നിഴലായ് അരികെ -10 [ചെമ്പരത്തി] 360

 

വിശേഷങ്ങൾ അപ്പപ്പോൾ അറിയുന്നുണ്ടായിരുന്നുവെങ്കിലും, എന്തെങ്കിലും ചോദിക്കണ്ടേ എന്നു കരുതി നന്ദൻ അവളോട് ചോദിച്ചു…..

 

“നന്നായിരുന്നു നന്ദേട്ടാ…. നന്ദേട്ടനും കൂടി വരേണ്ടതായിരുന്നു….. ഞാൻ എന്തോരും മിസ് ചെയ്തു എന്നറിയാവോ….. ”

“ഞാൻ പറഞ്ഞതല്ലേ പ്രിയാ വീടിന്റെ മെയ്ന്റനൻസിന്റെ കാര്യം…. അതിനിടയിൽ ഞാൻ കൂടി വന്നാൽ ശരിയാകില്ല… അത് കൊണ്ടാണ്…. ”

 

“ങും….. ആയ്ക്കോട്ടെ….. പിന്നെ നന്ദേട്ടനെന്താ ഇവിടെ…എന്നെ കൊണ്ടുപോകാൻ അച്ഛൻ വരും എന്ന് ഞാൻ പറഞ്ഞതല്ലേ….. ? ”

 

പ്രിയ സംശയഭാവത്തിൽ നന്ദനെ നോക്കി…

 

“ഞാൻ ആര്യയെ കൂട്ടാൻ വന്നതാണ്….. ”

 

പെണ്കുട്ടികളെയെല്ലാം പേരന്റ്സ്ന്റെ കൂടെ ഏല്പിച്ചിട്ട്,  ബാഗും തൂക്കി തങ്ങൾക്കരികിലേക്ക്  നടന്നെത്തുന്ന ആര്യയെ ചൂണ്ടി നന്ദൻ പറഞ്ഞു….

 

“”അതെന്താ നന്ദൻ…???  അവളുടെ വീട്ടിൽ ആരുമില്ലേ..കൂട്ടിക്കൊണ്ട് പോകാനായിട്ടു..??? ”

അവരുടെ അടുത്തേക്ക് നടന്നെത്തിയ  പ്രിയയുടെ അച്ഛൻ പരുഷമായിട്ട് ചോദിച്ചു..

 

“ഓ…… അതിനിപ്പോൾ എന്താ ഞങ്ങളുടെ വീടുകൾ തമ്മിൽ അങ്ങനെ വേർതിരിവൊന്നും ഇല്ല….. അല്ലെങ്കിൽ തന്നെ കോളേജിൽ വരുന്നത് ഞങ്ങൾ……………….. ”

പറഞ്ഞുകൊണ്ടിരുന്നത്, ആര്യ കേൾക്കുന്ന അകലത്തിൽ എത്തിയപ്പോൾ നന്ദൻ നിർത്തി….

 

ചെറിയൊരു ഉറക്കച്ചടവോടെ അവർക്കടുത്തേക്കെത്തിയ ആര്യ ബാഗ് നന്ദന്റ വണ്ടിക്കു മുകളിലേക്കു വച്ചു…… രൂക്ഷമായിട്ടു തന്നെ നോക്കുന്ന പ്രിയയെയും അച്ഛനെയും ഒന്നു നോക്കി ചെറുതായി പുഞ്ചിരിച്ചിട്ട്  ആര്യ നന്ദന്റ കയ്യിൽ പിടിച്ചു വലിച്ചു..

 

” നന്ദാ… ഒന്നെന്റെ കൂടെ വാ…….അത്യാവശ്യം ആണ്….. ”

 

“എങ്ങോട്ടാ അമ്മൂ…എന്തിനാ… ?? ”

 

“അമ്മുവോ…….?? “ചോദിച്ചത് പ്രിയ ആയിരുന്നു…

 

“ങ്ഹാ….. അത് ഞാൻ അവളെ വിളിക്കുന്നതാ……. ” തെല്ലു ജാള്യതയോടെ പ്രിയയോട് പറഞ്ഞു…