പതിനാലാം 👹 തീയാട്ട് {Sajith} 1461

“”ഹിപ്‌നോട്ടൈസോ…””,””ഏട്ടനെന്താ പറയ്ണെ…””,””അതൊന്നും വേണ്ട…””,””മയക്കി കിടത്ത്ണ പരിപാടിയാ അത്…””,””വേണ്ട ഏട്ടാ എനിക്ക് പേടിയാ…””,””ഇൻ്റെ കുട്ടി…””,””എത്ര കാലത്തിന് ശേഷാ അവനെ ഒന്ന് കാണാൻ പറ്റിയതെന്നറിയോ…””,

 

“”നീ എന്തിനാ ഇന്ദൂ പേടിക്കണെ…””,””ഞാനുള്ളപ്പൊ അവനൊന്നും വരില്ല…””,

 

“”എന്നാലും…””,

 

“”ഒരെന്നാലുമില്ല…..”””,

 

””വെല്ല്യച്ഛാ ഇതാ ചായ…””,

 

ഗോവിന്ദൻ ഇന്ദിരയെ അനുനയിപ്പിക്കാൻ നോക്കുന്ന നേരം സ്രാവണും പ്രാകാശനും ചായയും പലഹാരങ്ങളുമായി അവിടേക്കെത്തി. 

 

കൊണ്ടുവന്നതെല്ലാം ഇന്ദിരാമ്മ യുടെ കൈവശം കൊടുത്ത് എല്ലാവരും മുറിയിലേക്ക് കയറി. ചായയും പലഹാരങ്ങളും മേശപ്പുറത്ത് വെച്ച ശേഷം സ്രാണാണ് ചായ എല്ലാവർക്കും എടുത്ത് കൊടുത്തത്. മരുന്ന് പോടിച്ചിട്ട കാര്യം ഇന്ദിരാമ്മ യ്ക്ക് അറിയില്ലല്ലോ അതെങ്ങാൻ മാറി കൊടുത്താൽ എല്ലാ പദ്ധതിയും പൊളിയും. അതിന് സ്രാവൺ തന്നെ മുന്നിട്ടിറങ്ങി മരുന്ന് പൊടിച്ചിട്ട ചായ എടുത്ത് കുഞ്ഞൂട്ടന് കൊടുത്തു. ആദ്യമൊന്ന് നിരസിച്ചെങ്കിലും എല്ലാവരുടെയും നിർബന്ധത്തിന് വഴങ്ങി കുഞ്ഞൂട്ടനും ചായ കുടിക്കാൻ തുടങ്ങി. പലഹാരങ്ങൾ ഇന്ദിരാമ്മ തന്നെ എല്ലാവർക്കും എടുത്ത് കൊടുത്തു. 

 

***********************<★>*************************

 

ഇതേ സമയം തറവാട്ടിൽ നിന്ന് തിരിക്കാനുള്ള ഒരുക്കത്തിലായിരുന്നു കേശവനും നരേന്ദ്രനും ചന്ദുവും ചിത്രയും മറ്റു സഹോരങ്ങളും. ഉത്സവത്തിന് വേണ്ടി കഷ്ടി പത്തു ദിവസത്തെ അവധി എടുത്തിട്ടാണ് വന്നത്. ഒഴിച്ച് കൂടാൻ പറ്റാത്ത ഒരുപാട് തിരക്കുകളുള്ള സമൂഹത്തിലെ ഉന്നതരാണ് പലരും. 

 

ഇന്നലെ എല്ലാം ആശുപത്രിയിൽ വന്നിരുന്നു അപ്പൂനെ മുറിയിലേക്ക് മാറ്റുന്നത് വരെ കൂടെ ഉണ്ടായിരുന്ന. ഇനി ഡിസ്ചാർജ് കഴിഞ്ഞ് വീട്ടിലേക്ക് എത്തിയ ശേഷം ഒന്നുകൂടി കണാം എന്നുള്ള തീരുമാനത്തിലാണ് മടങ്ങുന്നത്. ഗോവിന്ദനേയും ഇന്ദിരയേയും ഇറങ്ങുന്ന കാര്യം വിളിച്ചറിയിച്ചിരുന്നു. 

