നിഴലായ് അരികെ -10 [ചെമ്പരത്തി] 359

 

 

സെക്കന്റ്‌ അവർ നന്ദൻ പതിയെ ക്ലാസ്സിലേക്ക് നടന്നു ….

നന്ദനെ കണ്ട കുട്ടികൾ അടക്കിപ്പിടിച്ചുള്ള സംസാരവും ചിരിയും തുടങ്ങി.എങ്കിലും നന്ദൻ കൂടുതൽ മൈൻഡ് ചെയ്യാതെ തന്റെ പോർഷനുമായി മുന്നോട്ട് പോയി….

 

“ഇപ്പോൾ എടുത്ത ഭാഗത്തു ആർക്കെങ്കിലും എന്തെങ്കിലും ഡൌട്ട് ഉണ്ടോ ”

 

എടുത്തു കഴിഞ്ഞു നന്ദൻ അവരോടായി ചോദിച്ചു…..

 

ആരും ഒന്നും മിണ്ടുന്നില്ല എന്ന് കണ്ട് നന്ദൻ ബോർഡിന് നേർക്കു തിരിഞ്ഞതും പുറകിൽ നിന്നും വിളി വന്നു…..

 

“സർ…… ”

 

നന്ദൻ തിരിഞ്ഞു നോക്കുമ്പോൾ, ക്ലാസ്സിലെ ബാക്കിയുള്ള കുട്ടികൾ എല്ലാം അന്തംവിട്ട് വിളിച്ചയാളെ  നോക്കിനിൽക്കുന്നു……

 

കാരണം എഴുന്നേറ്റു നിൽക്കുന്നത് കോളേജിലെ തന്നെ  ആസ്ഥാന ഉഴപ്പനും, തെമ്മാടിയും,  ഉറക്കം തൂങ്ങിയും ആയ കിഷോർ ആണ്…… പിന്നെ പിള്ളേർ അന്തംവിട്ടിരിക്കാതെ ഇരിക്കുമോ…..???

 

“എന്താ കിഷോർ….?? എന്തെങ്കിലും ഡൌട്ട്….?? ”

 

“അതെ സാറേ……. വേറൊന്നും അല്ല…… നിങ്ങൾ എല്ലാ രാത്രിയും ഇവിടെ വരാറുണ്ടോ……അല്ല പറഞ്ഞാൽ ഞങ്ങളും……… ”

 

ക്ലാസ്സിൽ ഒരു  കൂട്ടച്ചിരി മുഴങ്ങി…..

 

നന്ദൻ അത്രയും നേരം അടക്കി വച്ചിരുന്ന ദേഷ്യം എല്ലാം കൂടി പുറത്തു ചാടി….

ദേഷ്യം പിടിച്ചു കണ്ണുകൾ ചുവന്നു തന്റെ നേരെ പാഞ്ഞടുത്ത നന്ദനെ കണ്ട് കിഷോർ ഒന്ന് പരുങ്ങി……

 

“നായി….&%&$*@%&**%…..”

 

എന്ന വിളിയോടെ  സർവശക്തിയും സമാഹരിച്ചുള്ള നന്ദന്റെ അടിയിൽ കിഷോർ മുന്നിലുള്ള ഡെസ്കും ഒടിച്ചു താഴേക്കു വീണു…..

 

അവന്റെ ചുണ്ടും കവിളും എല്ലാം ചതഞ്ഞു പൊട്ടി ചോര ഒഴുകാൻ തുടങ്ങി…

 

വീണ്ടും അവനെ വലിച്ചുയർത്തിയ നന്ദൻ ഇരു ചെകിട്ടത്തും മാറിമാറി  പൊട്ടിച്ചു……

 

അപ്പോഴേക്കും ആൺകുട്ടികൾ എല്ലാം കൂടി നന്ദനെ വട്ടം പിടിച്ചു…..

 

“വേണ്ട സർ……. ഇനി തല്ലിയാൽ ചിലപ്പോ അവൻ ചത്തു പോകും…… ”

 

നന്ദൻ, കിഷോറിന് നേരെ വിരൽ ചൂണ്ടിക്കൊണ്ട് ചവിട്ടിത്തുള്ളി പുറത്തേക്കു പോയി……..