അയ്മുട്ടിയുടെ ജുമൈന (നൗഫു] 2792

“എന്റെ ജീവിതം ഒരു മഴതുള്ളി പോലെ ഭൂമിയിലേക് ഇറങ്ങി.. ഓരോ വഴിതാരയിലൂടെയും കല്ലും മണ്ണും താണ്ടി… മെല്ലെ മെല്ലെ ഓളം വെട്ടി തെന്നി നീങ്ങി.. ചെങ്കടലിലേക്ക് എത്തുന്നതിനിടയിലാണ് ഞാൻ അവനെ കാണുന്നത്…”

“കള്ള പന്നി.. ഓൻ ആണല്ലോ റബ്ബേ എന്റെ ഇന്നത്തെ നായകൻ..

കഥാനായകൻ… അമ്മളെ സ്വന്തം അയ്മുട്ടി…”

“അയ്യേ..!”

“ഇങ്ങള് പേര് കേട്ടു.. ചിരിക്കേണ്ട.. ഇതൊക്കെ അമ്മളെ നാട്ടാര് വെട്ടി ചുരുക്കി ആറ്റി കുറുകി ഉണ്ടാക്കുന്ന പേരാണ്…

ഓന്റെ പാസ്പോർട്ടിലും വോട്ടർ ഐഡി യിലും നല്ല ജിമിട്ടാച്ചി പേര് ഉണ്ട്ട്ടോ..”

“അഹമ്മദ് കുട്ടി.. ( ആധാർ കാർഡ് പഹയന് ഉണ്ടോ എന്ന് അമ്മക്കറിയില്ല…)

ഈ സുന്ദരമായ പേരാണ് നമ്മളെ നാട്ടാര് എല്ലാംകൂടി അയ്മുട്ടി യാക്കിയത്..”

“പാവം പഹയൻ.. ഒരു ബകാല നടത്തുകയാണ്… അമ്മളെ സൂപ്പർ മാർക്കറ്റെ… മിനി സൂപ്പർ മാർക്കറ്റ്.. അയ്മുട്ടി സൂപ്പർ മാർക്കറ്റ് ആ ഭാഗത്തുള്ള ഒരു വിധം ആളുകൾക് എല്ലാം പരിചയമായിരുന്നു..