 

ഇപ്പൊ തറവാട്ടിൽ മാധവനും ഭാര്യയും മകനും നന്ദിനിയും ഭർത്താവും പിന്നെ ഗോവിന്ദൻ്റെ ഭാര്യ കനകവും മകൾ അജ്ഞലിയും മാത്രമേയുള്ളൂ സന്ധ്യ ആയാൽ ഗോവിന്ദനും പ്രാകാശനും സ്രാവണും തിരികെ വീട്ടിലേക്ക് എത്തും. 

 

നരേന്ദ്രനും കേശവനും മടങ്ങിയതിന് മറ്റു പല ഉദ്ദേശങ്ങളും കൂടി ഉണ്ടായിരുന്നു. ഒന്നാമത്തേത് രക്ഷപ്പെട്ട് പോയ പാണ്ടിയെ കണ്ടെത്തുക എന്നതാണ്. അയാളാണ് ഗോവിന്ദന് തങ്ങളിലേക്ക് എത്താനുള്ള ഒരേ ഒരു ലിങ്ക്. രണ്ടാമത്തേത് കുഞ്ഞൂട്ടനുള്ള അടുത്ത പണിക്ക് തയാറെടുക്കുക എന്നതാണ്. അവൻ്റെ സ്വഭാവം ഏകദേശം മനസിലാക്കിയ സ്ഥിതിക്ക് അതിന് സമമായൊരു ശക്തിയെ കളത്തിലിറക്കണം. എങ്കിലേ വിചാരിച്ചത് പോലെ തീർക്കാനൊക്കൂ. ദേവൻ്റെ മക്കളെ ഒന്നിനെയും മനസമാധാനത്തോടെ ജീവിക്കാൻ സമ്മതിക്കില്ലെന്ന് നരേന്ദ്രന് വാശിയായിരുന്നു. മൂന്നാമത്തെ ഉദ്ദേശം വയനാട്ടിലെ രാമചന്ദ്രൻ കണിയാരെ കണണം എന്നതാണ്. ഒരു സ്ഥിര സന്ദർശനം പോലെ. നടന്നതും നടത്താനായി തീരുമാനിച്ചതുമെല്ലാം രാമചന്ദ്രനെ അറിയിക്കുക എന്നത് പ്രധാനപ്പെട്ട ഒന്നാണ്. സുപ്രധാന ഘട്ടത്തിൽ അയാളുടെ നിർദ്ദേശം കൂടിയേ തീരൂ.

 

ഇങ്ങനെ പല കണക്ക് കൂട്ടലുകളുമായാണ് നരേന്ദ്രനും കേശവനും മടങ്ങിയത്

 

********************<<★>>********************

 

ചായകുടിച്ച് കഴിഞ്ഞ് അൽപ്പ നേരം എല്ലാവരും മുറിയിൽ സംസാരിച്ചുകൊണ്ടിരുന്നു. പ്രകാശും സ്രാവണും സംസാരത്തിനിടയ്ക്ക് കുഞ്ഞൂട്ടനെ ഇടംകണ്ണിട്ട് നോക്കി. അവൻ ചെറിയ മയക്കത്തിലേക്ക് എന്നത് പോലെ കണ്ണ് രണ്ടും ഇടക്ക് തിരുമ്മി. 

 

കൺ പോളകൾ ചെറുതായി അടയാൻ പോവുന്നതായി കുഞ്ഞൂട്ടന് തോന്നി. വലിച്ച് തുറക്കാൻ ശ്രമിക്കും തോറും കൂടുതൽ കൂടുതല് അടയുന്നു. ഒടുക്കം കണ്ണുകൾ അടയുക തന്നെ ചെയ്തു. ഗോവിന്ദന് മനസിലായി മരുന്ന് കുഞ്ഞൂട്ടൻ്റെ ശരീരത്തിൽ പ്രവർത്തിക്കാൻ തുടങ്ങിയിരിക്കുന്നു.    

