അയ്മുട്ടിയുടെ ജുമൈന (നൗഫു] 2603

അവർ രണ്ടു പേരും രണ്ടു മൂന്നടി അകലത്തിലാണ് നിൽക്കുന്നത്..

എന്റെ ഉള്ളിൽ ഒരുപാട് സംശയങ്ങൾ തല പൊക്കുവാൻ തുടങ്ങിയിരുന്നു..

“ഇനി ഇവർ രണ്ടു പേരും ഇഷ്ടത്തിലാണോ..?

എന്റെ സപ്പോർട്ട് കിട്ടുവാനായിരുന്നോ, ഇന്ന് എന്നോട് അവൻ അവളെ ഇഷ്ട്ടമാണെന് പറഞ്ഞത്..?

അങ്ങനെ ആണേൽ എപ്പോഴാണ് അവർ തമ്മിൽ ഇഷ്ടത്തിലായത്…?”

“അവർ സംസാരിച്ചു നിൽക്കുന്നത് ഞാൻ ഇതിന് മുമ്പ് കണ്ടിട്ടേയില്ല…!”

“ഇനി ഞാൻ ഇല്ലാത്ത സമയം ആണേൽ തന്നെ കടയിൽ ഞങ്ങളെ കൂടാതെ നാലു പേര് വേറെയും ഉണ്ട്..( മൂന്നു മണിക്ക് അവർ നാലു പേരും ഭക്ഷണം കഴിക്കാനായി റൂമിലേക്കു പോകും )

അവർ കണ്ടിട്ടുണ്ടാവില്ലേ..”

“അവർ കണ്ടിട്ടുണ്ടെൽ എന്നോട് പറയാതെ ഇരിക്കില്ല…”

“ഇനി എന്നോട് പറയണ്ട എന്ന് അയ്മുട്ടി അവരോട് വിലക്കിയോ..?

ഇങ്ങനെ ഒരായിരം സംശയങ്ങൾ എന്റെ ഉള്ളിൽ എന്നോട് തന്നെ ചോദിക്കാൻ തുടങ്ങി…”