പതിനാലാം 👹 തീയാട്ട് {Sajith} 1461

“”ഏട്ടാ…””,””ചായമാത്രം മതി…””,””കിംഗൊന്നും വേണ്ട…””,””അതിന് പകരം ദേ ഈ അലമാരയിലിരിക്കണ രണ്ട് അട തന്നാമതി…””,

 

കടയിലെ അലമാര ചൂണ്ടിക്കാട്ടി പ്രകാശൻ കടക്കാരനോട് പറഞ്ഞു കൂടെ സ്രാവണിട്ടൊരു ഇളിയും കൊടുത്തു. ഒരു കിംഗിൻ്റെ കച്ചവടം പോയതിൻ്റെ ഈർഷ കടക്കാരൻ്റെ മുഖത്ത്ണ്ടായി പക്ഷെ അത് വെഷമമല്ല. ഇവനല്ലങ്കിൽ വേറൊരുത്തൻ അത്രയേ കടക്കാരനൊള്ളു 

 

“”ചേട്ടൻ്റെ കൂടെ വരുമ്പൊ മോൻ വലിക്കണ്ടാട്ടോ…””,

 

പ്രകാശൻ സ്രാവണിൻ്റെ കിറിക്കിട്ടൊരു കുത്ത് കൊടുത്തു. അവൻ്റെ പുകവലി ശീലം പ്രകാശനത്ര സുഗിച്ചില്ല.

 

“”മൊതലാളീ…””,

 

പല്ല് കടിച്ചു ഞെരിച്ചു കൊണ്ട് സ്രാവൺ പ്രകാശനെ വിളിച്ചു. അതിൽ അവൻ്റെ നിരാശയും ദേഷ്യവും ഒക്കെ ഉണ്ടായിരുന്നു.

 

“”ഇതിപ്പൊ ഞാൻ തന്നെ വന്ന് കുടിച്ചാ മതിയായിരുന്നു…””,

 

“”ശരിയാടാ എനിക്കും അത് തോന്നി…””,””നിനക്ക് ഏത് നേരത്താ എന്നെ വിളിക്കാൻ തോന്നിയത്..””,””നിൻ്റെ മണ്ടത്തരം അല്ലാണ്ടെന്ത് പറയാനാ…””,

 

കടക്കാരൻ രണ്ട് മീഡിയം ചായ അടിച്ച് പതപ്പിക്കാതെ തയ്യാറാക്കി അവർക്ക് കൊടുത്തു കൂടെ രണ്ട് വട്ട ഇല അടയും. ചായ ഓരോ സിപ്പെടുത്ത് സ്രാവൺ തലേന്നത്തെ കാര്യങ്ങളേ കുറിച്ച് ചായക്കടയ്ക്ക് മുൻപിൽ നിന്നുകൊണ്ട് തന്നെ പ്രകാശനോട് സംസാരിച്ചു.

 

“”പ്രകാശേട്ടാ മറ്റേ പാണ്ടികളില്ലേ…””,””വെട്ട് കൊണ്ടത്..””,””അവരെ എന്താ ചെയ്തെ..””,

 

കടയ്ക്ക് മുൻപിൽ നിന്ന് കൂളായിട്ട് സംസാരിക്കുന്ന സ്രാവണെ പ്രകാശൻ വളരേ ദയനീയമായി നോക്കി. കടക്കാരൻ അവൻ്റെ സംസാരം കേട്ട് ഇവരെന്താണ് പറയുന്നതെന്ന ആശ്ചര്യത്തിലും. സ്രാവണിൻ്റെ കോളറിൽ പിടിച്ച് വലിച്ച് പ്രകാശൻ വേഗം അവിടെന്ന് മാറ്റി നിറുത്തി.

 

“”എടാ മരക്കഴ്തേ ആൾക്കാര് നിക്കണെട്ത്ത്ന്നാണോ ഇങ്ങനേത്തെ ചോദ്യം ചോദിക്കണെ…””,

 

സ്രാവണ് അപത്തം പറ്റിയെന്ന് മനസിലായി അവൻ കടയിലേക്കൊന്ന് തിരിഞ്ഞ് നോക്കി. കടക്കാരൻ അവിടെ തങ്ങളെന്താണ് പറയുന്നതെന്ന് കേൾക്കാൻ കാത് കൂർപ്പിച്ച് ഇരിക്കുന്നു. സ്രാവൺ അയാളെ ശ്രദ്ധിക്കുന്നെന്ന് മനസിലായപ്പോൾ കടയിലിരിക്കുന്നു പൊടിതട്ടുന്ന കമ്പുവെച്ച് കടയിലെ പലഹാരമിരിക്കുന്ന പെട്ടിക്ക് മുകളിലൂടെ ഒന്ന് തട്ടി.

 

“”ഓഹ് സോറി ഞാനത് ശ്രദ്ധിച്ചില്ല…””,

 

അയാളിൽ നിന്നും നോട്ടം മാറ്റിക്കൊണ്ട് പതിഞ്ഞ ശബ്ദത്തിൽ സ്രാവൺ പറഞ്ഞു.

 

“”മ്മം…””,

 

രണ്ടുപേരും ചായ ഓരോ സിപ്പെടുത്തു.

 

“”അല്ല പ്രകാശേട്ടാ അവരെ എന്താ ചെയ്തെ…””,

 

“”അതൊക്കെ അച്ഛൻ ഡീലാക്കീടാ…””,

 

“”ഏഹ്…””,””ആര് ഗോവിന്ദൻ വല്ല്യച്ഛനോ..””,””അങ്ങേരെന്ത് ചെയ്തു…””,

 

ആശുപത്രിയിൽ അങ്ങോട്ടും ഇങ്ങോട്ടും ഓടുന്നതിനിടയ്ക്ക് ഗോവിന്ദൻ വെല്ല്യച്ഛന് പാണ്ടികളുടെ കാര്യം നോക്കാൻ സമയം കിട്ടിയോ എന്നവന് ആശ്ചര്യമായി.