 

ഗോവിന്ദൻ കുടിച്ചിരുന്ന ചായ ഗ്ലാസ് വേഗം മേശപ്പുറത്ത് വച്ച് എഴുന്നേറ്റു…, കൂടെ പ്രകാശനും സ്രാവണും. അയാൾ കുഞ്ഞൂട്ടൻ്റെ അടുത്ത് ചെന്ന് ഒന്ന് കുലുക്കി വിളിച്ചു. പാതി ബോധത്തിൽ അവൻ വിളികേട്ടു. മയക്കത്തിൽ തന്നെ അവൻ സംസാരിച്ചു കൊണ്ടിരുന്നു. എന്തെല്ലാമോ പറയുന്നുണ്ട്. അത് കണ്ട് ഇന്ദിരാമ്മ ഒന്നു ഭയന്നു. ഇത്ര നേരം ഒരു കുഴപ്പവുമില്ലാണ്ടിരുന്നതല്ലേ പെട്ടന്ന് എന്ത് പറ്റിയെന്ന് അവർക്ക് മനസിലാവുന്നില്ല. ഇന്ദിര അവൻ്റെ അടുത്തേക്ക് വരുന്നത് കണ്ട് ഗോവിന്ദൻ തടഞ്ഞു. എന്നിട്ട് മരുന്നുകലക്കിയതിനേ കുറിച്ചും. അവനെ മയക്കി കിടത്തിയതിനെ കുറിച്ചും വിശദീകരിച്ചു കൊടുത്തു.

 

ഇന്ദിരാമ്മയ്ക്ക് ഒന്നും തന്നെ പറയാൻ കഴിഞ്ഞല്ല. ആകെ ഒരു മരവിച്ച അവസ്ഥ. കുഞ്ഞൂട്ടനെ തനിക്ക് കൈ വിട്ട് പോവുന്നതിന് സമാനമാണ് ഇപ്പോഴത്തെ ഓരോ സാഹചര്യവും. ഗോവിന്ദൻ ഏട്ടൻ കൂടെയുണ്ടെന്ന ഒരു ധൈര്യത്തിലാണ് ഇതിനെല്ലാം കൂട്ടുനിൽക്കുന്നത്. എല്ലാം നല്ല രീതിയിൽ അവസാനിക്കാൻ ഇന്ദിര ദേവിയെ മനസുരുകി വിളിച്ചു.

 

കസേരയിൽ ഇരുന്നു മയങ്ങുന്ന കുഞ്ഞൂട്ടനെ സ്രാവണും പ്രകാശനും തോളിലൂടെ താങ്ങി എടുത്തുയർത്തി. എല്ലാവരും കൂടി അവനെ താങ്ങി വരാന്തയിലൂടെ നവ്യ ഡോക്ടറുടെ മുറിയിൽ എത്തിച്ചു. അബോധാവസ്ഥയിൽ ശരീരം അനങ്ങുന്നത് കുഞ്ഞൂട്ടൻ അറിഞ്ഞിരുന്നു എന്നാൽ ഒന്ന് പ്രതികരിക്കാൻ അവന് ശക്തിയുണ്ടായില്ല. ആകെ ശരീരം ഒരു തളർച്ചയും.

 

കുഞ്ഞൂട്ടനെ ഡോക്ടർ കാട്ടി കൊടുത്ത മുറിയിലെ ചാരുകസേരയിൽ കൊണ്ട് കിടത്തി. എല്ലാവരോടും വെളിയിലേക്ക് നിൽക്കാനായി ആവശ്യപ്പെട്ടത് പ്രകാരം ഗോവിന്ദനും മറ്റുള്ളവരും പുറത്തേക്കിറങ്ങി. വിളിക്കാതെ അകത്തേക്ക് വരരുതെന്നും നിർദ്ദേശം കൊടുത്തു.