇപ്പൊ എങ്ങനെ അമ്മയോട് പറയും, സിനിമ ഒന്നും വേണ്ട വല്ല ജോലിക്കും പോടാ എന്ന് പറഞ്ഞാൽ ചിലപ്പോ അവൻ പോയേക്കും പക്ഷെ എനിക്കുവേണ്ടി അവന്റെ സ്വപ്‌നങ്ങൾ ഒക്കെ ഉപേക്ഷിക്കേണ്ടി വരില്ലേ.അതെനിക്ക് സഹിക്കില്ല ”

” നിർത്തി നിർത്തി പറയൂ കുട്ടീ എന്നാലല്ലേ ശ്വാസം വിടാൻ പറ്റൂ ”

” പോടാ മനുഷ്യന് ഇവിടെ പ്രാന്തെടുത്തു നിക്കുവാ അപ്പോഴാ അവന്റെ ഒരു തമാശ ”