 

“”അച്ഛൻ അവരെ നമ്മടെ പെരിയകുളത്ത്ള്ള വളം ഫാക്ടറി ഇല്ലേ…””,””അവടെക്ക് മാറ്റി…””,

 

“”അവടെ എന്താ..””,

 

“”അവർടെ ബോഡി കരിക്കും എന്നിട്ടത് യൂറിയേടെ കൂടെ മിക്സാക്കി വയ്ക്കും…””,””കമ്പത്ത്ള്ള നമ്മടെ ഗ്രേപ്പ്യാർഡില്ലെ അവടെക്ക് അടുത്ത ആഴ്ച്ച യൂറിയ പോണ്ണ്ട്…””, “”അതിന്റെ കൂട്ടത്തിൽ ഇതും അയക്കണം എന്ന് പറയുന്നുണ്ടായി…””,

 

സ്രാവൺ കണ്ണ്മിഴിച്ച് എല്ലാം കേട്ട് നിന്നു. ഇന്നലെ ഒറ്റ ദിവസം കൊണ്ട് തന്നെ ഇതെല്ലാം ചെയ്തിരിക്കുന്നു അതും ഒന്നും അറിയാത്ത പോലെ നടക്കുന്ന വല്ല്യച്ഛൻ.

 

“”അല്ല അപ്പൊ മിസ്സിംങ് ആയെന്നും പറഞ്ഞ് പോലീസ് അന്യേഷിക്കില്ലേ…””,

 

സ്രാവൺ തൻ്റെ സംശയം ചോദിച്ചു.

 

“”അതിനാരേലും കേസ് കൊടുത്താലല്ലേ അന്വേഷണം ഉണ്ടാവൂ…””,””അതൊക്കെ അച്ഛൻ സെറ്റിലാക്കിയിട്ട്ണ്ട്..””,””തെളിവും ഇല്ല പരാതിക്കാരും ഇല്ല…””,””പാണ്ടികളുടെ കുടുംബത്തിന് ഒരു തുക ഓഫർ ചെയ്തു….”””,””അവരത് സമ്മതിച്ചു….””,””പിന്നെ അവരെ അങ്ങനെ വീട്ട്കാർക്കും വല്ല്യ പത്യം ആയിരുന്നില്ല…””,””എല്ലാം നല്ല ഫസ്റ്റ്ക്ലാസ് കേഡി കൾ അല്ലേ…””,””തേനി സ്റ്റേഷനിൽ തന്നെ കൊറെ കേസ് ഇവമ്മാര്ടെ പേരില്ണ്ടായിരുന്നു…””,””ഗഞ്ച മെയിൻ പിന്നെ ചന്ദനം ആനകൊമ്പ് അങ്ങനെ അല്ലറ ചില്ലറ കേസ് വേറെ…””,””രാഷ്ട്രീയ ബലത്തിൽ എല്ലാം തേച്ച് മാച്ച് കളഞ്ഞു…””,””പോലീസ് കാര് വീട്ടിൽ ഇങ്ങനെ കയറി ഇറങ്ങി സ്വന്തക്കാര് തന്നെ മടുത്തെത്രെ…””,

 

“”ഓഹ്….””, “”ഇനി അവമ്മാരെ. കാണാഞ്ഞിട്ട് പാർട്ടിക്കാരെങ്ങാൻ കേസൊട്ക്കോ…””,

 

“”ഏയ് ചാൻസില്ല…””,””രാഷ്ട്രീയ കാർക്ക് ഒരുത്തൻ പോയാ വേറൊരുത്തനെ കിട്ടും…””,””അതാണ് അവരുടെ പോളിസി…””,””ഇനി എങ്ങാൻ വന്നാ അപ്പ നോക്കാം…””,

 

“”ഓക്കേ…””,””അപ്പൊ കുഞ്ഞൂട്ടൻ സേഫാണല്ലേ..””,

 

“”ആഹ് ഏറെ കൊറേ…””,””പിന്നെ നമ്മളൊക്കെ ഇല്ലേ…””,””എനിക്ക് കുഞ്ഞൂട്ടൻ്റെ കാര്യം ആലോയിച്ചിട്ടാ പേടി…””,””ഇങ്ങനെ ഒരു വൈലൻ്റ് നേച്വർ ഉള്ള ആളാണോ നമ്മളോട് ചിരിച്ച് കളിച്ച് വർത്താനം പറഞ്ഞതെന്ന് ഇനിക്ക് വിശ്വസിക്കാൻ പറ്റണില്ല….””,

 

പ്രകാശൻ സംഭവം കണ്ടിട്ടില്ലങ്കിൽ കൂടി എല്ലവരും പറഞ്ഞിട്ട് അറിഞ്ഞിരുന്നു. സംഭവം നടക്കുമ്പോൾ അവനങ്ങോട്ടേക്ക് എത്താൻ സാധിച്ചില്ല. പക്ഷെ അവിടെ കണ്ട ചോരക്കളവും തല അറ്റ ശരീരങ്ങള് കൊണ്ടു പോയവരുടെ സംസാരവും നടന്ന സംഭവത്തിൻ്റെ ഭീകരത പ്രകാശന് ബോധ്യപ്പെടുത്തി കൊടുത്തു. കൂടെ കുഞ്ഞൂട്ടൻ്റെ വൈൽഡ്നെസ്സും.