പതിനാലാം 👹 തീയാട്ട് {Sajith} 1461

“”ശരി ഡോക്ടർ അങ്ങനെ ചെയ്യാം…””,

 

ഡോക്ടർ രണ്ട് ടാബ്‌ലറ്റുകൾ ഗോവിന്ദനെ ഏൽപ്പിച്ചു. അയാൾ ഡോക്ടറോട് നന്ദി അറിയിച്ച് ക്യാബിന് വെളിയിലേക്ക് ഇറങ്ങി. 

 

ചായ കുടി എല്ലാം കഴിഞ്ഞ് പ്രകാശനും സ്രാവണും കൂടെ ആശുപത്രിയുടെ ഇടനാഴിയിൽ ഉള്ള സ്റ്റീൽ ബെഞ്ചിൽ ഇരുന്ന് ഫോൺ തോണ്ടുകയായിരുന്നു. പെട്ടന്ന് പ്രകാശൻ്റെ ഫോണിലേക്ക് ഗോവിന്ദൻ്റെ കോൾ വന്നു. അപ്പൊ തന്നെ അവനത് അറ്റൻ്റ് ചെയ്തു. വേഗം നവ്യ ഡോക്ടറുടെ ക്യാബിന് മുന്നിലേക്ക് വരാനായിട്ട് പറഞ്ഞ് അയാൾ കോൾ കട്ട് ചെയ്തു. ഫോണിൽ തോണ്ടിക്കോണ്ടിരുന്ന സ്രാവണിനെയും വലിച്ച്‌ കൊണ്ട് ഗോവിന്ദനടുത്തേക്ക് നടന്നു.

 

ഡോക്ടറുടെ മുറിക്ക് വെളിയിൽ ഇരിക്കുന്ന ഗോവിന്ദനെ അവർ രണ്ടും കണ്ടു. പ്രകാശൻ വേഗം നടന്ന് അച്ഛനടുത്തെത്തി. മകനെ കണ്ട് ഗോവിന്ദൻ പോക്കറ്റിൽ നിന്നും അഞ്ഞൂറു രൂപ എടുത്തു കൊടുത്തു കൂടെ ഒരു ഗുളിക പാക്കറ്റും. എന്നിട്ട് ഡോക്ടർ പറഞ്ഞ കാര്യങ്ങൾ അവരെ ധരിപ്പിച്ചു. കുഞ്ഞൂട്ടൻ്റെ മാനസിക രോഗത്തിനെ കുറിച്ച് പറഞ്ഞില്ല. ഇന്നലെ കുഞ്ഞൂട്ടൻ്റെ ഭാഗത്ത് നിന്ന് സംഭിച്ചതിനെ കുറിച്ച് കൂടുതൽ അറിയാൻ ആയിട്ടാണെന്നാണ് ഗോവിന്ദൻ പറഞ്ഞത്. തന്ന ഗുളികയിലൊരെണ്ണം ഏതെങ്കിലും വിതേന അവനേ കൊണ്ട് കഴിപ്പിക്കണം എന്നയാൾ നിർദ്ദേശിച്ചു. തന്ന പൈസക്ക് ഭക്ഷണം വാങ്ങിക്കുക എന്നിട്ട് അതിലേക്ക് ഗുളിക പൊടിച്ചു ചേർക്കുക അതവനെ കൊണ്ട് കഴിപ്പിക്കുക. ഇതായിരുന്നു പദ്ധതി. പ്രകാശനും സ്രാവണും ടാസ്ക് ഏറ്റെടുത്തു. പ്രകാശൻ പണം അച്ഛനെ തന്നെ തിരികെ ഏൽപ്പിച്ചു. അവനെടുത്തു കൊള്ളാം എന്നും പറഞ്ഞ് ഗുളികയും പോക്കറ്റിൽ ഇട്ട് സ്രാവണെയും വിളിച്ച് ആശുപത്രിക്ക് പുറത്തുള്ള ചായക്കടയിലേക്ക് പോയി. ഗോവിന്ദൻ തിരികെ അപ്പു കിടക്കുന്ന മുറിയിലേക്കും പോന്നു.

