നിഴലായ് അരികെ -10 [ചെമ്പരത്തി] 359

 

കലികയറി സ്റ്റാഫ്‌റൂമിലേക്കു വന്നു കയറിയ നന്ദനെ കണ്ട് ആര്യയും അവിടെ  ഉണ്ടായിരുന്ന മറ്റു സ്റ്റാഫുകളും ഒന്ന് പകച്ചു……

 

“എന്താ നന്ദാ …….??  എന്താ പറ്റിയെ…?? ”

ആര്യ ചോദിച്ചുകൊണ്ട് അടുത്തേക്കെത്തി….

 

“ഒന്നുമില്ല അമ്മൂ…… ഞാൻ പിന്നെ പറയാം…. ”

 

ഇനിയും ചോദിച്ചാൽ നന്ദന്റെ സ്വഭാവം മാറും എന്നറിയാവുന്നതിനാൽ ആര്യ, അവന്റെ മുന്നിലിരുന്ന കസേരയിൽ ചെന്നിരുന്നു…….

 

 

“നന്ദൻ സാറിനെ പ്രിൻസിപ്പൽ വിളിക്കുന്നു…… ”

ഇത്തിരിനേരം കഴിഞ്ഞപ്പോഴേക്കും അങ്ങോട്ടേക്ക് കയറിവന്ന പ്യൂൺ ബേബിച്ചേട്ടൻ നന്ദനോട് പറഞ്ഞു……..

 

“എന്തിനാ..??? എന്താ ബേബിച്ചേട്ടാ കാര്യം….?? ”

ചോദിച്ചത് ആര്യ ആണ്…

 

“അറിയില്ല മാം…… സർ നല്ല ദേഷ്യത്തിൽ ആണ്…. ”

 

ബേബിച്ചേട്ടൻ പറഞ്ഞു തീർന്നപ്പോഴേക്കും നന്ദൻ ഇറങ്ങി പ്രിൻസിപ്പാളിന്റെ ഓഫീസിലേക്ക്  നടന്നു…

 

ഓഫീസിൽ കയറിയ പാടെ, സൈഡിൽ നിൽക്കുന്ന കിഷോറിനെ കണ്ട് അവനെ രൂക്ഷമായി ഒന്ന് നോക്കി ഡോറിൽ മുട്ടിയിട്ടു നന്ദൻ അകത്തേക്ക് കടന്നു…..

 

“ഡോ നന്ദാ…… താൻ എന്ത് പോക്രിത്തരം ആടോ ഈ കാണിച്ചു വച്ചേക്കുന്നേ…..???

 

താൻ ഒരു അധ്യാപകൻ അല്ലെ….ആൻസർ പറയാത്തതിന് ഒരുത്തനെ തല്ലികൊല്ലാൻ നോക്കുന്നോ…???

ഇവന്റെ പേരന്റ്സിനോട് ഞാൻ എന്ത് മറുപടി പറയും….. നന്നായി പഠിപ്പിക്കും എന്നതിന്റെ അഹങ്കാരം ഈ കോളേജിൽ വേണ്ട…..

ഇങ്ങനെ ആണെങ്കിൽ താൻ ഇവിടെ പഠിപ്പിക്കണം എന്നില്ല….

ഇത് കോളേജിന്റെ  റെപ്യുട്ടേഷനെ ബാധിക്കുന്ന പ്രശ്നം ആണ്….. പോർഷൻസ് ഓക്കെ തീർന്നല്ലോ….

എന്തായാലും കുറച്ചു നാൾ താൻ വീട്ടിലിരിക്ക്…… തന്റെ സസ്പെന്ഷന് ലെറ്റർ  കുറച്ചു കഴിയുമ്പോൾ കയ്യിൽ തരാം……. ”

 

അങ്ങോട്ട് എന്തെങ്കിലും ചോദിക്കുകയോ പറയുകയോ ചെയ്യുന്നതിന് മുൻപേ പ്രിൻസിപ്പാൾ നന്ദനോട് തട്ടിക്കയറി…

 

നന്ദന് അടിമുടി വിറഞ്ഞു കയറി….

 

“സർ എന്തറിഞ്ഞിട്ടാണ് ഇങ്ങനെ സംസാരിക്കുന്നതു…..??? 😡😡😡😡രണ്ടു ദിവസം മുൻപ് ഇവിടെ നടന്നത് സർ അറിഞ്ഞിരുന്നോ…..?? രാവിലെ ഞാൻ ഇവിടെ വന്നപ്പോൾ നിങ്ങൾ എത്തിയിട്ടില്ല….. ”