പിരിയില്ലൊരിക്കലും 1 [പ്രൊഫസർ ബ്രോ] 100

” പിന്നെ നീ പറയില്ല എന്നെനിക്കറിയില്ലേ, നീ എന്റെ മുത്തല്ലേ ”

ഒന്ന് സോപ്പിടാൻ നോക്കിയതാ . പക്ഷെ ഏറ്റില്ല

“ആഹാ ഞാൻ ഇപ്പൊ കാണിച്ചു തരാം, ആന്റീ …. ”

അവൻ അവിടെ നിന്ന് അമ്മയെ ഉറക്കെ വിളിച്ചു

” എന്താടാ ”

അമ്മ ഹാളിൽ ഇരുന്നു തന്നെ വിളികേട്ടു . മുത്തിന്റെ കൂടെ അവന്റെ കൂട്ടുകാരും കൂടി വന്നിട്ടുണ്ടായിരുന്നു . എന്നെ അടുക്കളയിൽ കയറ്റിയിട്ട് അവരുമായി കത്തി വയ്ക്കുകയായിരുന്നു അമ്മ

” ഈ ചേച്ചിക്ക്.. ഹ്മ്മ് ഹ്മ്മ് ”

അവനെ മുഴുവൻ പറയാൻ സമ്മതിക്കാതെ ഞാൻ അവന്റെ വായ പൊത്തി

” എടാ കളിക്കല്ലേ പ്ലീസ്, ഞാൻ പറയാം ”

അവസാനം എനിക്ക് കീഴടങ്ങേണ്ടി വന്നു

” ആ അങ്ങനെ വഴിക്കു വാ ”

അപ്പോഴേക്കും അവൻ വിളിച്ചതിന്റെ കാര്യം അറിയാൻ അമ്മ ഹാളിൽ നിന്നും അടുക്കളയിലേക്കു എത്തിയിരുന്നു

“എന്താടാ നീ വിളിച്ചത് ”

“ഒന്നൂല്ലമ്മേ ഇവന് പ്രാന്താ ”

അവൻ എന്തെങ്കിലും പറയുന്നതിന് മുൻപ് ഞാൻ തന്നെയാണ് മറുപടി കൊടുത്തത് . എന്റെ പരുങ്ങലും അവന്റെ ചുണ്ടിലെ ചിരിയും അമ്മ ശ്രദ്ധിച്ചു എന്ന് ഉറപ്പാണ് . പക്ഷെ ഒന്നും പറഞ്ഞില്ല

“പ്രാന്ത് നിന്റെ കെട്യോന്, ആ അത് പറഞ്ഞപ്പോഴാ ആന്റി നമുക്ക് ഇവളെ കെട്ടിച്ചു വിടണ്ടേ ”

അവൻ  അവിടെ നിന്ന് എനിക്കിട്ട് നൈസ് ആയിട്ടൊന്നു താങ്ങി , എന്റെ കല്യാണകാര്യം അമ്മ പറയുമ്പോൾ ഒക്കെ ഞാൻ ഒഴിഞ്ഞു മാറൽ ആണ് പതിവ് , ഇനി ഇതുംകൂടി ആകുമ്പോൾ പൂർത്തിയാകും