 

സ്രാവണും പ്രകാശനും കൂടി മൂന്ന് ചായ വാങ്ങി. സെപ്പറേറ്റ് പേപ്പർ ഗ്ലാസിൽ ആണ് വാങ്ങിയത്. സ്രാവണിൻ്റെ നിർദ്ദേശപ്രകാരം ചായയിൽ ഏലക്ക പൊടിച്ചു ചേർത്തു. ചായയിലേക്ക് ഗുളിക പൊടിച്ച് ചേർക്കുമ്പോഴുള്ള ചൊയ അറിയാതിരിക്കാൻ ആണ് അങ്ങനെ ചെയ്തത്. ആശുപത്രിയിൽ ഇപ്പൊ ഗോവിന്ദനും പ്രകാശനും സ്രാവണും പിന്നെ അപ്പൂൻ്റെ അടുത്തായിട്ട് ഇന്ദിരാമ്മയും കുഞ്ഞൂട്ടനും മാത്രമേയുള്ളൂ…, മറ്റുള്ളവർ തറവാട്ടിലേക്ക് തന്നെ മടങ്ങി. ചായയും കഴിക്കാനായി കുറിച്ച് ചെറുകടികളും വാങ്ങി അവര് രണ്ടുപേരും തിരികേ എത്തി. 

 

മുറിക്ക് വെളിയിലെ സ്റ്റീൽ ബെഞ്ചിൽ ഇരിക്കുകയായിരുന്നു ഗോവിന്ദൻ. ഏട്ടനെ കാണാനായി ഇന്ദിരാമ്മ അപ്പും കുഞ്ഞൂട്ടനും ഉറങ്ങിയോ എന്ന് നോക്കി ഉറപ്പു വരുത്തി പുറത്തേക്ക് വന്നു. കുഞ്ഞൂട്ടനെന്തോ അസുഖമുള്ളത് പോലെയാണ് ഏട്ടൻ്റെ പെരുമാറ്റം. ആഹ് ഡോക്ടറെ കൊണ്ടുവന്നത് തന്നെ ഇന്ദിരാമ്മയ്ക്ക് ഇഷ്ട്ടമായിട്ടില്ല. ഏട്ടനോട് രണ്ട് വർത്തമാനം പറയാൻ ആയിട്ടാണ് മുറിക്ക് വെളിയിലേക്ക് വന്നത്. മുറിയിൽ വച്ച് സംസാരിച്ചാൽ അപ്പുവെങ്ങാൻ കേട്ടാൽ പിന്നെ ആകെ പ്രശ്നമാവും.

 

വാതിൽ തുറന്നിറങ്ങിയപ്പഴേ താടിക്ക് കൈയ്യും കൊടുത്ത് ബെഞ്ചിലിരിക്കണ ഗോവിന്ദനെ ഇന്ദിര കണ്ടു. അവർ അയാളുടെ അടുത്തേക്ക് ചെന്നു.

 

“”ഏട്ടൻ എന്താ എൻ്റെ കുഞ്ഞിനെ ഭ്രാന്തനാക്കാൻ നോക്കാണോ….””, 

 

ഗോവിന്ദൻ്റെ അടുത്തെത്തിയതും ഇന്ദിര തട്ടികേറി.

