അയ്മുട്ടിയുടെ ജുമൈന (നൗഫു] 2792

“വേഗം കടയടച്ചു അവനോട് ഒന്നും മിണ്ടാതെ റൂമിലേക്കു പോയി.. (നിസ്ക്കാരം നടക്കുന്ന സമയം അന്നൊക്കെ നിർബന്ധമായും കട അടക്കണമായിരുന്നു )”

“അയ്മുട്ടി പക്ഷെ റൂമിലേക്കു വരാതെ പള്ളിയിലേക്കു പോയി..”

“റൂമിന്റെ അടുത്ത് എത്താൻ നേരമാണ് എന്റെ മനസ് അവന്റെ പുറകെ പോകുവാനായി തോന്നിപ്പിക്കാൻ തുടങ്ങിയത്…

പിന്നെ ഒന്നും നോക്കിയില്ല..

ഓടി കൊണ്ടിരിക്കുന്ന വണ്ടി ഹാൻഡ് ബ്രേക്ക് ഇട്ടു യൂ ടേൺ എടുക്കുന്നത് പോലെ ഒരൊറ്റ തിരിയൽ…

ആരാന്റെ വീട്ടിലേക് ഒളിഞ്ഞു നോക്കൽ അല്ലേലും അമ്മക് അത്രക്ക് സ്റ്ററ്റിഫിക്കേഷൻ തരുമല്ലോ ”

“ആദ്യം വളരെ വേഗത്തിലും പള്ളിയുടെ അടുത്ത് എത്താനായപ്പോൾ വളരെ പതുക്കെയുമായി ഞാൻ നടന്നു…

പമ്മി പമ്മി പൂച്ചയെ പോലെ..”

“എന്റെ സംശയം ശരിയായിരുന്നു.. അയ്മുട്ടി.. നാസർ ഇബ്നു ഹംസ ഇബ്നു അഹമ്മദ്.. അങ്ങനെ ആരുടെയൊക്കെയോ മകനായ അഹമ്മദിന്റെ മോളോട് സംസാരിച്ചു നിൽക്കുന്നു..

ഓളാണ് അമ്മളെ ചെക്കന്റെ നെഞ്ചിൽ കയറിയ ഹൂറി.. അറബി കൊച്ച് ‘