നിർഭയം 5 [AK] 366

പോവാൻ.. പക്ഷെ ന്റെ അനിയത്തിക്കുട്ടി… അവളെ വെച്ച് ഭീഷണിപ്പെടുത്തിയപ്പോ…”

“അപ്പൊ അതാണ്..”

“അല്ലാ… നീയെന്തിനാ ആ അലവലാതിയെ കെട്ടിയത്…”

“അത്‌ ചേച്ചീ… അച്ഛൻ അവിടുത്തെ അച്ഛനോട് കടമെന്തോ വാങ്ങിയിരുന്നു…പിന്നെ അച്ഛൻ മരിച്ചപ്പോ… ന്നേ കല്യാണം ആലോചിച്ചു വന്നു…”

“നീയെന്താ പെണ്ണെ… പണയപ്പണ്ടമാണോ.. “

“ചേച്ചീ…ഞങ്ങൾ പാവങ്ങളാ ചേച്ചീ…”
അവൾ തല കുനിച്ചു… ആ കണ്ണുകൾ നിറഞ്ഞുതുളുമ്പിയിരുന്നു…

“പിന്നെ… ഞാൻ അന്വേഷിച്ചിരുന്നു… നിന്റെ അച്ഛൻ വല്ല്യ കടമൊന്നും വാങ്ങീട്ടില്ല… അത്‌ നിന്റെ കെട്ട്യോന്റെ തന്തേടെ അടവായിരുന്നു.. പുന്നാരമോനെ നിന്നെ കൊണ്ട് കെട്ടിച്ച് നന്നാക്കാൻ…”

അവൾ അത്ഭുതത്തോട് കൂടി തലയുയർത്തി നോക്കി… സത്യമാണോ എന്ന പോലെ… അത്‌ കണ്ട മഞ്ജു കണ്ണു ചിമ്മി..

“എന്നിട്ട് നിനക്ക് നിന്റെ കെട്ട്യോന്റെ അടുത്ത് പോണോ…”

അവൾ പെട്ടെന്ന് തന്നെ മഞ്ജുവിന്റെ കയ്യിൽ കേറി പിടിച്ചു… തന്നെ കൈവിട്ടു കളയരുതേ എന്നപോലെ…

“അപ്പോൾ നമുക്ക് നിയമപരമായി നീങ്ങാം… പിന്നെ നിന്റെ നാട്ടിൽ നീയിപ്പോ വേറെ ഒരുത്തന്റെ കൂടി അവിഹിതത്തിലാണ്….”

ഒരു ചിരിയോട് കൂടി മഞ്ചുവത് പറയുമ്പോൾ അവൾ ഞെട്ടി മഞ്ജുവിനെ തന്നെ നോക്കുകയായിരുന്നു.. പിന്നെ ഒരു സംശയത്തോട് കൂടി മഞ്ജുവിനോട് ചോദിച്ചു…