 

“”നീ എന്താ ഇന്ദൂ ഇങ്ങനെ ഒക്കെ പറയ്ണെ  ഭ്രാന്തനാക്കേ…””,

 

“”പിന്നെന്തിനാ ഏട്ടൻ നേരത്തെ ആഹ് ഡോക്ടറേയും കൊണ്ട് വന്നത്…””,””കുഞ്ഞൂട്ടനെ നോക്കാനല്ലേ…””,

 

“”അതേ…””,””ഇന്നലെ കുഞ്ഞൂട്ടനെന്താ പറ്റിയതെന്നറിയണ്ടേ…””,””ഞാൻ ഡോക്ടറോട് സംസാരിച്ചിരുന്നു…””,””അവന് ഒരുതരം മാനസിക വിഭ്രാ….””,

 

ഗോവിന്ദൻ പറഞ്ഞ് മുഴുവിപ്പിക്കും മുന്നേ ഇന്ദിര കൈയ്യുയർത്തി നിർത്താൻ ആംഗ്യം കാണിച്ചു.  

 

“”മതി ഏട്ടാ…””,””ഇൻ്റെ കുട്ടിക്കൊന്നും ഇല്ല…””,””ഇനി നിങ്ങളെല്ലാരും കൂടി പറഞ്ഞ് പറഞ്ഞ് അവനെ ഒരു പ്രാന്തനാക്കാതിരുന്നാൽ മതി…””,

 

ഗോവിന്ദൻ ഒന്നും മിണ്ടിയില്ല. ഇന്ദിര നല്ല ദേഷ്യത്തിലാണ്. ചികിത്സിക്കാതിരുന്നാൽ അത് വല്ല്യ ആപത്തിൽ ചെന്നേ അവസാനിക്കൂ എന്ന് ഗോവിന്ദന് ഉറപ്പാണ്. 

 

“”ഇന്ദിരേ…””,””നീ പറയുന്നത് ഒന്ന് കേൾക്ക്…””,””അവൻ്റെ ഇപ്പോഴത്തെ സ്ഥിതി ഇങ്ങനെ പോവാണങ്കിൽ അത് എല്ലാവരേയും ബാധിക്കും…””,””കൂടെ ഉള്ളവരെ പോലും കൊല്ലാൻ മടികാണിക്കില്ലെന്നാ ഡോക്ടർ പറഞ്ഞെ…””,””അപ്പൂനെ പോലും ചിലപ്പോൾ…””,

 

“”ഏട്ടാ മതി നിറ്ത്ത്…””,

 

ഗോവിന്ദൻ പറയുന്നതിനിടയ്ക്ക് കയറി ഇന്ദിര വീണ്ടും അയാളെ തടഞ്ഞു.

 

“”രണ്ടും നമ്മടെ കുട്ടികൾ തന്നെയാ ഇന്ദിരേ…””,””അവര് സന്തോഷത്തോടെ ജീവിക്കണം എന്ന് മാത്രമേ എനിക്കൊള്ളു…””,””അതിന് ഇത് മാത്രമേ തൽക്കാലം ഒരു വഴിയുള്ളു…””,””നീ എതിര് നിൽക്കരുത്…””,

 

ഇന്ദിര മറുപടി ഒന്നും പറഞ്ഞില്ല മാനം പാലിച്ചു. അവസാനം ഗോവിന്ദൻ തന്നെ ഒരു അഭിപ്രായം മുന്നോട്ട് വെച്ചു.

 

“”ശരി നമ്മക്കവനെ ചികിത്സയിൽ നിന്ന് ഒഴിവാക്കാം…””,””പക്ഷെ എന്താ കുഞ്ഞൂട്ടന് പറ്റിയതെന്നറിയണ്ടേ…””,””ഇനി അത് സംഭവിക്കാതിരിക്കാൻ ശ്രമിക്കണ്ടേ…””,””അതിന് നീ എതിര് പറയരുത്…””,

 

“”ഏട്ടാ… അത്…””,

 

“”വേണ്ട ഇതിൽ ഞാൻ തീരുമാനം എടുത്തു കഴിഞ്ഞു…””,””ജസ്റ്റ് അവനെ ഹിപ്‌നോട്ടൈസ് ചെയ്യാമെന്നാണ് ഡോക്ടർ പറഞ്ഞത്…””,