നിഴലായ് അരികെ -6 [ചെമ്പരത്തി] 350

“അമ്മൂ…… നീ ഇന്ന് ബസിനു പൊയ്ക്കോ…… എനിക്കു കുറച്ചു നേരം തനിച്ചിരിക്കണം…… ”

“ഓ….ആയ്ക്കോട്ടെ…… ഞാൻ ശല്യപ്പെടുത്തുന്നില്ല ”

അവൾ മുഖം വീർപ്പിച്ചു തിരിഞ്ഞു നടന്നു.

നന്ദൻ ബുള്ളറ്റുമെടുത്തു ആര്യക്കരികിലൂടെ പാസ്സ് ചെയ്തു പോകുന്നതിനിടയിൽ ഹോൺ അടിച്ചുവെങ്കിലും അവൾ മുഖം ഉയർത്തിയില്ല..

നന്ദൻ രാത്രി 11 മണി കഴിഞ്ഞതിനു ശേഷം ആണ് വീട്ടിൽ എത്തിയത്… വണ്ടി ഒതുക്കി വീട്ടിനകത്തേക്ക് കയറിയതും കണ്ടു തന്റെ വരവും കാത്തിരിക്കുന്ന അച്ഛനുമമ്മയും……..

“നീ ഇത്രയും സമയം എവിടായിരുന്നു..?????”

അച്ഛൻ നല്ല ചൂടിലാണ്

“ഞാൻ ഒന്ന് ബീച്ചിൽ പോയി…… അമ്മൂനോട് ഞാൻ പറഞ്ഞിരുന്നല്ലോ താമസിച്ചേ വരുകയുള്ളൂ എന്ന്….. ”

“അവളോട് നീ വേറെ എന്താ പറഞ്ഞെ????? ”

“ഞാൻ ഒന്നും പറഞ്ഞില്ല…….. ”

“പിന്നെ എന്തിനാടാ അവൾ വന്നപ്പോൾ മുതൽ നിന്റെ റൂമിൽ പോയി കിടപ്പുണ്ടല്ലോ…….. ഒന്നുമില്ലാഞ്ഞിട്ടാണോ????? ”

നന്ദൻ ഒന്ന് ഞെട്ടി…. സംഗതി ഗൗരവം ഉള്ളതാണ്…. അത്രമേൽ ടെൻഷൻ വന്നാൽ  പിന്നെ ആര്യ, നന്ദന്റെ റൂമിൽ വന്നു കിടക്കും.പണ്ട് മുതലേ ഉള്ള ശീലം ആണത്……. അത് കാണുമ്പോൾ രണ്ടു വീട്ടുകാർക്കും  അറിയാം  എന്തെങ്കിലും പ്രശ്നം അല്ലെങ്കിൽ ടെൻഷൻ അവൾക്ക് ഉണ്ടെന്ന്……..

നന്ദൻ രണ്ടുപേരെയും ഒന്ന് നോക്കിയിട്ട് മുകളിലേക്കോടി……

അത് കണ്ടുനിന്നവരുടെ ചുണ്ടിൽ ഒരു ചെറു ചിരി വിടർന്നു…

നന്ദൻ ചെല്ലുമ്പോൾ കോളേജിൽ നിന്നു വന്ന ഡ്രസ്സ്‌ പോലും മാറാതെ ആര്യ ബെഡിൽ കമിഴ്ന്നു വാടിയ ചേമ്പിൻ തണ്ട് പോലെ  കിടപ്പുണ്ട്…..

“അമ്മൂസെ…………. നന്ദൻ പതിയെ വിളിച്ചു… ”

അവൾ പതിയെ ഒന്ന് ഞരങ്ങി……